1 Kronikas 1 - DAWAN BÎLA AISKA

Adam kiamka nani ba

¹ Adam, Set, Enós,

² Cainán, Mahalalel, Jéred,

³ Henoc, Matusalén, Lámec,

⁴ Noa. Noa luhpia nani ba: Sem, Cam bara Jafet.

Noa kiamka nani ba

⁵ Jafet luhpia nani ba: Gómer, Magog, Madai, Javán, Tubal, Mésec bara Tirás.

⁶ Gómer luhpia nani ba: Asquenaz, Rifat bara Togarmá.

⁷ Javán luhpia nani ba: Elisá, Tarsis, Quitim bara Rodanim.

⁸ Cam luhpia nani ba: Cus, Misraim, Fut bara Kenan.

⁹ Cus luhpia nani ba: Sebá, Havilá, Sabtá, Raamá bara Sabtecá. Raamá luhpia nani ba: Sebá bara Dedán.

¹⁰ Cus ba Nimrod aisika kata, pas waitna karnakira kan ba naha tasba ra.

¹¹ Misraim wina takan ba sika: Lud uplika nani, anameo nani, lehabita nani, naftuhíta nani,

¹² Patrus uplika nani, casluhíta nani bara caftorita nani sut ba. Baha nani kiamka wina sika filisteo nani ba bal takan.

¹³ Kenan tawahkia ba Sidón, bara muihnika ningkara ba Het.

¹⁴ Kenan wina sika Jebús uplika nani bal takan, amorreo nani, gergeseo nani,

¹⁵ heveo nani, araceo nani, sineo nani,

¹⁶ Arvad uplika nani, semareo nani bara Hamat uplika nani ba bal takan.

¹⁷ Sem luhpia nani ba: Elam, Asur, Arfaxad, Lud bara Aram. Aram luhpia nani ba: Us, Hul, Guéter bara Mas.

¹⁸ Arfaxad ba sika Sélah aisika, bara Sélah ba Éber aisika kata.

¹⁹ Éber ba luhpa waitna wâl baikan: pas nina ba Péleg, witin ai piua ra upla nani baha tasbaya ra iwi kan ba baiwi takan; muihnika nina ba Joctán.

²⁰ Joctán ba naha nani aisika kata: Almodad, Sélef, Hasar-mávet, Jérah,

²¹ Hadoram, Uzal, Diclá,

²² Obal, Abimael, Sebá,

²³ Ofir, Havilá bara Jobab. Naha nani sut lika Joctán luhpia nani sa.

Sem kiamka nani ba

²⁴ Sem, Arfaxad, Sélah,

²⁵ Éber, Péleg, Reú,

²⁶ Serug, Nahor, Térah

²⁷ bara Ebram, witinka sika Ebraham.

Ismael bara Queturá kiamka nani ba

²⁸ Ebraham luhpia nani ba: Aisak bara Ismael.

²⁹ Ai kiamka nani ba naha nani kata: Nebaiot, Ismael luhpia tawahkia, Quedar, Abdeel, Mibsam,

³⁰ Mismá, Dumá, Masá, Hadad, Temá,

³¹ Jetur, Nafís bara Quedmá. Naha nani sika Ismael luhpia nani.

³² Ebraham mairka Queturá luhpia nani ba: Zimrán, Jocsán, Medán, Madián, Isbac bara Súah. Jocsán luhpia nani ba: Sebá bara Dedán.

³³ Madián luhpia nani ba: Efá, Éfer, Hanoc, Abidá bara Eldaá. Naha nani sut lika Queturá kiamka nani sa.

Isau kiamka nani ba

³⁴ Ebraham ba Aisak aisika kata, Aisak luhpia nani ba: Isau bara Israel.

³⁵ Isau luhpia nani ba: Elifaz, Reuel, Jeús, Jaalam bara Coré.

³⁶ Elifaz luhpia nani ba: Temán, Omar, Sefó, Gatam bara Quenaz; Timná wina Amalec sakan.

³⁷ Reuel luhpia nani ba: Náhat, Zérah, Samá bara Mizá.

³⁸ Seír luhpia nani ba: Lotán, Sobal, Sibón, Aná, Disón, Éser bara Disán.

³⁹ Lotán luhpia nani ba: Horí bara Hemam. Timná lika Lotán lakrika kan.

⁴⁰ Sobal luhpia nani ba: Alván, Manáhat, Ebal, Sefó bara Onam. Sibón luhpia nani ba: Aiá bara Aná.

⁴¹ Aná ba Disón aisika kan. Disón luhpia nani ba: Hemdán, Esbán, Itrán bara Querán.

⁴² Éser luhpia nani ba: Bilhán, Zaaván, bara Jaacán. Disán luhpia nani ba: Us bara Arán.

⁴³ Bamna naha kingka nani sika Edom ra king aimaki kan ba, Israel luhpia nani kau ai kingka briras kan ba piua ra. Bela, Beor luhpia, tawanka nina Dinhaba.

⁴⁴ Bela pruan bara ai watlika ra Zérah luhpia Jobab king aimakan. Witin ba Bosrá tawanka wina kan.

⁴⁵ Jobab pruan bara ai watlika ra Husam king aimakan, witin Temán tasbaya wina kata.

⁴⁶ Husam pruan ba ra, ai watlika ra Bedad luhpia, Hadad wihta aimakan; witin sika Madián pura luata ba Moab twaya ra; ai nina ba tawanka nina, Avit mâki kan.

⁴⁷ Hadad pruan bara ai watlika ra Samlá wihta aimakan, witin ba Masrecá tasbaya wina.

⁴⁸ Samlá pruan ningkara, ai watlika ra Saúl wihta aimakan; witin ba Rehobot tawanka wina, baha tawanka ba awala un ra sa.

⁴⁹ Saúl pruan ba ningkara, ai watlika ra wihta aimakan Baal-hanán, witin ba Acbor luhpia kata.

⁵⁰ Baal-hanán pruan ba ra ai watlika ra Hadad wihta aimakan; ai tawanka nina Pau mâki kan, ai maya mairin nina ba Mehetabel mâki kata, witin Matred luhpia mairin kata, Mezaab mulika.

⁵¹ Hadad pruan ba ningkara, Edom tasbaya wihtka nani kan ba: Timná, Alvá, Jetet,

⁵² Oholibamá, Elá, Pinón,

⁵³ Quenaz, Temán, Mibsar,

⁵⁴ Magdiel bara Iram. Naha nani sika Edom tasbaya wihtka nani kan ba.