Job 25 - DAWAN BÎLA AISKA

Bildad

^1-2 Bamna Bildad Súah wina uplika ba aisi, naku win: Gâd ba karnakira sa bara sibrinkira pali sa; witin kasbrika purara kupia kumi lâka bapisa.

³ Ai war aiklaklabra ba sip kulki sakras sa, ai ingnika sut purara ingwisa.

⁴ ¿Sip sa ki upla bahki kumi ba, Gâd kaiki ba ra pâtkas bara sunukira kaia?

⁵ Witin ai nakra ra kati pali ba sin ingni apia baku sa, bara slilma nani ba sin tâski baku sa.

⁶ ¡Upla ba lika kau pali, liwa umpira pali na!