1Yohana 1 - Ɗû na sɗik na wiini Alaw

Na tiyi mi ɵiniŋ, mi tiliŋ, mi titimiŋ lai

¹ Wala n'a nasi ka war pi zi tiki par, na tiyi mi ɵiniŋ, na mi tiliŋ gaini aryi, na mi tiki hangalyi sini aŋ tiliŋ, na tiyi a tetemaŋ lai, hanɗa a seŋ zi suŋfa.

² Buri Suŋfa a siŋkasi sini edi gaglai, tiyi mi tiliŋ, mi zi zaida miɗini, tiyi mi miɗiki midini suŋfa n'a vada kai, n'a nasi ka gaini Api, na tiyana a siŋkasi sini edi siyi lai.

³ -Wala na tiyi mi tiliŋ, mi ɵiniŋ lai ɗa, mi miɗiŋki wiiki tiki lai kapai tiki lai ki siɗi aŋ tipi gaiyi, tipi na wiyi ɗa a na gaini Api, gaini Yesu Kristu n'Ahini lai.

⁴ Wazagai hanɗa mi ɗûŋ siki kapai firiyi na wiyi a va amai.

Ki piyi war gaglai

⁵ Seŋ na mi ɵiniŋ mini par, na mi dii mi miɗiŋki lai a na ɓa: Alaw a gaglai, gegeŋ aŋ warni kai.

⁶ Na ɓa mu muɗumu ɓa mu ɗumu aŋ bonu gaini, amma mu piyumu war gegeŋ, mu zumu eles mu zumu na ɗa a jre kaalai.

⁷ Amma na ɓa mu piyumu war gaglai nɵa, mu ɗumu war bonu gaiɗi marmu, fel na wiini Yesu Kristu n'Ahini a mumu edi hilu burini tuwur na wiimu paŋ.

⁸ Na ɓa mu muɗumu ɓa tuwurmu aŋ kai, mu wulumu edi na ɗa a sumu dama, jre aŋ warmu kaalai.

⁹ Amma na ɓa mu suɗumu tuwurmu li, ni a jre, a ɗikat aga a sumu ni burini tuwur na wiimu, aga a mumu edi hilu war jre ɗikat kai na wiimu paŋ lai.

¹⁰ Na ɓa mu muɗumu ɓa mu zumu tuwur kai, mu bunduŋmu aŋ ɗif z'eles, seŋni aŋ warmu kaalai.