Māka 8 - Te Kawenata Hou

Ka Whāngaia e Īhu te Whā Mano

¹ I aua rā, i te mea he nui rawa te mano, kāhore hoki he kai mā rātou, ka karanga a Īhu ki āna ākonga, ka mea ki a rātou,

² “E aroha ana ahau ki ngā tāngata, ka toru nei hoki ō rātou rā e noho ana ki ahau, ā, kāhore ā rātou kai.

³ Ki te tonoa puku­tia rātou e ahau ki tō rātou kāinga, ka hemo ki te ara; i haere mai hoki ētahi o rātou i tawhiti.”

⁴ Nā, ka whaka­hokia e āna ākonga ki a ia, “Me aha e te tangata ka mākona ai ēnei i te taro i konei, i te koraha?”

⁵ Ka ui ia ki a rātou, “E hia ā koutou taro?” Ka mea rātou, “E whitu.”

⁶ Nā, ka mea ia ki te mano kia noho ki te whenua; ā, ka mau ki ngā taro e whitu, ka whaka­whetai, ka whawhati, ā, hoatu ana e ia ki āna ākonga kia whaka­takoto­ria ki mua i a rātou; whaka­takoto­ria ana e rātou mā te mano.

⁷ He ika anō a rātou toru­toru nei, he mea no­nohi, ā, ka mutu te whaka­pai, ka mea ia kia whaka­takoto­ria hoki ērā.

⁸ Nā, kai ana rātou, ā, ka mākona, ā, kohia ake ana o ngā whati­whatinga i toe e whitu ngā kete.

⁹ Me te mea e whā mano te hunga i kai, ā, tonoa atu ana rātou e ia.

¹⁰ Nā, eke tonu ia rātou ko āna ākonga ki te kai­puke, ā, ka tae ki ngā wāhi o Taramanuta.

Ka Tono ngā Parihi i tētahi Tohu

¹¹ Nā, ka puta mai ngā Parihi, ka anga, ka totohe ki a ia, ka rapu tohu ki ia i te rangi, hei whaka­mā­tau­tau mōna.

¹² Nā, ka hotu tōna wairua, ka mea ia, “He aha tēnei whaka­tupu­ranga ka rapu ai ki te tohu? He pono tāku e mea nei ki a koutou, e kore e hoatu he tohu ki tēnei whaka­tupu­ranga.”

¹³ Nā, mahue ake rātou i a ia, ā, eke ana anō ki te kai­puke, rere ana ki tērā taha.

Te Rēwena a ngā Parihi, a Herora hoki

¹⁴ Nā, i ware­ware rātou ki te mau taro, kotahi tonu ā rātou taro i te kai­puke.

¹⁵ Nā, ka whaka­tūpato ia i a rātou, ka mea, “Kia mahara, kia tūpato i te rēwena a ngā Parihi, i te rēwena hoki a Herora.”

¹⁶ Ā, ka kōrero­rero rātou ki a rātou anō, ka mea, “Nō te mea kāhore ā tātou taro.”

¹⁷ Ka mōhio a Īhu, ka mea ki a rātou, “He aha koutou ka kōrero­rero ai nō te mea kāhore ā koutou taro? Kīanō koutou i mātau noa, kīanō i mahara? E pakeke tonu ana anō rānei ō koutou ngākau?

¹⁸ He kanohi nei ō koutou, ā, kāhore e kite? He tari­nga nei ō koutou, ā, kāhore e rongo? Kāhore e mahara?

¹⁹ I ahau i whawhati i ngā taro e rima mā ngā mano e rima, e hia ngā kete kī o ngā whati­whatinga i kohia e koutou?” Ka mea rātou ki a ia, “Kotahi tekau mā rua.”

²⁰ “Ā, i ngā taro hoki e whitu mā ngā mano e whā, e hia ngā kete kī o ngā whati­whatinga i kohia e koutou?” Ka mea rātou, “E whitu.”

²¹ Nā, ka mea ia ki a rātou, “Kāhore anō ia koutou kia mātau noa?”

Ka Whakaorangia e Īhu he Tangata Matapō i Petahaira

²² Ā, ka tae rātou ki Petahaira. Nā, ka kawea mai e rātou he matapō ki a ia, ka īnoi ki a ia kia whaka­pā­ngia e ia.

²³ Nā, ka mau ia ki te ringa o te matapō, ka ārahi i a ia ki waho o te kāinga; ka tuwha ki ōna kanohi, ā, ka whaka­pā i ōna ringa ki a ia, ka ui ki a ia me kore ia e kite i tētahi mea.

²⁴ Nā, ka ti­tiro ake ia, ka mea, “E kite ana ahau i ngā tāngata e hāere­ere ana me te mea he rākau.”

²⁵ Me i reira, ka whaka­pā­kia anō ngā ringa ki ōna kanohi, ka mea i a ia kia ti­tiro. Nā, ka ora ia, ā, ka mārama te ti­tiro ki ngā mea katoa.

²⁶ Nā, ka tono ia i a ia ki tōna whare, ka mea atu, “Kaua e tomo ki te kāinga.”

Te Pānuitanga a Pita mō Īhu

²⁷ Nā, ka haere a Īhu rātou ko āna ākonga ki ngā kāinga o Hiha­ria Piripai, ā, i te ara ka ui ia ki āna ākonga, ka mea ki a rātou, “Ki tā ngā tāngata kī, ko wai ahau?”

²⁸ Nā, ko tā rātou whaka­hoki­nga, “Ko Hoani Kai­iri­iri; ki tā ētahi, ko Irāia; ki tā ētahi, ko tētahi o ngā poro­piti.”

²⁹ Nā, ka mea ia ki a rātou, “Ki tā koutou nā kī, ko wai ahau?” Nā, ka whaka­hoki a Pita, ka mea ki a ia, “Ko te Karaiti koe.”

³⁰ Nā, ka whaka­tūpato ia i a rātou, kia kaua ia e kōrero­tia ki te tangata.

Ka Kōrero a Īhu mō Tōna Mamaetanga me Tōna Matenga

³¹ Kātahi ia ka anga, ka whaka­ako i a rātou, kua takoto te tikanga kia maha ngā mamae o te Tama a te tangata, kia whaka­kino­ngia hoki e ngā kaumātua, e ngā tohu­nga nui, e ngā kara­ipi, ā, kia whaka­matea, ā, kia ara anō ina pahure ngā rā e toru.

³² I kōrero­tia mata­nui­tia anō taua kupu e ia. Nā, ka mau a Pita ki a ia, ka anga, ka whaka­hē ki tāna.

³³ Otirā, ka tahuri ia, ā, i te kite­nga i āna ākonga, ka whaka­hē ki tā Pita, ka mea, “Haere ki muri i ahau, e Hātana. Kāhore hoki ōu ngākau ki ngā mea a te Atua, engari, ki a te tangata.”

³⁴ Nā, ka karanga­tia e ia te mano, rātou ko āna ākonga, ka mea ki a rātou, “Ki te mea tētahi tangata kia haere mai ki te whai i ahau, me whaka­kāhore ia i a ia anō, me amo i tōna rīpeka, ka aru ai i ahau.

³⁵ Ki te whai tētahi kia ora, ka mate ia; ki te mate hoki tētahi, mōna i whaka­aro ki ahau, ki te rongo­pai hoki, ka ora ia.

³⁶ Ā, he aha te pai ki te tangata, ki te riro i a ia te ao katoa, ā, ka kore he ora mōna?

³⁷ He aha hoki tā te tangata e hoatu ai hei utu mōna kia ora?

³⁸ Ki te whaka­mā hoki tētahi ki ahau, ki āku kōrero, i tēnei whaka­tupu­ranga pūremu, kino, ka whaka­mā anō te Tama a te tangata ki a ia, ina haere mai i runga i te korōria o tōna Matua, rātou ko ngā ana­hera tapu.”