1 Peter 2 - Ɗû na sɗik na wiini Alaw

¹ Buri nɵa ki hini sɗa na maafanai paŋ edi gaini yel paŋ, gaini rhai paŋ lai, gaini suuna gaini ginai paŋ lai.

² Maiɗi aliyagoi na kuɗu kuɗu nɵa, aga ki piyi aŋ ci fiyaw na gaini jilni kai na wiini seŋni Alaw, kapai gaini hanɗa ki siɗi aŋ wili amai sin kûri,

³ na ɓa ki titimi pɗemni Epiɗ-ɗai ya ɗa.

Ɗai zi yimi ɗa, e ɗi ɗai na wiini Alaw

⁴ Hilisi sini, ni ahi-fuŋ na karni, na ɗai e biliŋ edi su, a na ɵa lai, amma aŋ gaini viri ɗaw, a juva gara lai arni Alaw.

⁵ Tiki lai, maini ahi-fuŋ na karni nɵa, ki rgi siki amai, kapai ki zi aŋ dalam zi seze, aŋ paakai zi ɓaka na sɗik, kapai ki zi ɓaka zi seze, n'Alaw a daraŋ war Yesu Kristu.

⁶ Buri aŋ war ɗû maini nɵa: “Tili, aga mu tika war Siyon, ahi-fuŋ n'a tika war koŋni dalam, na mu varaŋ edi, na wûrini caŋ gara, ni n'a yima li warni ɗa, aga a tika siyer kai zaŋ.”

⁷ Nɵa hormo hanɗa a na buriki tiki, na ki yimi; amma buriɗi nagai n'e yimi kai ɗa, ahi-fuŋ na ɗai zi rgi dalam e biliŋ edi, a bunda aŋ ahi-fuŋ n'a tika war koŋni dalam.

⁸ War hlai zamai pra ɓa a Ahi-fuŋ zi dibi azi, a huwuŋ n'a ɵiŋka ɗai azumai, e dibi sini buri e diri e yimi pin seŋ ɗa kai, hanɗa a wala na nagai e ɗa burini ɗa.

⁹ Tiki ɗa ki ɗi pinziba zi viri n'edi, ki ɗi paakai zi ɓaka na wiini pai, pinziba na sɗik, pinziba n'Alaw a zaŋ aŋ wiini ta, kapai ki miɗi edi midini sda n'abakai na wiini ni n'e yikikisi edi war gegeŋ par sini gaglai, n'a juva gara.

¹⁰ Tiki na ɗipar ki ɗi ka ki ɗi pinziba kai, amma tiyana ki ɗi pinziba na wiini Alaw. Tiki na ɗipar ɗa Alaw a hiina haw buriki kai, amma tiyana a na hiina haw buriki.

Payai na pɗem na wiini ɗif zi yimi, arbaɗi ɗai na kadai

¹¹ Tiki zi diri gara, mu siiwiki buri ki ɗili siki burini dirini neŋ-siki n'a hitima gaini suŋfaɗi agul, maiɗi ɗai zi jak na morkokoi nɵa.

¹² Ki piyi payai na pɗem arbaɗi pinziba na zamai ɗa, koo ɓa e pi seŋ miɗiki ɓa ki zi ɗa a meefeŋ tekeɗeɗi, pin sdaki na pɗem ɗa, e kûli Alaw war mefeŋ n'a halasi li aŋ ɗûglûɗi ɗa.

Ɗif zi yimi gaiɗi n'abakai n'e ŋi midini afti

¹³ Burini Epiɗ-ɗai, ki ɵini piɗi n'abakai n'e tikiɗi aŋ ŋi midini afti, pin pai n'a ŋa midini hlai paŋ,

¹⁴ piɗi lawaŋai n'e siniɗi edi buri e zi sariya wiiɗi ɗai n'e zi meefeŋ, e kuliɗi nagai n'e zi pɗem ɗa lai.

¹⁵ Ɗirini Alaw a na ɗa ɓa: won hlai na ki zi pɗem ɗa, ki dûgûɗi a miɗi ɗai na tatalakai, n'e siɗi miɗi kai ɗa.

¹⁶ Ki zi siki aŋ ɗai na gaini pli edi, pli n'edi na wiiki ɗa aga a za aŋ sapa n'a bara miɗini meefeŋki ɗa kai, amma ki zi siki aŋ bagakai na wiini Alaw.

¹⁷ Ki zi hormo wiiɗi ɗai paŋ, ki diriɗi tawalakaiki war hunai paŋ, ki hûni Alaw, ki sini hormo sini pai lai.

Bagakai zi yimi

¹⁸ Tiki zi sda, ki ɵini piɗi epin-gezakaiki war wazagai paŋ, piɗi na pɗamai gaiɗi na hangalai ktai kai, amma piɗi nagai na seŋɗi gir ɗa lai.

¹⁹ Buri hanɗa a yum, na ɓa ɗif a luba gir burini Alaw, na ɓa a sɗa gir pin meefeŋ ktai ta kai ɗa;

²⁰ Na ɓa ɗif a sɗa gir buri ɓa a za tuwur ɗa, kol na wiini aŋ wata ɗa? Amma na ɓa a sɗa gir buri ɓa a na za pɗem ɗa, a wala na pɗem arni Alaw.

²¹ Alaw a yikikisi sini hanɗa, buri ɓa Kristu gaini midini dama a sɗa gir buriki, a bunda aŋ wala na ki hitri sini par, kapai tiki lai ki tiki ezini:

²² Ni ɗa a za tuwur kai, e nivi rhai war mini kaalai;

²³ won hlai n'e tirkiŋ, a waya tirki kai; won hlai n'a sɗa gir ɗa, mini a muɗa seŋ na meefeŋ kai, amma a hina sini war tini ni n'a ɗûklûti sariya war ɗikat.

²⁴ Ni gaini midini dama a luba tuwur na wiimu, war sini amai sini luwuŋ zi dagra, kapai ɗa gaini mri sin tuwur, mu sumnumu karmu sini jre-ɗikat; tiki ki nivi zûûli ɗa burini wuruk na wiini.

²⁵ Buri ki ɗi ka maini adumai n'a wula edi nɵa amma tiyana ɗa, tiki ki wiyisi li sini ni n'a ɗif zi giɗimi na wiiki sin ni na giɗima suŋfaɗi agulki.