Labar na war yivai n'avut 24 - Ɗû na sɗik na wiini Alaw

Vok na wiiɗi paakai zi ɓaka

¹ Pinzibani Aaron e ɓûrwi edi war vok kiiɗi kiiɗi maini nɵa, Aaron a wa: Nadab, Abihu, Eliyazar gaini Itamar.

² Nadab gaini Abihu e mri wuzani epiɗi, e hini seyem kai. Sda zi pai zi ɓaka ɗa a hina tini Eliyazar gaini Itamar.

³ David gaini Sadok na war pinzibani Eliyazar, gaini Ahimelek na war pinzibani Itamar, e ɓûrwiɗi edi pini vokɗi ta ta pini sda n'a sa war tiɗi.

⁴ Amma ɗai na war pinzibani Eliyazar viya viya e sûwiɗi na war pinzibani Itamar ɗa. Buri nɵa e ɓûrwiɗi edi war vok kiini kiini doogo pi ɵaara, nagai na war pinzibani Itamar ɗa war vok kiiɗi kiiɗi mitwis lai, vok paŋ gaini paini paini.

⁵ Gaini hlaiɗi paŋ e ɓûrwiɗi edi ta ta pini wala zi vili, buri ɓa ɗai zi sda na warni hlai na sɗik gaiɗi ɗai zi sda na wiini Alaw e ɗi fu war pinzibani Eliyazar gaini pinzibani Itamar lai.

⁶ Semaya n'ahini Nataniyel ɗif zi ɗû wazagai na war pinzibani Levi a ɗo yikiɗi azumai wuzani arni pai, wuzani arɗi n'abakai na wiini pai, wuzani arni pai zi ɓaka Sadok, wuzani arni Ahimelek n'ahini Abiyatar, wuzani arɗi tamai dalam na wiiɗi paakai zi ɓaka gaiɗi Levitekai. E fiki li aŋ zi wala zi vili ɗa, war piɗi humunini Eliyazar ɗa e zi azi sulu, na wiini Itamar ɗa e zi azi ktai.

⁷ Hanɗa a yikiɗi n'abakai na midini vok n'e ɵiri edi pini wala zi vili: wala zi vili n'avut a yima Yehoyarib, n'ag'aŋ sulu a yima Yedaya;

⁸ n'ag'aŋ hu a yima Harim, n'ag'aŋ puɗu a yima Sehorim,

⁹ n'ag'aŋ ɵim a yima Malkiya, n'ag'aŋ ɵaara a yima Miyamin,

¹⁰ n'ag'aŋ muguzak a yima Hakkos, n'ag'aŋ mitwis a yima Abiya,

¹¹ n'ag'aŋ ɵeeŋe a yima Yesuwa, n'ag'aŋ doogo a yima Sekaniyahu,

¹² n'ag'aŋ doogo pi ktai a yima n'Eliyasib, n'ag'aŋ doogo pi sulu a yima Yakim,

¹³ n'ag'aŋ doogo pi hu a yima Hupa, n'ag'aŋ doogo pi puɗu a yima Yesebeyam,

¹⁴ n'ag'aŋ doogo pi ɵim a yima Bilga, n'ag'aŋ doogo pi ɵaara a yima Immer,

¹⁵ n'ag'aŋ doogo pi muguzak a yima Hezir, n'ag'aŋ doogo pi mitwis a yima Happises,

¹⁶ n'ag'aŋ doogo pi ɵeeŋe a yima Petahiya, n'ag'aŋ caaɓa a yima Ezekiyel,

¹⁷ n'ag'aŋ caaɓa pi ktai a yima Yakim, n'ag'aŋ caaɓa pi sulu a yima Gamul,

¹⁸ n'ag'aŋ caaɓa pi hu a yima Delayahu, n'ag'aŋ caaɓa pi puɗu a yima Maaziyahu.

¹⁹ Hanɗa a ɓrawɗi na pini sda n'a sa tiɗi, kapai e niyi amlai war Dalam na wiini EPIƊ-ƊAI pini gadai n'Aaron n'epiɗi a siŋɗi maini n'EPIƊ-ƊAI, Alaw na wiiɗi Izrayel a miɗiŋni nɵa.

Yiki zamai na wiiɗi Levitekai

²⁰ Hanɗa a yikiɗi n'abakai na midini vok na wiiɗi alini Levi n'e hini ɗa, war pinzibani Amram wala zi vili a yima Subayel, war pinzibani Subayel wala zi vili a yima Yedayahu.

²¹ War pinzibani Rehabiyahu wala zi vili a yama Yishiya, ahi n'arbaɗi.

²² War pinzibani yishar ɗa a Selomot, war pinzibani Selomot ɗa a Yahat;

²³ War pini Zibani Hebron ɗa a Yeriyahu ahini n'avut, Amariyahu n'ag'aŋ sulu, Yahaziyel n'ag'aŋ hu, Yekameyam n'ag'aŋ puɗu lai.

²⁴ War pinzibani Uzziyel ɗa a Mika, war pinzibani Mika ɗa a Samir.

²⁵ War pinzibani tawalni Mika a Yisiya, war pinzibani Yisiya ɗa a Sakariyas.

²⁶ Pinzibani Merari ɗa, a Mahli gaini Musi n'alini Yaziyahu n'ahini.

²⁷ War pinzibani Merari ɗa e ɗi tiyakaini a sofam, Zakkur gaini Ibri n'alini Yaziyahu n'ahini.

²⁸ War pinzibani Mahli ɗa a Eliyazar, a hina seyem kai.

²⁹ War pinzibani Kis ɗa, a Yerameyel.

³⁰ War pinzibani Musi ɗa a Mahli, Eder gaini Yerimot lai. Hanɗa e ɗi pinzibani Levi, e ɗi n'abakai na war pinzibaɗi tar tar.

³¹ Nagai lai maiɗi zagalakaiɗi na war pinzibani Aaron, e kiti sda zi zi pini wala zi vili wuzani arni pai David, Sadok, Ahimelek, n'abakaiɗi paakai zi ɓaka na war pinziba gaiɗi Levitekai. Wala zi vili a za buriɗi paŋ, buriɗi n'abakai n'e wi avut gaiɗi n'agogoi n'e wi asakal ɗe lai.