Nihimaya 10 - DAWAN BÎLA AISKA

¹ Yang nani sika naha wauhkataya ra nini ulbisna: Yang, Nihimaya, Hacalías luhpia, witinka wihta tara kata ba; Sedequías,

² Seraías, Azarías, Jirimaya,

³ Pashur, Amarías, Malquías,

⁴ Hatús, Sebanías, Maluc,

⁵ Harim, Meremot, Abdías,

⁶ Daniel, Guinetón, Baruc,

⁷ Mesulam, Abías, Mijamín,

⁸ Maazías, Bilgai bara Semaías. Naha nani sut na prîs nani kan.

⁹ Bara Libait nani ba: Jasua, Azanías luhpia, Binuy, Henadad kiamka, bara Cadmiel;

¹⁰ bara ai muihni nani, Sebanías, Hodías, Quelitá, Pelaías, Hanán,

¹¹ Micaías, Rehob, Hasabías,

¹² Zacur, Serebías, Sebanías,

¹³ Hodías, Baní bara Beninu.

¹⁴ Tawan tâ bri lalka nani ba: Parós, Pahat-moab, Elam, Zatú, Baní,

¹⁵ Binuy, Azgad, Bebai,

¹⁶ Adonías, Bigvai, Adín,

¹⁷ Ater, Ezequías, Azur,

¹⁸ Hodías, Hasum, Besai,

¹⁹ Harif, Anatot, Nebai,

²⁰ Magpías, Mesulam, Hezir,

²¹ Mesezabel, Sadoc, Jadúa,

²² Pelatías, Hanán, Anaías,

²³ Oseas, Hananías, Hasub,

²⁴ Halohés, Pilhá, Sobec,

²⁵ Rehúm, Hasabná, Maaseías,

²⁶ Ahías, Hanán, Anán,

²⁷ Maluc, Harim bara Baaná.

Upla nani Gâd lâka kat daukaia âu win ba

²⁸ Bara tawan uplika nani kau bâra nani ba, wibia kaka, prîs nani, Libait nani, dur ra aihwawakra nani, aiwawanra nani, tempel ra wark taki nani ba, bara upla wala nani idan nani wina dakwi taki Gâd lâka ra tniwan nani ba, ai maya nani, ai luhpia waitna bara mairin nani aikuki, tuktan nani sut pat diara tânka briaia sip kan nani ba sin,

²⁹ ai taya nani aikuki, wihtka nani sut aikuki asla takan, bara swer takan Gâd lâka kat dauki kaia, baha Gâd napakan Moses mita lâ yaban ba, Dawan adarka nani, smalkanka nani ba, lâka nani ba sin alki daukaia.

³⁰ Baku bamna, yang nani luhpi mairin nani ba idan uplika ra yabamna apia, bara ai luhpia mairin nani ba sin, yang nani luhpi waitna nani maya baikamna apia.

³¹ Baku sin upla sât wala nani diara wauhi atki ba dukia nani, piaia dukia nani ris briaia yua ra bri balbia kaka, yang nani diara kumi sin atkamna apia; baku sin 7 mani aimaki bani insla daukamna apia, tasba ba ris yaia dukiara; baku sin, yang nani pana aikuya wisi diara yabri traska ba, ban swih tiki banhwi kamna.

³² Baku sin yang nani kumi bani aitani lukisna, lâ kumi baku daukaia mani bani, silbar 8 paun yabi kaia, yang nani Gâdki tempelka warkka ba daukaia dukiara:

³³ Tempel ra brit kahbi swin kaia dukiara, plun prisantka yu bani brih balaia dukiara, yu bani daiwan aiska angki kaia, ris yua nani sakripaiska nani, kati raya yua liliaka sin dauki kaia, yu wala nani ra Dawan liliaka daukaia yua nani, bara prisantka wala nani sin dauki kaia, Israel saura dauki saurka ba pâtka ban swih tikaia sakripaiska nani daukaia, pura sunra nani sin, bara wan Gâdka tempelka ra dauki kaia lâka nani.

³⁴ Baha purkara, prîs nani, Libait nani, upla wala nani yang nani taiya nani kulkanka ba kat, lat lulki kaiki banhwamna, lâ ra ulban ba kat daukaia, baku kaikaia ya kiamka nani ba pauta bri bal kaia mani bani Gâd tempelka ra, Dawan wan Gâdka altarka ra angkaia.

³⁵ Bara mani bani, yang nani naisla wina disang mâ nani dâki ba, dus mâ nani sin, Gâd watla ra bri bal kamna,

³⁶ baku sin luhpi nani tawahkia nani bani ba, bara daiwan nani tawahkia ba sin, lâ ra ulban ba baku, bîp tawahkia nani, sîp tawahkia nani sut, Gâd watla ra bri balbia, prîs nani Dawan warkka dauki ba lamara.

³⁷ Yang nani sin aitani lukisna, Gâdki tempelka ra diara nani bri si apahki swiaia, yang nani yabaia sna ba, prîs nani ra plawar, dus nani sut mâ ba wina, wain, batana laya, mâ tawahkia disang daukisna ba wina, Libait nani ra yabaia, naisla daukisna ba wina matawalsip bani wina kumi yabaia mânka ba diara sut wina yabamna, insla nani wina, yang nani diara sut kukisna ba wina, witin nani ra yawan wark bani wina matawalsip mânka yabaia ba witin nani brisa.

³⁸ Libait nani tempel ra ai dukia matawalsip wina kumi ba briaia wabia bara prîs kum Eran kiamka wina wabia bara kaiki kabia. Baha ningkara, Libait nani mita Gâd tempelka ra diara auhbaika watla ra matawalsip bani wina kum yabaia ba, bri si swin kabia, baha wina kli matawalsip mânka ba wahbi saki brih wabia.

³⁹ Israel luhpia nani Libait nani wina plawar, wain, bara batana laya yan ba sut bri si, tempel ra diara auhbaia watlika nani ra auhbi swin Dawan ra yan dukia nani ba tilara, prîs nani wark dauki ba lamara, dur nani main kakaira bara aiwawanra nani lamara. Yang nani sin pramis takri Dawan wan Gâdka tempelka na lulki swiaia apia.