Rōma 16 - Te Kawenata Hou

He Mihi ki ōna Hoa

¹ Tēnā tō mātou tua­hine, a Pīpī, te tukua atu nā e ahau ki a koutou, he kai­mahi ia nā te hāhi i Kenekerea.

² Hei manu­hiri ia mā koutou i roto i te Ariki, kia rite ki tā te hunga tapu tikanga, ā, kia āwhina koutou i a ia ki ngā mea e matea e ia. He toko­maha hoki āna i ata­whai ai, ahau anō hoki.

³ Oha atu ki a Pirihira rāua ko Akuira, ki ōku hoa mahi i roto i a Karaiti Īhu,

⁴ nā rāua nei hoki ō rāua nā kakī i tāku kia ora ai ahau. Ehara i te mea ko ahau anake e whaka­whetai ana ki a rāua, engari, ko ngā hāhi katoa hoki o ngā tauiwi.

⁵ Oha atu anō ki te hāhi i tō rāua whare. Oha atu ki a Epainetu, ki tāku i aroha ai, ko ia hoki tā te Karaiti mātā­mua o Āhia.

⁶ Oha atu ki a Meri, he nui tāna mahi ki a mātou.

⁷ Oha atu ki a Anaroniku rāua ko Hunia, ōku whanau­nga, ōku hoa here­here anō hoki, he ingoa nunui nei o rāua i roto i ngā āpō­toro, nō mua nei i ahau tō rāua urunga ki a te Karaiti.

⁸ Oha atu ki a Amapiria, ki tāku i aroha ai i roto i te Ariki.

⁹ Oha atu ki a Urupane, ki tō mātou hoa mahi i roto i a te Karaiti, ki a Takuha anō hoki, ki tāku i aroha ai.

¹⁰ Oha atu ki a Apere, e pai­ngia ana i roto i a te Karaiti. Oha atu ki a Aritopuru mā.

¹¹ Oha atu ki a Herōriona, ki tōku whanau­nga. Oha atu ki a Nakihu mā, ki ngā mea i roto i te Ariki.

¹² Oha atu ki a Taraipine rāua ko Taraipoha, e mahi nei i roto i te Ariki. Oha atu ki a Perahi, e aroha­ina nei, he nui nei tāna mahi i roto i te Ariki.

¹³ Oha atu ki a Rupuha, i whiri­whiria i roto i te Ariki, ki tōna whaea, arā, ki tō māua tahi.

¹⁴ Oha atu ki a Ahunikiritu, rātou ko Perekona, ko Herama, ko Pataropa, ko Herami, ki ngā tēina anō e noho ana i a rātou.

¹⁵ Oha atu ki a Piroroku rāua ko Hūria, ki a Nireu rāua ko tōna tua­hine, ki a Orimapa rātou ko te hunga tapu katoa e noho ana i a rātou.

¹⁶ Oha atu tētahi ki tētahi, hei te kihi tapu anō. Tēnei te oha atu nei ngā hāhi katoa a te Karaiti ki a koutou.

He Tohutohu Whakamutunga

¹⁷ Nā, he tohe tēnei nāku ki a koutou, e ōku tēina, tiro­hia iho te hunga e mahi ana i ngā wehe­wehe­nga, i ngā tūtuki­tanga wae­wae, he mea puta kē i te whaka­ako­ranga i whaka­akona ai koutou. Tahuri atu i a rātou!

¹⁸ Ko te hunga pērā hoki kāhore i te mahi ki tō tātou Ariki, ki a Īhu Karaiti, engari ki tō rātou ake kōpū. E tini­hanga ana hoki rātou i ngā ngākau o te hunga kino­kore ki ā rātou kōrero māeneene, ki ā rātou kupu whaka­pai­pai.

¹⁹ Kua pakū hoki ki ngā tāngata katoa te rongo o tō koutou ngohe­ngohe. Koia ahau ka hari nei ki a koutou; e mea ana hoki ahau kia whai whaka­aro koutou ki te pai, kia kūware ki te mea kino.

²⁰ Nā tērā te Atua o te rangi­mārie e hohoro te kuru i a Hātana ki raro i ō koutou wae­wae. Kia tau ki a koutou te aroha noa o tō tātou Ariki, o Īhu Karaiti.

²¹ Tēnei te oha atu nei ki a koutou a Tīmoti, tōku hoa mahi a Rukiu, a Hahona, a Hohipate, ōku whanau­nga.

²² Ko ahau tēnei, ko Teretiu, ko te kai­tuhi­tuhi o tēnei puka­puka, te oha atu nei ki a koutou i roto i te Ariki.

²³ Tēnei te oha atu nei ki a koutou a Kaiu te kai­atawhai ōku, o te hāhi katoa. Tēnei te oha atu nei a Eratu, kai­tiaki o ngā mea o te pā, rāua ko te teina, ko Kuaratu.

²⁴ Kia tau ki a koutou katoa te aroha noa o tō tātou Ariki, o Īhu Karaiti. Āmine.

He Karakia Whakakapi, Whakamoemiti

²⁵ Nā, he kaha nei te Atua ki te whakaū i a koutou, i runga i ngā rite­nga o tāku rongo­pai, o te kauwhau­tanga hoki o Īhu Karaiti, o te whaka­kite­nga mai anō o te mea ngaro, kīhai nei i rangona nō te tīma­tanga rā anō o te ao,

²⁶ ā, kua whaka­mārama­tia mai ināia­nei e ngā karaipi­ture a ngā poro­piti, he mea whaka­rite mai nā te Atua ora tonu, ā, whaka­pua­kina mai ana ki ngā tauiwi katoa kia ngohe­ngohe ai rātou ki tā te whaka­pono.

²⁷ Waiho atu i te Atua, ko ia nei anake te Mea mātau, te korōria i roto i a Īhu Karaiti, ake ake, Āmine.