Jasua 22 - DAWAN BÎLA AISKA

Ruben, Gad bara Manasés kiamka bakriki ba, kli tawi aula

¹ Bamna Jasua bui Ruben bara Gad kiamka ba paiwan, baku sin Manasés kiamka bakriki ra,

² bara win: “Man nani Moses Dawan napakanka dîa win ba sut daukram, bara yang lâika bîla nani sut wali daukram.

³ Naiwa yua kat, bara naha piua nani sut ra, muihkam nani ra sin lulki swiras, Dawan Gâdkam lâka nani ba sut pain kulki man nani briram.

⁴ Nanara witin ai pramiska nani sut ba daukan bara muihkam nani kupia kumi lâka ba brisa, baku bamna kli tawi was tintkam watla nani ra, bara tasba Dawan napakanka Moses bui maikan ba ra sin, baha Jordan awala lalma tani ra.

⁵ Diara kumi baman mamkabisna ba lika, Dawan napakanka Moses ai lâka bîla nani ba kasak daukma, ai lâka ba sin. Wibia kaka, Dawan ra bara man nani Gâdkam ra piua bani ai yabalka ra wapi kaia, ai lâka bîla nani wali daukma, bara ai nina bliki ai dukia daukma kupiam aiska kira bara sulkam aiska kira sin.”

⁶ Naha ningkara, Jasua upla nani ra yamni munan bara lakula daukan ningkara upla nani ba ai tintka watla ra wan.

⁷ Manasés kiamka bakriki kum ra, Moses mita Basán ra tasba yaban kata. Manasés kiamka bakriki wala ba lika, Jasua mita tasba yan ba, Israel luhpia nani tilara Jordan muna tani ra, bara tâura balan nani ba ra Dawan yamnika ba yabi kli blikan wan.

⁸ Bara witin nani ra win: “Man nani lika kli tasbayam ra tawi was, diara ailal brisma ba wal, bara daiwram ailal, gul, silbar, bras, ayan bara kwala nani ailal wal. Muihkam nani kira yui bris, kan naha lika waihlam nani wina dakbi briram.”

⁹ Baku sika Ruben bara Gad kiamka nani bara Manasés kiamka bakriki ba wal Israel luhpia nani wina dakwi takan ba Siló ra, Kenan tasbaya ra, kli tawi wih Galaad ra iwaia dukiara, bahara sika ai tasbaya nani bri kan, Dawan bui Moses bâk wisata ba baku.

Altar ba Jordan lamara sa

¹⁰ Ruben bara Gad kiamka nani bara Manasés kiamka nani ba sin, Kena tasbaya ra Jordan awala muna tani ra balan ba ra, witin nani bahara altar tara kum paskan.

¹¹ Israel uplika wala nani ba sturka na walan, nahki Ruben bara Gad wal, baku sin Manasés kiamka bakriki aikuki altar kum paskan Jordan ra, Israel luhpia nani tasbaya piarkika ra.

¹² Israel luhpia nani naha walan ba ra Siló ra asla takan, witin nani mapara wih aiklabaia dukiara.

¹³ Finees prîs Eleazar luhpia ba kainara blikan wan, Galaad ra wabia dukiara, bahara sika Ruben bara Gad bara Manasés kiamka nani bakriki iwi kan ba.

¹⁴ Israel wihtka tara nani matawalsip witin wal wan, kumi bani ba masraka bani bara kiamka kumi bani nina ra wan.

¹⁵ Witin nani sut Galaad ra wan, bahara sika Ruben bara Gad bara Manasés kiamka bakriki ba bâra kata, bara witin nani ra win:

¹⁶ —Yang nani lika Dawan uplika nani nina ra man nani ra aisisna. ¿Dîa muni man nani naha pât ra wan dingkaia warkka na, Israel Gâdka mapara daukram? Naha altarka man nani paskram na tâka mita sika, Dawan mapara bûi witin ra lulki swiram.

¹⁷ ¿Man nani Peor ra saurka daukram ba aitani apia ki, baha wal yawan tâski ban ba bara baha tâka mita Dawan uplika ailal pruan ba?

¹⁸ ¿Naha wal aitani apia sa ki, nanara man nani ba Dawan lâka wina ilihwi takma ba? Man nani naiwa Dawan mapara buma kaka, yauhka Israel uplika sut mapara ai kupia sauhkbia.

¹⁹ Tasbayam maikan ba man nani mampara tâski sa kaka, Dawan tasbaya ra man nani bal, Dawan watla bâra ba pliska ra, yang nani tilira man nani tasba bris. Sakuna Dawan altarka kum pat paskan ba tnaya ra, kli altar wala kum paski Dawan mapara bara yang nani maipara sin bupara.

²⁰ Kupiam krauks, Acán Zérah luhpia ba dukiara, witin saura daukan diara holi sauhki tikaia kan ba brin ba tâwan, bara witin pâtka mita Dawan ba Israel luhpia nani sut wal ai kupia sauhkan. ¡Bara Acán baman lika pruras kan ai saurka mana!

²¹ Bamna Ruben bara Gad kiamka, bara Manasés kiamka bakriki kira, pana aisi win Israel wihtka nani ra:

²² —Gâd nani sut Dawanka bara Gâdka ba, witin nu sa yang nani dîa luki naha altarka paskri ba, witin mapara buaia, apia kaka witin wina tnaya ra tawaia dukiara. Baha witin nu sa, bara witin baha nani sut tânka ba man nani ra mamrikbia. Baha baku daukaia tâka sa kaka, yang nani ra raya ai swipara.

²³ Naha altarka yang nani paskri na Dawan wina ilihwi takaia dukiara sapa, apia kaka daiwan aiska angki sakripaiska daukaia, plun mâ sât sât nani prisantka dauki, Dawan wal kli uplika takaia sakripaiska nani daukaia kra; baku sa kaka, swis Dawan mita lâka ba daukbia.

²⁴ Kasak pali yang nani brin ai daukras sa, yu kum man nani luhpiam nani bui luhpi nani ra wibia: ‘¿Dîa man nani brisma daukaia, Dawan Israel Gâdka ba wal?

²⁵ Dawan mita Jordan ba mangkan man nani wina dakbi wan sakaia dukiara, Ruben kiamka bara Gad kiamka uplika nani ba. Man nani lika Dawan wal diara âpu daukaia.’ Baku man nani luhpiam nani bui yang nani luhpi nani ra munka Dawan ra kulkanka lâka yabaia apia ba mata.

²⁶ Ba mita yang nani altar kum paskaia luki banhri, Dawan ra sakripaiska angki yaia dukiara apia, sakripais wala daukaia dukiara sin apia,

²⁷ sakuna man nani wihki yang nani wal wan lilapas ra witnis kum kaia, bara yawan wan kiamka nani tilara sin baku kabia. Bara baku yawan bui Dawan mawanra aiska angkaia, wan saurka ban swih tikaia, kli wal uplika takaia sakripaiska nani dauki kaia. Bara baku man nani kiamkam yang nani kiamki ra sip wibia apia: ‘Man nani lika Dawan wal diara daukaia âpu sma.’

²⁸ Yawan luki kaikisa upla kum wan wibia kaka, baha ba yang nani ra, apia kaka wan kiamka ra, yawan wibia: ‘Man nani kaiks, wan almukka nani ba naha Dawan altarka na paskan daiwan aiska angkaia sakripaiska daukaia baman apia, sakuna witnis yamni man nani tilamra kaia bara yang nani tilira sin.’

²⁹ Gâd bui wankka ai mapara bubiara, apia kaka lulki swiaia, altar wala mâki sakripais daukaia, apia kaka sakripais apia nani ba daukaia, Dawan wan Gâdka altarka sakripais daukaia ba holikira pliska ba wina sait ra.

³⁰ Bara prîs Finees ba, tawan tâ upla nani bara masraka lalka nani aikuki, bara Ruben, Gad bara Manasés kiamka bakriki ba walan ba ra, baha ba pain kata.

³¹ Bara Finees prîs Eleazar luhpia ba, witin nani ra win: —Nanara yang nani daira walisni Dawan ba yang nani wal sa. Bamna man nani lika Dawan mapara buras kapram, baku bamna Dawan klalka wina dakbi wan sakram.

³² Naha ningkara, Finees bara wala nani witin wal auya kan ba sin, witin nani uplika nani ba ra lakula dauki si, witin nani kli Galaad tasbaya ra Kenan ra tawi wan, Israel luhpia nani bâra kan ba pliska ra. Bara Kenan ra banhwi kan uplika nani ra masraka wala nani bui dîa win ba witin nani bui win taim,

³³ pana aisinka bîla ba pain kaikan, bara Dawan ra mayuni banhwata. Baha pali piua wina, kli Ruben bara Gad kiamka mapara aiklabaia ba swin, baku sin ai tasbaya nani ba sauhki tikaia apia.

³⁴ Ruben bara Gad kiamka nani ba altar kum paski muni nina mangkan “Witnis”, bara win: “Naha altar na witnis kum kabia wan tilara Dawan ba Gâd sa.”