Malaquía 4 - DAWAN BÎLA AISKA

Dawan yua ba aula

¹ Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

² Sakuna man nani tara ai kulkisma ba, yang kasakki tânka ba man nani ra yu ingnika ingwi ba baku kabia; baha ingnika ba wina wînam tara yamnika maiki kabia, man nani liliam puli srutwi kama, bîp lupia nani klar wina sakan srutwi puli ba baku.

³ Baha piua ra yang ridi daukisna ba ra, man nani mita watawikira nani ba, tasba yuya baku minam ra taima.

⁴ “Horeb ilka ra duki dadaukra Moses ra baha lâka nani yabri ba kupiam krauki banhs. ¡Yabri kan Israel luhpia nani sut, yang lâika nani wali daukaia kau ba man nani kupiam krauki bas!

⁵ “Man nani kaiki bas: Dawan yua tara sibrinkira yua aula ba kainara, prapit Ilaidsa ba yang bui man nani ra blikaisna.

⁶ Witin balbia aisika nani bara ai luhpia nani wal yaka kumi lâka daukaia. Baku daukras kabia kaka, yang balamni ai kuntrika ba klala yabi, sauhki âpu tikaia.”