လုကာ 15 - Marmagyi1 အေသည်န် အခွန်ကောက်ဂေါ်ရတ်သပ် မာနုချ်အောကောလ်လို့ယ် ဂင်မ်နော့ယ်သေးမာနုချ်အောကောလ် ကိုယ်တော်ယေရှုရ် ဒတ်ချားနားရတ် ဖုနိဗျတ်လိုက် အချဲ။ 2 အပ်သလိုက် ဖာရိရှဲအောကောလ်လို့ယ် ကျမ်းစီနန့်သတ် မာချ်ထော်ရ်အောကောလတ် "အီသေ ဂင်မ်နော့ယ်သေးအိသေးရာလို့ယ် ဘိုနီယတ်နန့်သပ်အဲယူ(န်)ဘာဇေ အိသေးရာရ်ဖောင့်ကတ် ဟားယတ်နန်သကတ်" ဟိုးယ် ဒူချ်ဘာဇာ့ရ်။ 3 သိုဘာဇေ ကိုယ်တော်ယေရှု အိသေးရာရတ် အေဘော်ဆော်(န်)ကီစရတ် အော်ဒလ်ဂို့ကျဲသပ်သတ် 4 "သော်ရသူးန် ဘတ်ရစောလ် အတ်ချောသ်သကိယတ်နန် အဲသူ(န်) အိုဂို့ အာင့်ဇိဇိုက်လိုယ် သူယ် နိုဘိုယ်နိုဝိုးရတ် ဖတ်လိုက်အဲရိ အာင့်ဇိဂိယိုးသေ ဘတ်ရစောလ် အိဘေရတ် ဇတ်သော်ကော(န်) သော်ဝိုက်နောဖော်စ် အတ်သောကော်(န်) သော်ဝါဘိသည့်နနား။ 5 သို့ဘာဇေ လော်သိုက်လေ ဘတ်ရစောလောရေ ဟာသောမားသတ်သူလိယတ်နန့် ကုချီဂို့ရိ ဂေါရောမားသေ အာနိ 6 ဒ့ဟောရ်မာနုချောရတ် "အာင့်သူးန် အာင့်ဇိဂိယိုးသေ ဘတ်ရစောလောရေ သော်ဝါဖာယိသည့်အပ်သလိုက် အာင့်ရ်ဖောင့်ကတ် ကုချီဂေါရော" ဘို့လိ ဟိုဗျိုး။ 7 အပ်သလိုက် သော်ရရတ် အိုင့် ဟိုသည့်၊ စီနိဖာယေးသတ် ဂင်မ် နိုဘိုယ်နိုဝိုးသူးန်ဘောလတ် စီနိယတ်နန့် ဖိရိအချဲသပ် ဂင်မ်နော့ယ်သေး အိုဂို့လိုက် ချောရ်ဂေါမားသေ အာရောဘီရှိ ကုရှီအို့ဗျိုး။ 8 မာယာဖွာအို့ဂို့သူးန် ဖူချား သော်ချ်တန်ညာအာဆတ် အဲသူ(န်) အတ်တန်ညာ အာင့်ဇိဇိုက်လိုယ် အိဘေ ဟိုနီကျာ ဂိုရိဘို့။ အိဘေ အို(န်)သောရစ်ယတ်နန့် ဂေါရောရေ ဖုရီယတ်နန့် ဖိုက်ဖားန် ဂင်ဂို့ရိ သော်ဝိုက်ဘို့။ 9 သိုဘာဇေ သော်ဝိုက်ဖိုက်လေ အိဘေ ဝင့်ချာအောကောလ် ဒ့ဟောရ်မာနုချ်အောကောလောရတ် ဒါကီ "အာင့်ဇိဂိယိုယ်သေ တန်ညာရတ် ဖာယိသိ အပ်သလိုက် ကုချီဂေါရော" ဘို့လိ ဟိုဗျိုး။ 10 အဲနိကျ သော်ရရတ် အိုင့် ဟိုသည့်၊ မာနုချ်အို့ဂို့ စီနိအယတ်နန့် ဘောဂဝင့်နောရ်အိကျေ ဖိရိအယတ်သတ်အန်းသေ ဘောဂဝင့်နောရ် ချောဒတ်ဖောသာ့အောကော်လို့ ကုရှီအောယ်" ဟိုးယ် အော်ဒလ်ဂို့ကျဲ။ 11 အာဘာရ် ကိုယ်တော်ယေ အော်ဒလ်ဂို့ကျဲသတ် "အတ်ခါလေ မာနုချ်အို့ဂို့သူးန် ဖွာဒူဇော်(န်) အဆတ်။ 12 အေသည်န် ဖွာဂူရာဝိုး ဘာဖော်ရတ် "အဘ၊ အိုင့် ဖာယိုမ်သတ် အမွီအဲယူ(န်) စိရဂို့ရီသော" ဟိုးယ် ဂုဇေ။ အပ်သလိုက် ဘာဖေ ဖွာဒူဇော်နော်ရတ် အိသဲရ် ချိုးဘို့သီးအောကော်လ် ဘော်ရောခ်ဂိုရိ သည့်ယေး။ 13 ဒေရီနောဝိုင် ဖွာဂူရာဝိုး အိသေး ဖာယေးသတ် အဲယူးနော်ရတ် လိုယေးနန့် အာရ်ဒတ်ချောမားသတ် ဇာယိုးယ်။ အိသေး အမွီအဲယူ(န်) ဖုရစ်ယတ်နန့် ဆတ်ဒတ်ရ်ဘတ်ဒတ်ရ် သိုက်ကေ။ 14 သိုဘာဇေ တန်ညာ ဖုရစ်ယေးသေအန်းသေ အဲဒတ်ချ်အိယားနော်မားသတ် ဟားနားဖားနီစရား မာနုချ်ဘေကူးန် ဒူကောသ်ဖို့ကျဲရရ် အိသေးသူနို့ ဟားဗျတ်လိုက် ကေစုနှိုက် အို့ဂိယိုးယ်။ 15 အိသေး အဲဒတ်ချောရ် မာနုချ်အို့ဂို့ရ် အတ်ရေ ဇာယေးနန့် ဟာ(မ်)ဂိုရိဘတ်လိုက် အိသေးရေ ငှားဂိုရိဘတ်လိုက် ဟိုယေး။ အိသေး အိသေးရေ အာရစ်လော်ရ် အုဝရောရေ ဆော်ရာဇ်ဘတ်လိုက် အာင်ရယေး။ 16 အိသေး ဘီချိဘုခ်လိုက်ကျေရရ် အုဝရတ်ဟားသေ အာင်သရောရတ်သို့ ဟိုက်သရိဘတ်လိုက်ဘို့လိ ဆာယေး။ သို့ ဟိုနိကျ အိသေးရေ ဟားနားနောသေ။ 17 ဖီစား အိသေး ဂင်မော်(န်)ဂို့လိအယတ်နန့် "အာ့ဘာရ် ဂေါရောမားသေ ဟက်မ်ဂေါ်ရတ်သပ် မာနုချ်ဘီရှိဂို့ရိ အဆတ်သပ်သို့ အိသေးရာသူးန် ဟားနားဖားနီ ဘီရှိဂို့ရိ အဆတ်။ အာင့်သူးန်အို့လေး အေဇာငှာမားသတ် ဟားနားဖားနီဆားရ အူဝက်ချ်သားခဖောရတ်ရ်။ 18 အိုင့် အူရိ ဘာဖော်ရ်အတ်ရေ ဇာယေးနန့် 'အဘ၊ အိုင့် ဘောဂဝင့်နောရေ ဒူချ်ဂိုရိ အာ့ဘာရတ်ယိုး ဒူချ်ဂိုကျိသည့်အပ်သလိုက် အာင့်သူးန် ဒူချ်အဆတ်။ 19 အာင့်ရတ် ဖွာဘိုလီ သတ်မှတ်နိုဂိုကျိုး၊ ဂို့ရ်အတ်ဇောနောဒိခါးန် သတ်မှတ်ဂိုရိ အေဂျို' ဘိုလီ အိုင့် ဟိုယိုးမ်' ဟိုးယ် စိမ်သာဂိုကျဲ။ 20 သိုဘာဇေ ဖွာဂူရာဝိုး ဂုမောသူ(န်) အူရိ ဘာဖော်ရ်ဂေါရောမားသေ ဇာယိုးယ်။ ဘာဖေ ဖွာရတ် ဒူရေးသူးန် ဒေခဲရရ် အိသေးလိုက် ဘီရှိ ဖတ်ထူရီအူထေး။ အိသေးရေ ဒူရီဇိုက် ဘတ်ရစ်လို့ယေးနန့် ဘတ်ရစ်ဒို့ရိ စူမ်ဒတ်ရ်။ 21 သိုဘာဇေ ဖွာယေ 'အာဘ၊ အိုင့် ဘောဂဝင့်နောရေ ဒူချ်ဂိုရိယတ်နန့် အာ့ဘာရတ်ယိုး ဒူချ်ဂိုကျိသည့်အပ်သလိုက် အာင့်သူးန် ဒူချ်အဆတ်။ အာင့်ရတ် ဖွာဘိုလီ သတ်မှတ်နိုဂိုကျိုး' ဘို့လိ ဟိုယေး။ 22 သိုယ် ဘာဖေ ဂိုရ်အောကောလောရတ် 'နော်ဝင်ဟောရ်အောကောလ် ဟားရာအနိယတ်နန့် အိသေးရေ ဂါသည်ယာသေ။ အာ့သော်မားသတ် အိုန်ရိ သည်ယာသည်ယေးနန့် ချန်ထောလ် ဖီသိုက်သတ်။ 23 ကုချီဂို့ရိ ဖို့ယ်ဂို့ရိဘတ်လိုက် ဘိုလီဂိုရူရတ် မာရီ ရက်န်။ 24 အာင့်ရ်ဖွာ မိုရီလေးယိုး ယာအာဘာရ် ဘာစီအချဲ၊ အာင့်ဇိဇိုက်လေယိုး ယာအာဘာရ် လော်သာယိ' ဘို့လိ ဟိုယေးနန့် အိသေးရာ ကုချီဂို့ရိ ဖို့ယ်ဂေါရေရ်။ 25 အဲတိုင်မော်မားသတ် ဖွာဒေါမ့်ရ်ဂို့ ဘီလော်မားသတ် ဟာ(မ်)ဂေါ်ရတ်ရ်။ အိသေး ဂေါရောရ်ဒ့ဟောမားသေ ဖိုစဲရရ် ဂီသောရ်အာဘာစ်အတ်သပ် နာစေသပ်အာဘာစ်အောကောလ် ဖူးနားဇာ့ရ်။ 26 အပ်သလိုက် အိသေး ဂိုရ်အို့ဂို့ရတ် ဒါကီယတ်နန့် 'အတ်ရတ် ကီအို့ယေးသတ်' ဘို့လိ ဖော်စောရ်လို့ယေး။ 27 ဂိုရ်အိဘေ 'သော်ဝင့်ရ် ဂူရာဘိုက်ယေး ကေစုနော်ဝင့်ယတ်နန့် အချဲရရ် သော်ဝင့်ရ်ဘာဖေ ဘိုလီဂိုရူရတ် မာရီ ကုချီဂို့ရိ ဖို့ယ်ဂေါရတ်သေ' ဟိုးယ် ဖြေဂိုကျဲ။ 28 ဖွာဒေါမ့်ရ်ဂို့ယိုး ဘီရှိဂိုချားအုရိ ဂေါရောမားသေသို့ နော်ဂေါလတ်ရ်ဇသတ် ဘာဖေ ဘရတ်နေလီယတ်နန့် ဂေါရောမားသေ ဂို့လိဘတ်လိုက် ဖူးချိုက်လေယိုး 29 အိသေး "အိုင့် အာ့ဘာရတ် မာနီယတ်နန့် ဘော်စောရ်ဘီရှိဂို့ရိ ဟာ(မ်)ဂိုရိသည့်ယိသိသို့ အာ့ဘာ အာင့်လိုက် ဝင့်ချာအောကောလောရ်ဖောင့်ကတ် ဟာဗျတ်လိုက်သို့ စောလ်အို့ဂို့သို့ သည်ယေးနန့် ဖို့ယ်ဂိုရိနောသော်။ 30 သိုယ် အေဖွာဂူရာဝိုး အာ့ဘာရ်ချိုးဘို့သီးအောကော်လ် ဟောရက်ပ်မာယာဖွာလိုယ် ဖုရာယေးနန့် အချဲသတ်အန်းသေ အာ့ဘာ ဘိုလီဂိုရူရတ် ဟာရီယတ်နန့် ကုချီဂို့ရိ ဖို့ယ်ဂို့ရီသော' ဘို့လိ ဟိုယေး။ 31 အန်းသေ ဘာဖေ ဖွာဒေါမ့်ရ်ဂို့ရတ် "အိုဖူးသ်၊ သူယ် အာင့်ရ်ဖောင့်ဂတ် ဖိုသည့်န်ရိုယောစ်။ အာင့်သူးန်အဆတ်သပ် ချိုးဘို့သီးဘေကူးန် သော်လိုက် အို့ဗျိုးသေ။ 32 သိုယ် သောရ်ဘိုက်ယေး မိုရီဇာယေးနန့် ယာအာဘာရ် ဘာစီအချဲ၊ အာင့်ဇိဇိုက်လေယိုး ယာလော်သာယိသည့်အပ်သလိုက် အာင်ရ ကုချီအောဖို့ရိဘို့' ဘို့လိ ဟိုယေး" ဟိုးယ် အော်ဒလ်ဂို့ကျဲ။ |
This translation of the Marmagyi Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.