Labar na war yivai n'avut 27 - Ɗû na sɗik na wiini Alaw

Kitini sda na wiiɗi Askarai na war pai na wiini David

¹ Aliɗi Izrayel e ɗa war sdani pai, pini pɵaɗi e ɗa maini nɵa: abakaini pinziba, abakaiɗi vokɗi askarai na dubu gaiɗi askarai na miya, gaiɗi n'abakai n'e ɵi wuze, David a ɓûrwiɗi edi war vok ta ta, vok paŋ ɗai warni dubu caaɓa pi puɗu puɗu, vok ktai a halasi a giɗima haa tile ɗaw, maini zamai a bundaŋ, haa buza te vada ɵa.

² Vok n'a giɗima war tile n'avut ɗa aŋ miɗini ɗa a Yasobeyam n'ahini Zabdiyel, vokni ɗai warni dubu caaɓa pi puɗu.

³ A na piɗi humunini Peres, a ŋa midiɗi abakaiɗi askarai n'e zi sda war tile n'avut ɗa.

⁴ Vok na war tile n'ag'aŋ sulu a na fu midini aŋ ŋa ɗa a Dodai na war Ahoh par, vok hanɗa a na ka miɗini ɗa a Miklot, ɗai warni dubu caaɓa pi puɗu.

⁵ Vok na war tile n'ag'aŋ hu a ŋa miɗini ɗa a Benaniyahu, n'ahini pai zi ɓaka n'abai Yehoyada, vokni ɗai warni dubu caaɓa pi puɗu.

⁶ Benaniyahu ni ɗa a na ka a gaŋgalaŋ arbaɗi na hu, abai na midiɗi lai. Amizabad n'ahini a na fu war vokni lai.

⁷ Vok na war tile n'ag'aŋ puɗu a ŋa miɗini ɗa a Asayel na tawalni Yowab, duɓani par a ŋa ɗa a Zebadiya n'ahini, vokni ɗai warni dubu caaɓa pi puɗu.

⁸ Vok na war tile n'ag'aŋ ɵim a ŋa miɗini ɗa a Samhut, war piɗi humunini Yizra, vokni ɗai warni caaɓa pi puɗu.

⁹ Vok na war tile n'ag'aŋ ɵaara a ŋa miɗini ɗa a Ira n'ahini Ikkes na war Tekuwa par, vokni ɗai warni dubu caaɓa pi puɗu.

¹⁰ Vok na war tile n'ag'aŋ muguzak, a ŋa miɗini ɗa a Heles na Pelon par war pinzibani Efrayim, vokni ɗai warni caaɓa pi puɗu.

¹¹ Vok na war tile n'ag'aŋ mitwis, a ŋa miɗini ɗa a Sibbekai na Husa par, war piɗi humunini Zera, vokni ɗai warni dubu caaɓa pi puɗu.

¹² Vok na war tile n'ag'aŋ ɵeeŋe, a ŋa miɗini ɗa a Biyezer na Anatot par, war piɗi humunini Benyamin, vokni ɗai warni dubu caaɓa pi puɗu.

¹³ Vok na war tile n'ag'aŋ doogo, a ŋa miɗini ɗa a Mahrai na Netofat par, war piɗi humunini Zarit, vokni ɗai warni dubu caaɓa pi puɗu.

¹⁴ Vok na war tile n'ag'aŋ doogo pi ktai, a ŋa miɗini ɗa a Beneya na Pireyaton par, piɗi humunini Efrayim par, vokni ɗai warni dubu caaɓa pi puɗu.

¹⁵ Vok na war tile n'ag'aŋ doogo pi sulu a ŋa miɗini ɗa a Heldai na Netofat par, piɗi humunini Otniyel, vokni ɗai warni dubu caaɓa pi puɗu.

Kitini sdaɗi ɗai na kadai: abakaiɗi pinziba

¹⁶ Abakaiɗi pinziba na war Izrayel ɗa e ɗi ɗai hanɗa: war pinzibani Ruben ɗa a Eliyezer n'ahini Zikri, war pinzibani Simeyon ɗa a Sefatiyahu n'ahini Maaka,

¹⁷ war pinzibani Levi ɗa a Hasbiya n'ahini Kemuwel, war piɗi humunini Aaron ɗa a Sadok,

¹⁸ war pinzibani Yuda ɗa a Elihu, ktai arbaɗi tawalakaini David, war pinzibani Isakar ɗa a Omri n'ahini Mikayel;

¹⁹ War pinzibani Zabulon a Yismayahu n'ahini Obadiyahu, war pinzibani Neftali ɗa a Yerimot n'ahini Aziriyel,

²⁰ war pinzibani Efrayim ɗa a Hoseya n'ahini Azaziyahu, war galni pinzibani Manase na piɗi futi na koskoi sek ɗa a Yuwel n'ahini Pedayahu.

²¹ War galni pinzibani Manase na war Galaad ɗa a Iddo n'ahini Sakariyas, war pinzibani Benyamin ɗa a Yaasiyel n'ahini Abner,

²² war pinzibani Dan ɗa a Azarel n'ahini Yeroham. Hanɗa e ɗi n'abakai na midini pinzibaɗi Izrayel.

²³ David a sa miɗi ɓa e pɵiɗi gawlakai na buza caaɓa ta azumai sek ɗa kai, buri EPIƊ-ƊAI a muɗa ɓa aga a bindiɗi pinzibaɗi Izrayel viya maini meeɵek n'arbani hlai n'amai nɵa.

²⁴ Yowab n'ahiɗi Seruya a tika pini aŋ pɵa ɗai, amma a vadaŋ edi kai, buri hiy na wiini Alaw a halasi midiɗi Izrayel pini wala hanɗa. Pɵaɗi ɗai hanɗa a ɗo war maktuɓ na wiini sdani pai David ɗa kaalai.

Ɗai n'e giɗimi wazagai na wiini pai

²⁵ Azmawet n'ahini Adiyel e tikiŋ miɗini godai na wiini pai, Yehonatan n'ahini Uzziyahu e tikiŋ miɗini wazagai zi simi na midini afti paŋ, na war fuŋ n'abakai, n'agogoi gaini bariki na ta ta lai

²⁶ Ezri n'ahini Kelub, e tikiŋ midiɗi ɗai zi hirim.

²⁷ Simey na Rama par e tikiŋ miɗini vowai zi luwuŋ zi vin, Zabdi na Safan par e tikiŋ miɗini vin n'a niyasi war vowai hanɗa par paŋ.

²⁸ Baal-Hanan na Geder par e tikiŋ miɗini vowai na wiini luwuŋ Olive gaini luwuŋ Sikomor na midini afti na war hlai na huduk, Yowas a abai na midini hlai z'emel.

²⁹ Sitrai na Saron par abai na midini ɵaakai n'a suma war hlai zi simi farai na Saron, Safat n'ahini Adlai abai na midini ɵaakai n'a suma war hlai huduk.

³⁰ Obil na war pinzibani Ismayel abai na midini ɵigini; Yedeyahu na war Meronot par abai na midini ablehökai na falakai.

³¹ Yaziz na war pinzibaɗi Hagar par abai na midini adumai na gaini haakai. Nagai hanɗa paŋ e ɗi ɗai n'abakai n'e giɗimi wazagai na wiini pai David.

Ɗai n'amai sini David tar tar

³² Yehonatan tawalni epini David a na ka a ɗif zi sini gadai, a ɗif na yel gara, ɗif zi siɗi. Yehiyel n'ahini Hakmoni a ni n'a hitriɗi alini pai.

³³ Ahitofel a na ka a ɗif n'a sini gadai wiini pai, Husai na Arkit par a na fu aŋ marmaini pai.

³⁴ Asakalni Ahitofel par, Yehoyada n'ahini Benaniyahu gaini Abiyatar e zi sda war balamni. Yowab a na fu a abaiɗi askarai na wiini pai.