Isikiel 18 - DAWAN BÎLA AISKA

Kumi bani daukaia bri ba

¹ Dawan ba yang ra balan bara ai win:

² “¿Dîa muni Israel ra aisanka kum ba ban aisisa, naku wi ba: ‘Aisika bara yaptika nani ba wain swahni pîsa, bara luhpia nani ba napa srimisa’?

³ Yang, Dawan Gâd, rayaki wal swer takisni, man nani tilamra naha aisanka nani kli aisabia apia.

⁴ Upla nani sut ba yang duki sa, aisika bara luhpia baku, ya saurka daukbia ba prubia.

⁵ “Upla wapni ba sika, diara kasak bara wapni daukisa:

⁶ Il nani plahpia ra plun pi aidul nani ra pain kulkaia dauki ba witin baha mayunras, kunin gâdka nani Israel bri ba ra sin ai lukanka bâra mangkras; ai uplika maya sin dakbras, ai maya kati siknis bri ba lamara waras;

⁷ upla ra taiban lâka munras, ya wina dîa brin ba kli yabisa; upla kumi ra sin implikras; ai britka ba yui brisa ai walka wal, bara ai kwalka ba kwala luha nani ra yabisa;

⁸ upla ra lalah lukan tâski wal lin munras bara sin taibi muni, pura praki mana sakaia ba daukras; upla kumi ra sin saura munras; upla wâl unsabanka ba lâ kasak kat daukisa;

⁹ yang lâika ba kat taukisa bara lâ yabri ba kat daukisa. Kasak pali baha uplika ba wapni kat sa, baku bamna, raya kabia. Yang, Dawan, kasak aisisna.

¹⁰ “Kuna naha waitnika na luhpa kum brisa kaka, sasauhkra bara upla âikra, nahmuna dukia nani dadaukra sa,

¹¹ ai aisika daukras kan ba, wibia kaka, il plahpia ra aidul nani dukiara liliaka tara, plun ailal tilara dauki mayuni ba, bara ai uplika maya dakbi ba,

¹² upla umpira ai nitka bri nani ra taibi ba, upla wala nani ra impliki ba, ya wina diara brin dukia nani ba kli aibapras ba, witin ai lukanka gâd bahki nani ba ra mangki ba bara yang saura kaikisna dukia nani dauki ba,

¹³ lalah upla ra lin munisa lukan tâski wal bara kau pura praki kulkaia dukiara; baha waitnika ba raya kabia apia. Baha ningkara naha dukia nani sut daukan ba, yang yamni kaikras na ba, rawaia apia, pruan kabia; bara witin klauna ai pâtka kabia ai prurika ba.

¹⁴ “Ban kra sip sa naha waitnika, luhpia kum bri kaia ai aisika saurka daukan ba sut tânka bri kaia, sakuna witin ai aisa natka nani nina blikras kabia.

¹⁵ Wibia kaka il nani plahpia ra plun pi aidul nani ra pain kulkaia dauki ba witin baha mayunras kabia; kunin gâdka nani Israel bri ba sin ai lukanka ba ra mangkras kabia; ai uplika maya sin dakbras kabia,

¹⁶ upla wala ra taiban lâka daukras kabia; diara witin wina lin taki ba mana aibapaia taibi munras kabia; upla kum ra sin implikras, plun dauki nani ra plun bri ba yabi kabia, kwala luha nani sin kwala yabi kabia;

¹⁷ ya upla kum ra sin saura munras, lalah upla ra lin muni kli baha pura praki mana briras; lâika nani ba daukisa, adarki nani ba diara daukisa; baha waitnika ba ai aisika saurka mana prubia apia. Kasak aisisna witin raya kabia.

¹⁸ “Ai aisika, upla ra tataibra kan ba, bara implikan ba, bara diara saura daukan ba uplika tilara, prubia bara klala yabanka baku klauna ai saurka mana.

¹⁹ Man nani makabi walma: ‘¿Dîa muni luhpia ba ai aisa saurka mana sin aibapras?’ Kan luhpia ba wapni bara kasakka ba kat daukan bara yang lâika bîla nani ba kat daukan bara iwan: bamna kasak aisisna raya kabia.

²⁰ Ya saura dauki ba baman prubia. Luhpia ba ai aisika saurka mana aibapbia apia, aisa ba sin ai luhpia saurka mana aibapaia apia. Kasakkira ba ai kasakka lâka mana ba bribia; watawikira ba, ai watawika mana klala bribia.

Dawan ba kasak lâka ra diara daukisa

²¹ “Saurakira ba, ai saurka dauki kata wina dakwi takbia sa kaka, bara lâika nani ba sut daukbia, diara wapni ba kat daukbia, bara kasakka lâka ba sin, kasak pali raya kabia, prubia apia.

²² Yang kli kupi kraukamna apia, saurka nani daukan ba dukiara, bara witin raya kabia, wapni lâka ra daukan bamna.

²³ Yang brinki apia sa saurakira ba prubia, kuna ai daukanka ba natka wala takbia bara raya kabia. Yang, Dawan, kasak aisisna.

²⁴ “Kuna kasakkira ba ai natka kasak nani ba swibia kaka, bara diara saura nani sut ba kli daukbia saurakira baku; ¿man nani lukisma ki, witin ba raya kaia sa? Yang kli kupi kraukamna apia diara yamni daukan nani ba ra, ai kasakka lâka luha bara ai saurka ba tâka prubia.

²⁵ Man nani wima yang ba kasak lâka kat diara daukras sna; sakuna Israel uplika, wals, ¿man nani lukisma yang kasakka lâka daukras? ¿Baha ba kir lakisma, man nani saura dauki ba?

²⁶ Kasakkira ba, yamni dauki ba swi si bara saura daukbia kaka prubia, ai daukanka saura ba tâwan.

²⁷ Natka wala ra, saurakira ba, tnaya ra takbia ai saurka wina bara wapni lâka bara kasakka lâka daukbia kaka, ai rayaka swaki sâkbia.

²⁸ Ai nakra kwâkbia kaka, bara ai saurka daukan nani sut ba wina tnaya ra takbia kaka, witin raya kabia, prubia apia.

²⁹ “Kuna Israel tawanka wibia, yang kasakka lâka wal daukras sna. ¿Kasakka lâka wal daukras sna ki? ¿Kau pali Israel tawanka lika kasakka lâka ra daukras apia ki?

³⁰ Yang bui man nani kumi bani lâmka daukisni, Israel wina nani daukanka ba kat. Yang, Dawan, kasak aisisna. Watawankam nani sut ba mahka swis, bara man nani klauna sauhki mai tikaia pâtka ba brima apia.

³¹ Yang maipara saura daukram sut ba wina tnaya ra taks, kupiam ra spirit raya bris. ¿Dîa muni pruaia kabia, Israel luhpia nani ba,

³² yang lika upla kumi sin prubia brinki apia kaka? Saura ba wina dakwi taks bara raya kama. Yang, Dawan, kasak aisisna.