يشوع 12 - Muslim Sindhi Bibleموسيٰ کان شڪست کاڌل بادشاهہ 1 هاڻ جيڪو علائقو اردن درياءَ جي اوڀر طرف برساتي نهر ارنون کان وٺي اتر ۾ حرمون جبل تائين هو ۽ اوڀر واري سڄي اردن ماٿري، جنهن تي بني اسرائيل قبضو ڪري ورتو هو، تنهن جي ٻن بادشاهن کي بني اسرائيل شڪست ڏيئي سندن ملڪ هٿ ڪيا هئا. 2 هڪڙو امورين جو بادشاهہ سيحون هو جيڪو حشبون ۾ ويهي پنهنجي ملڪ تي راڄ ڪندو هو. سندس بادشاهي برساتي نهر ارنون جي ڪناري واري شهر عروعير ۽ انهيءَ نهر جي وچ واري شهر کان وٺي ويندي برساتي نهر يبوق تائين هئي، جيڪا عمونين جي سرحد آهي. ان ۾ اڌ جِلعاد بہ شامل هو. 3 هن جي بادشاهي اردن درياءَ جي اوڀر واري ميدان تي پڻ هئي، يعني گليل ڍنڍ کان کاري سمنڊ تائين بيتيسيموت ڏانهن ويندڙ رستي تي ۽ ڏکڻ ۾ وري پسگہ جي لاهيءَ جي هيٺ تائين. 4 ٻيو بسن جو بادشاهہ عوج هو، جيڪو باقي بچيل رفاعين مان هو ۽ عستارات ۽ ادرعيءَ ۾ ويهي پنهنجي ملڪ تي راڄ ڪندو هو. 5 سندس بادشاهي حرمون جبل، سلڪہ ۽ جسُورين ۽ معڪاتين جي سرحد تائين سڄي بسن، جِلعاد جي باقي اڌ يعني حشبون شهر جي بادشاهہ سيحون جي علائقي جي سرحد تائين هئي. 6 خداوند جي ٻانهي موسيٰ ۽ بني اسرائيل انهن ٻنهي بادشاهن کي شڪست ڏني ۽ موسيٰ انهن جو ملڪ بني روبن، بني جد ۽ منسيءَ جي اڌ قبيلي کي ورثي طور ورهائي ڏنو. يشوع کان شڪست کاڌل بادشاهہ 7 ڪنعان ملڪ جو جيڪو علائقو اردن درياءَ جي اولهہ طرف لبنان جي ماٿريءَ ۾ بعلجد کان وٺي خلق جبل، جيڪو ڏکڻ ۾ ادوم جي علائقي ڏانهن ٿو وڃي، تنهن تائين آهي، انهيءَ علائقي جي بادشاهن کي يشوع ۽ بني اسرائيل شڪست ڏني. انهن جا ملڪ يشوع بني اسرائيل کي سندن قبيلن موجب ورثي طور ورهائي ڏنا. 8 انهن ملڪن ۾ هي هنڌ شامل هئا: جابلو علائقو، ڍورا، اردن ماٿري، جبلن جون لاهيون ۽ ڏکڻ وارو بيابان. ورهاست کان اڳ ۾ انهن هنڌن تي حتي، اموري، ڪنعاني، فرزي، حوي ۽ يبوسي آباد هئا. 9 بني اسرائيل هنن بادشاهن کي شڪست ڏني: يريحو جو بادشاهہ، بيتايل جي ڀر واري شهر عئيءَ جو بادشاهہ، 10 يروشلم جو بادشاهہ، حبرون جو بادشاهہ، 11 يرموت جو بادشاهہ، لڪيس جو بادشاهہ، 12 عجلون جو بادشاهہ، جزر جو بادشاهہ، 13 دبير جو بادشاهہ، جدر جو بادشاهہ، 14 حرمہ جو بادشاهہ، عراد جو بادشاهہ، 15 لبناہ جو بادشاهہ، عدلام جو بادشاهہ، 16 مقيدہ جو بادشاهہ، بيتايل جو بادشاهہ، 17 تفوح جو بادشاهہ، حفر جو بادشاهہ، 18 افيق جو بادشاهہ، لشرون جو بادشاهہ، 19 مدون جو بادشاهہ، حصور جو بادشاهہ، 20 سمرون جو بادشاهہ، اڪشاف جو بادشاهہ، 21 تعناڪ جو بادشاهہ، مجدو جو بادشاهہ، 22 قادس جو بادشاهہ، ڪرمل واري يقنعام جو بادشاهہ، 23 ڀونوِچ سمنڊ جي ڪناري واري شهر دور جو بادشاهہ، جِلجال جي قومن جو بادشاهہ، 24 ترضہ جو بادشاهہ. اهي جملي ايڪٽيهہ بادشاهہ هئا. |
Muslim Sindhi Bible © The Pakistan Bible Society, 2022
مقدس ڪلام توريت، زبور ۽ نبين جون ٻيو لکتون ۽ انجيل شريف
Bible text may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from the Holy Bible in Muslim Sindhi,
Copyright © 2022 The Pakistan Bible Society.
Used by permission. All rights reserved.
Pakistan Bible Society