Labar na war yivai n'avut 9 - Ɗû na sɗik na wiini Alaw

Ɗai n'e simni war Yeruzalem

¹ E piɵiɗi aliɗi Izrayel paŋ kafa, e ɗû yikiɗi war maktuɓ na wiiɗi paakaiɗi Izrayel. Amma ɗai na Yuda e kiɗi edi aŋ bagakai war Babilon buri ɗikat kai na wiiɗi.

² Ɗai n'e wiyisi aha avut war fuŋɗi n'abakai, miɗini Jooɗi lai ɗa, e ɗi aliɗi Izrayel na paŋ, paakai zi ɓaka, Levitekai gaiɗi ɗai n'e zi sda n'agogoi war tempel ɗe lai.

³ Zamai arbaɗi alini Yuda, alini Benyamin, alini Efrayim gaiɗi alini Manase lai e simni war Yeruzalem.

⁴ War pinzibani Yuda par a Utai n'ahini Amihud, n'ahini Omri, n'ahini Imri, n'ahini Bani, ktai arbaɗi alini Peres.

⁵ Piɗi humunini Selah n'ahini n'avut n'e yikiŋ ɓa Asaya gaiɗi alini,

⁶ piɗi humunini Zera a Yuwel. Yudiyakai n'e simni aha war Yeruzalem paŋ e ɗa ɗai miya ɵaara gaini ɵeeŋe.

⁷ War pinzibani Benyamin ɗa a Sallu n'ahini Mesullam, n'ahini Hodabiya, n'ahini Hasenuwa.

⁸ Ibneya n'ahini Yerowam, Ela n'ahini Uzzi, n'ahini Mikiri gaini Mesullam n'ahini Sefatiya, n'ahini Rehuwel, n'ahini Ibniya.

⁹ Pini giriɗi pinzibani Benyamin n'e simni aha war Yeruzalem, pɵaɗi a na miya ɵeeŋe gaini doogo doogo ɵim pi ɵaara, nagai hanɗa paŋ e ɗi tamai dalam.

¹⁰ Arbaɗi paakai zi ɓaka par, Yedeya, Yehoyarib, Yakin,

¹¹ gaini Azariya n'ahini Mesullam, n'ahini Sadok, n'ahini Meroyot, N'ahini Ahitub abaini Dalamni Alaw.

¹² Gaini Adaya n'ahini Yeroham, n'ahini Pashur, n'ahini Malkiya, gaini Masai n'ahini Adiyel, n'ahini Yazera n'ahini Mesullam, n'ahini Mesilimit n'ahini Imer.

¹³ Gaiɗi paakai zi ɓaka na marɗi na tamai dalam, pɵaɗi a na dubu ɗaw gaini miya muguzak gaini doogo doogo ɵaara, paŋ e ɗi ɗai na karɗi gara buri sda na warni Dalamni Alaw.

¹⁴ Arbaɗi Levitekai par a Semaya n'ahini Hasub, n'ahini Azrikam, n'ahini Hasabiya, arbaɗi alini Merari,

¹⁵ Gaini Bakbakar, Heres, Galal gaini Mataniya n'ahini Mika, n'ahini Zikri, n'ahini Asaf,

¹⁶ gaini Obadiya n'ahini Semaya n'ahini Galal, n'ahini Yedutun gaini Berekiya n'ahini Asa, n'ahini Elkana n'a sumna midini afti na ɵimani fuŋ n'abai na Netofa.

¹⁷ Ɗai n'e giɗimi mini magala e ɗi miɗi: Sallum, Akub, Talmon, Ahiman gaiɗi tawalakaiɗi, Salum a na fu aŋ abaiɗi.

¹⁸ Haa girna e giɗimi mini magala na wiini pai na piɗi futi na dawai par, e ɗi pinzibaɗi. E giɗimi mini magala na wiini Kaŋ na wiiɗi Levitekai e ɗi nagai lai.

¹⁹ Sallum n'ahini Kore, n'ahini Abiyasaf, n'ahini Kore gaiɗi tawalakaini na war zibani Kore lai. Sda n'a sa tiɗi a giɗimini mini magala na wiini gororo n'e nivi gaini EPIƊ-ƊAI woni, tamaiɗi e ɗi ka e giɗimi ɗa a mini magalani kaŋ na wiini EPIƊ-ƊAI.

²⁰ Pinhas n'ahini Eleazar a na ka aŋ n'abaiɗi, EPIƊ-ƊAI a na fu gaini.

²¹ Sakariyas n'ahini Meselemiya a na ka a ɗif zi giɗimi mini hlai na wiini gororo n'e nivi gaini EPIƊ-ƊAI woni lai.

²² Nagai paŋ n'e viri edi buri e giɗimi mini magala e ɗa paŋ ɗai miya-sulu gaini doogo pi sulu, yikiɗi a ɗosi war fuŋ n'e wisi woni par. E miliɗi mini sda n'a vada kai hanɗa, a David gaini ɗif na mini Alaw Sam.

²³ Nagai gaiɗi aliɗi e hini mini sda zi gɗam na wiini magala na wiini Dalam na wiini EPIƊ-ƊAI, a dara a muɗa ɓa dilimi zi gororo.

²⁴ Ɗai zi giɗimi mini magala e ɗi fu war koŋni hlai na puɗu paŋ, piɗi futi na dawai par, piɗi futi na koskoi par, azumai par, amai par lai.

²⁵ Ɗai zi giɗimi zamai n'e simni aha war fuŋɗi par, e hilisi gaiɗi yawwa, yawwa haa mefeŋ muguzak?

²⁶ Amma abakaiɗi ɗai zi giɗimi mini magala na puɗu, e hini war balamɗi ɵa sa. E ɗi Levitekai n'e miliɗi aŋ n'abakai miɗini dalamai gaini godai na war Dalam na wiini Alaw.

²⁷ E fini ɗa anene ɵimaɗi Dalam na wiini Alaw ɗa, buri e miliɗi mini aŋ giɗimiŋ, buri e mili mini edi gorof par paŋ lai.

²⁸ Zamai arbaɗi sdaɗi a pɵini wazagai na warni tempel, hlai paŋ n'e miliŋ anene sek e pɵiŋ ta, e wiyiŋsi amlai sek ɗa e pɵiŋ ta lai.

²⁹ Zamai arbaɗi e miliɗi midini sdani grakai, a suwa paŋ grakai na gaini mili edi sa wiini EPIƊ-ƊAI, na wiini avudi, na wiini vin, na wiini emel, na wiini wala zi ɗûgûdi gaini wazagai zi lûgûzi lai.

³⁰ Amma ɵihiɗini wazagai zi lûgûzi e ziŋ ɗa e ɗi paakai zi ɓaka.

³¹ Mattiya n'ahini Sallum, ni n'abai war piɗi humunini Kore, ktai arbaɗi Levitekai sdani gamla zi ɓaka a za paŋ a sa war tini.

³² Levitekai zamai na piɗi humunini Kehat sdaɗi a zini peŋ na Sabbat paŋ e miliŋ amai midiɗi table na wiini Alaw.

³³ Ɗai zi zini yama na war pinzibaɗi Levitekai e siɗi hlai zi simni amlai war dalamai n'agogoi na ɵimani tempel, e zi sda zamai kai buri duvuk gaini girvudi paŋ e ɗa n'a sa tiɗi.

³⁴ Hanɗa e ɗi tamaini dalam na war pinzibani Levi, e ɗi n'abakai war pini girini na wiini pinzibaɗi, e simni aha war Yeruzalem.

³⁵ Yehiyel n'a tikiti Gabawon azumai ɗa, a sumna warɗi gaiɗi munini na yikiɗi ɓa Maaka.

³⁶ Gaini ahini n'abai n'e yikiŋ ɓa Abdon, gaiɗi alini na zamai: Sur, Kis, Baal, Ner, Nadab,

³⁷ Gedor, Ahiyo, Zekariya gaini Miklot lai.

³⁸ Miklot a wa Simeyam, nagai lai maiɗi zagalakaini na zamai ɗe nɵa e simni gaiɗi aha war Yeruzalem.

³⁹ Ner a wa Kis, Kis a wa Sawul, Sawul a wa Yonatan, Malki-Suwa, Abinadab gaini Esbaal.

⁴⁰ Yonatan a wa Meribaal, Meribaal a wa Mika,

⁴¹ Mika a wa Piton, Melek gaini Tareya,

⁴² Ahaz a wa Yara, Yara a wa Alemet, Azmawet gaini Zimri, Zimri a wa Mosa,

⁴³ Mosa a wa Bineya, Bineya a wa Refaya, Refaya a wa Elasa, Elasa a wa Asel,

⁴⁴ Asel a wa ali ɵaara, yikiɗi maini nɵa: Azrikam, Bokru, Yismayel, Seyariya, Obadiya gaini Hanan lai.