Whakakitenga 10 - Te Kawenata Hou

Te Anahera me te Pukapuka Nohinohi

¹ Ā, ka kite ahau i tētahi atu ana­hera kaha e heke iho ana i te rangi, he mea whaka­kākahu ki te kapua; ko te āniwa­niwa i runga i tōna māte­nga, ko tōna kanohi rite tonu ki te rā, ōna wae­wae ki te pou kāpura.

² I tōna ringa­ringa hoki tētahi puka­puka nohi­nohi e tu­whera ana. Ā, ko tōna wae­wae matau e takahi ana ki te moana, ko tōna mauī ki te whenua.

³ He nui anō tōna reo ki te karanga, ānō he raiona e tangi ana. Ā, i te mea ka karanga ia, ka puaki ngā reo o ngā whati­tiri e whitu.

⁴ Ā, nō ka puaki ngā reo o ngā whati­tiri e whitu, ka mea ahau ki te tuhi­tuhi. Nā, ka rangona e ahau he reo i te rangi e mea mai ana ki ahau, “Hīri­tia ngā mea kua whaka­pua­kina nei e ngā whati­tiri e whitu, kaua hoki ēnei e tuhi­tuhia.”

⁵ Nā, ko te ana­hera i kitea rā e ahau e tū ana i runga i te moana i runga hoki i te whenua, whaka­ara ana i tōna ringa matau ki te rangi,

⁶ ā, oati­tia ana e ia te Mea ora tonu ake ake, nāna nei i hanga te rangi me ōna mea, te whenua me ōna mea, te moana me ōna mea, kāhore ake he tāima,

⁷ engari i ngā rā o te reo o te whitu o ngā ana­hera, ina mea ia ki te whaka­tangi, ka whaka­otia te mea ngaro a te Atua, tāna rongo­pai i kauwhau ai ki āna pono­nga, ki ngā poro­piti.

⁸ Ā, ka kōrero anō ki ahau te reo i rongo ai ahau i te rangi, ka mea, “Tīkina atu te puka­puka nohi­nohi e tu­whera nā i te ringa­ringa o te ana­hera e tū nā i runga i te moana, i runga anō i te whenua.”

⁹ Nā, ka haere ahau ki te ana­hera, ka mea ki a ia, “Hōmai ki ahau te puka­puka nohi­nohi nā.” Ka mea mai ia ki ahau, “Tango­hia, kainga; ā, ka kawa tōu kōpū, ka reka ia ki tōu māngai, ānō he honi.”

¹⁰ Nā, ka tango ahau i te puka­puka nohi­nohi i te ringa­ringa o te ana­hera, kainga ana e ahau; ā, i reka anō ki tōku māngai, ānō he honi. Nō tāku kainga kua kawa tōku kōpū.

¹¹ Ā, ka mea mai rātou ki ahau, “Me poro­piti anō koe mō ngā hui­hui­nga toko­maha o ngā tāngata, o ngā iwi, o ngā reo, o ngā kīngi.”