1.تواريخ 25 - Muslim Sindhi Bible

هيڪل جا ڳائڻا

¹ دائود ۽ لاوي اڳواڻن گڏجي آسف، هيمان ۽ يدوتون کي سندن پٽن سميت سندن گھراڻن مان خدمت لاءِ چونڊي ڌار ڪيو تہ هو هيڪل ۾ سارنگيون، دنبورا ۽ ٽليون وڄائڻ سان خدا جو ڏنل پيغام ٻڌائين. انهن خدمت ڪرڻ وارن جي فهرست ۽ سندن خدمت هي آهي:

² آسف سان گڏ سندس چار پٽ زڪور، يوسف، نتنياہ ۽ اسري‌لاہ هئا. اهي پنهنجي پيءُ آسف جي نگرانيءَ هيٺ بادشاهہ دائود جي حڪم موجب خدا جو ڏنل پيغام ٻڌائيندا هئا.

³ يدوتون سان گڏ سندس ڇهہ پٽ جِدلياہ، ضري، يسعياہ، سمعي، حسبياہ ۽ متتياہ هئا، جيڪي پنهنجي پيءُ يدوتون جي نگرانيءَ هيٺ سارنگيون وڄائيندي خداوند جي شڪر ۽ تعريف سان سندس ڏنل پيغام ٻڌائيندا هئا.

⁴ هيمان سان گڏ سندس چوڏهن پٽ بقياہ، متنياہ، عزي‌ايل، سبوايل، يريموت، حنانياہ، حناني، الياتہ، جدالتي، روممتي‌عزر، يسبقاشہ، ملوتي، هوتير ۽ محازيوت هئا.

⁵ سندن پيءُ هيمان بادشاهہ جو غيبدان هو. خدا پنهنجي واعدي موجب کيس وڌائڻ لاءِ چوڏهن پٽ ۽ ٽي ڌيئرون ڏنيون.

⁶ اهي سڀ پنهنجي پيءُ جي نگرانيءَ هيٺ خداوند جي هيڪل ۾ عبادت لاءِ ٽليون، دنبورا ۽ سارنگيون وڄائيندا هئا. آسف، يدوتون ۽ هيمان پاڻ بادشاهہ جي نگرانيءَ هيٺ هئا.

⁷ اهي چوويهہ ئي ڄڻا ڳائڻ وڄائڻ جا ماهر هئا ۽ انهن سان گڏ ٻيا لاوي سکيا ورتل سازندا پڻ هئا، جيڪي جملي ٻہ سؤ اٺاسي ڄڻا هئا.

⁸ انهن کي پڻ ننڍ وڏائيءَ توڙي استادي شاگرديءَ جي فرق کان سواءِ ڪڻا وجھي خدمت لاءِ چونڊيو ويو.

⁹ اهي ٻہ سؤ اٺاسي ماڻهو پنهنجي گھراڻن مطابق چوويهن ٽولن ۾ ورهايا ويا، هر ٽولي ۾ ٻارهن ٻارهن ڄڻا شامل هئا. انهن جي ذميواريءَ جي ترتيب موجب سندن اڳواڻ هي هئا: پهرئين ٽولي جو اڳواڻ آسف جي گھراڻي مان يوسف هو، ٻئي ٽولي جو اڳواڻ جِدلياہ هو،

¹⁰ ٽئين ٽولي جو اڳواڻ زڪور هو،

¹¹ چوٿين ٽولي جو اڳواڻ ضري هو،

¹² پنجين ٽولي جو اڳواڻ نتنياہ هو،

¹³ ڇهين ٽولي جو اڳواڻ بقياہ هو،

¹⁴ ستين ٽولي جو اڳواڻ يسري‌لاہ هو،

¹⁵ اٺين ٽولي جو اڳواڻ يسعياہ هو،

¹⁶ نائين ٽولي جو اڳواڻ متنياہ هو،

¹⁷ ڏهين ٽولي جو اڳواڻ شمعي هو،

¹⁸ يارهين ٽولي جو اڳواڻ عزي‌ايل هو،

¹⁹ ٻارهين ٽولي جو اڳواڻ حسبياہ هو،

²⁰ تيرهين ٽولي جو اڳواڻ سبوايل هو،

²¹ چوڏهين ٽولي جو اڳواڻ متتياہ هو،

²² پندرهين ٽولي جو اڳواڻ يريموت هو،

²³ سورهين ٽولي جو اڳواڻ حنانياہ هو،

²⁴ سترهين ٽولي جو اڳواڻ يسبقاشہ هو،

²⁵ ارڙهين ٽولي جو اڳواڻ حناني هو،

²⁶ اوڻيهين ٽولي جو اڳواڻ ملوتي هو،

²⁷ ويهين ٽولي جو اڳواڻ الياتہ هو،

²⁸ ايڪيهين ٽولي جو اڳواڻ هوتير هو،

²⁹ ٻاويهين ٽولي جو اڳواڻ جدالتي هو،

³⁰ ٽيويهين ٽولي جو اڳواڻ محازيوت هو

³¹ ۽ چوويهين ٽولي جو اڳواڻ روممتي‌عزر هو.