Aiseya 6 - DAWAN BÎLA AISKA

Aiseya paiwanka ba

¹ King Ozías pruan ba manka ra, yang Dawan ba kaikri king iwaika kum ra iwi kan laih purara, pranakira pali; tempel aiska ba ai prana ni banhwan kan.

² Aiawi dukia nani tila ba ra kan witin bâra ba purara, pauta klauhi baku kan. Kumi ba ai tnawa nani matlalkahbi bri kan. Ai tnawa wâl ba ni mawan ba biki kan, wala wâl ba ni ai wîna aiska ba biki kan, bara kau wala wâl ba ni pâli kan.

³ Bara pana pana ai bîla baikra saki, wini kan: “Holi, holi, holi karnika sut bri Dawanka ba; tasba aiska ba ai prana ni banhwan.”

⁴ Dur playka nani ba, baha bîla baikra wini ba mita tatatban, utla bîla ba sin kiasma ni banhwan.

⁵ Bara yang wîri: “¡Alakai yang umpira, yang pruamna! Yang na upla kum uni nani tâski, upla una tâski nani tilara iwisna; bara yang naikra nani karnika sut bri, Dawanka ba kaikri bamna.”

⁶ Bara insal baku nani wina, kumika ba pâli yang ra balan. Altar ba wina masku kum aswi ba, alkaika ba ni alki ai mihta ra bri,

⁷ witin baha ni bîli kat kangban, bara ai win: “Kaiks, naha unam ra kangban, bara saurkam ba man wina sakan sa bara saurkam ba ban swih tikan sa.”

⁸ Baha ningkara Dawan bîla baikra ba walri, naku win: “¿Ya pali ba blikrika wabia? ¿Ya yawan wan dukiara wabia ki?” Bara yang pana aisari: “Yang nâra sni, yang ai blîks.”

⁹ Bara witin ai win: “Was, naha bîla baha uplika nani ra wis: ‘Man nani kau wali kama, tânka brima apia; man nani kaiki kama, sakuna tânka pali ba brima apia.’

¹⁰ Naha uplika banhwi ba, kupia twakni takisa bamna. Kiama untika ba praks bara nakra sin praks, witin nani ai nakra ni kaikbiara, ai kiama ni sin walbiara, bara diara tânka bribia apia, bara witin nani kra tawi balbiara, yang sin witin nani ba rakamna apia.”

¹¹ Bara yang bui witin ra makabi walri: “¿Ahkia kat kabia, Gâd?” Witin pana yang ra ai win: “Tawan tara nani ba bîla man, upla iwaika sin âpu takbia ba kat utla bilara upla âpu kabia; bara tasba ba sin upla iwras tasbaya baku bîla man takbia ba kat.

¹² Dawan mita upla nani ba sut laihura yakabia, kuntrika ba wina upla sut pali taki wabia, bîla baman kabia ba kat.

¹³ Bara kau ban waras, mânka matawalsip bâra takaskan kabia kaka, baha sin kli sauhki tikan kabia; dus tara kum, usupum dusa kum klakan plamaika baman bâra ba baku.” (Naha plamaika na wina, kau ban bâra kabia baha wina holikira ba kli urhwi takbia.)