1.تواريخ 7 - Muslim Sindhi Bible

اِسڪار جو اولاد

¹ اِسڪار ولد يعقوب جا هي چار پٽ هئا: تولع، فووہ، يسوب ۽ شمرون.

² تولع جا پٽ هي هئا: عزي، رفاياہ، يري‌ايل، يجمي، ابسام ۽ سموئيل. اهي سڀ تولع گھراڻي ۾ پنهنجي ڪٽنبن جا وڏا هئا. هو پنهنجي زماني جا مشهور جنگي جوڌا هئا ۽ دائود بادشاهہ جي ڏينهن ۾ سندن اولاد جو تعداد ٻاويهہ هزار ڇهہ سو هو.

³ عزيءَ کي ازراخياہ نالي هڪڙو پٽ هو. ازراخياہ کي هي چار پٽ هئا: ميڪائيل، عبديہ، يوايل ۽ يسياہ. ازراخياہ ۽ سندس پٽ پنهنجن پنهنجن ڪٽنبن جا وڏا هئا.

⁴ انهن کي گھڻيون ئي زالون ۽ ٻار هئا، انهيءَ ڪري پنهنجين پيڙهين ۽ گھراڻن مان وٽن ڇٽيهہ هزار جنگي مرد هئا.

⁵ سرڪاري ڪاغذن ۾ اِسڪار قبيلي جي سڀني گھراڻن مان جنگ ڪري سگھڻ وارن جو تعداد ستاسي هزار هو.

بنيامين جو اولاد

⁶ بنيامين ولد يعقوب جا هي ٽي پٽ هئا: بلع، بڪر ۽ يديعيل.

⁷ بالع جا پٽ هي هئا: اصبون، عزي، عزي‌ايل، يريموت ۽ عيري، جملي پنج ڄڻا. اهي پنهنجي گھراڻي جي ڪٽنبن جا وڏا هئا. هو مشهور جنگي جوڌا هئا ۽ سندن اولاد جو تعداد، جيڪي جنگ ڪري ٿي سگھيا، ٻاويهہ هزار چوٽيهہ هو.

⁸ بڪر جا پٽ هي هئا: زميرہ، يوآس، اليعزر، اليوعيني، عمري، يريموت، ابياہ، عنتوت ۽ علامت.

⁹ اهي پنهنجي گھراڻن جا وڏا هئا ۽ سرڪاري ڪاغذن ۾ سندن اولاد مان جيڪي جنگي جوڌا هئا تن جو تعداد ويهہ هزار ٻہ سؤ هو.

¹⁰ يدع‌ايل کي بلحان نالي هڪڙو پٽ هو. بلحان جا پٽ هي هئا: يعوس، بنيامين، اهود، ڪنعانہ، زيتان، ترسيس ۽ اخي‌سحر.

¹¹ هو پنهنجي گھراڻي جي ڪٽنبن جا وڏا هئا ۽ مشهور جنگي جوڌا هئا. سندن اولاد مان جيڪي جنگ ڪري ٿي سگھيا تن جو تعداد سترهن هزار ٻہ سؤ هو.

¹² سفيم ۽ حُفيم بہ بنيامين قبيلي مان هئا. دان ولد يعقوب کي حشيم نالي هڪڙو پٽ هو.

دان ۽ نفتاليءَ جو اولاد

¹³ نفتالي جيڪو يعقوب کي سندس ٻانهي بلهاہ مان هو تنهن جا پٽ هي هئا: يحصي‌ايل، جُوني، يصر ۽ شلوم.

منسيءَ جو اولاد

¹⁴ منسيءَ ولد يوسف ولد يعقوب جو اولاد هي هو. اسري‌ايل سندس ارامي سريت مان هو. سندس سريت کي جِلعاد جو پيءُ مڪير پڻ ڄائو.

¹⁵ مڪير حفيم ۽ سفيم جي ڀيڻ سان شادي ڪئي، جنهن جو نالو معڪہ هو. مڪير کي هڪ ٻيو پٽ صلافحاد بہ هو، جنهن کي رڳو ڌيئرون هيون.

¹⁶ مڪير جي زال معڪہ کي فرس ۽ شرس نالي ٻہ پٽ ڄاوا. فرس کي اولام ۽ رقم نالي پٽ ڄاوا.

¹⁷ اولام کي بدان نالي هڪڙو پٽ هو. اهي هئا جِلعاد ولد مڪير ولد منسيءَ جو اولاد.

¹⁸ جِلعاد جي ڀيڻ همولڪت کي اشهود، ابيعزر ۽ محلہ ڄاوا.

¹⁹ سميدع جا پٽ هي هئا: اخيان، سڪم، لقحي ۽ انيعام.

افرائيم جو اولاد

²⁰ افرائيم ولد يوسف ولد يعقوب جو پيڙهي بہ پيڙهي هي اولاد هو: سوتلح، برد، تحت، اليعدہ، تحت،

²¹ زبد ۽ سوتلح. افرائيم جا ٻہ ٻيا پٽ عزر ۽ اليعد هئا جن کي جات جي علائقي جي پيدائشي رهاڪن ماري ڇڏيو، جڏهن اهي جات وارن جو چوپايو مال چورائڻ ويا هئا.

²² سندن پيءُ افرائيم انهن لاءِ گھڻن ئي ڏينهن تائين سوڳ ڪيو ۽ سندس مائٽ کيس دلاسو ڏيڻ لاءِ آيا.

²³ پوءِ هو پنهنجي زال وٽ ويو تہ اها پيٽ سان ٿي ۽ هڪڙو پٽ ڄڻيائين. انهيءَ جو نالو بريعہ رکيائين، ڇاڪاڻ تہ سندس خاندان ۾ مصيبت اچي ڪڙڪي هئي.

²⁴ کيس سراہ نالي هڪڙي ڌيءَ بہ هئي، جنهن هيٺاهون ۽ مٿاهون بيت‌حورون ۽ عزن‌سراہ تعمير ڪرايا هئا.

²⁵ افرائيم کي رفح نالي پٽ بہ هو، جنهن جو اولاد پيڙهي بہ پيڙهي هي آهي: رسف، تلاح، تحن،

²⁶ لعدان، عميهود، اليسمع،

²⁷ نون، يشوع.

²⁸ جيڪو علائقو هنن قبضي ڪيو ۽ منجھس رهڻ لڳا تنهن ۾ بيت‌ايل ۽ ان جي آس‌پاس وارا ڳوٺ هئا. اوڀر طرف اهو علائقو نعران تائين ۽ اولهہ ۾ جزر شهر تائين آس‌پاس وارن ڳوٺن سميت هو. انهيءَ علائقي ۾ سڪم ۽ عزہ شهر آس‌پاس وارن ڳوٺن سميت شامل هئا.

²⁹ بيت‌شان، تعناڪ، مجدو ۽ دور شهر آس‌پاس وارن ڳوٺن سميت بني منسيءَ جي اولهہ واري اڌ قبيلي جي قبضي هيٺ هئا. هي اهي شهر ۽ علائقا آهن جن ۾ يوسف ولد يعقوب جو اولاد رهندو هو.

آشر جو اولاد

³⁰ آشر ولد يعقوب جا پٽ هي هئا: يمنہ، اِشواہ، اِشوي ۽ بريعاہ. کين سرہ نالي هڪ ڀيڻ هئي.

³¹ بريعاہ جا پٽ هي هئا: حبر ۽ ملڪي‌ايل. برزاويت شهر جو باني ملڪي‌ايل هو.

³² حبر کي يفليط، سومر ۽ خوٿام نالي ٽي پٽ ۽ سوع نالي هڪڙي ڌيءَ هئي.

³³ يفليط جا پٽ هي هئا: فاساڪ، بمهال ۽ عسوات.

³⁴ سومر جا پٽ هي هئا: اخي، روهجہ، يحبہ ۽ ارام.

³⁵ خوٿام جا پٽ هي هئا: صوفح، امنع، سلس ۽ عمل.

³⁶ صوفح جا پٽ هي هئا: سوح، حرنفر، سوعل، بيري، امراہ،

³⁷ بصر، هود، سما، سلسہ، اتران ۽ بيرا.

³⁸ يتر جا پٽ هي هئا: يفنہ، فسفاہ ۽ ارا.

³⁹ عُلہ جا پٽ هي هئا: ارخ، حني‌ايل ۽ رضياہ.

⁴⁰ اهي سڀ آشر قبيلي ۾ پنهنجي پنهنجي گھراڻي جا وڏا هئا. هو جنگجو ۽ مکيہ اڳواڻ پڻ هئا. آشر جي اولاد ۾ جنگ ڪرڻ جي لائق ماڻهن جو تعداد ڇويهہ هزار هو.