Māka 15 - Te Kawenata Hou

Ko Īhu i te Aroaro o Pirato

¹ Ā, mea kau ake te ata, ka rū­nanga ngā tohu­nga nui, ngā kaumātua, ngā kara­ipi, me te rū­nanga katoa, ā, ka herea e rātou a Īhu, ka āra­hina atu, ā, tukua atu ana ki a Pirato.

² Ka ui a Pirato ki a ia, “Ko koe rānei te Kīngi o ngā Hūrai?” Ka whaka­hokia e ia ki a ia, “Kua kōrero­tia nā e koe.”

³ He maha hoki ngā mea i whaka­paea ki a ia e ngā tohu­nga nui.

⁴ Ka ui anō a Pirato ki a ia, ka mea, “Kāhore āu kupu whaka­hoki? Nā, te tini o ngā kupu e kōrero nei rātou mōu.”

⁵ Heoi, kāhore a Īhu i whaka­hoki atu anō; nō, ka mīharo a Pirato.

Ka Tukua a Īhu kia Rīpekatia

⁶ Nā, i taua hākari kotahi te here­here e tukua ana e ia ki a rātou, ko tā rātou e īnoi ai.

⁷ Nā, i reira tētahi tangata ko Parapa te ingoa, e here tahi ana me ōna hoa tutū, he hunga i patu tangata i te nga­ngare­tanga.

⁸ Nā, ka haere te mano, ka anga, ka tono ki a ia kia pērā­tia me tāna i mea ai ki a rātou i mua.

⁹ Nā, ka whaka­hoki a Pirato ki a rātou, ka mea, “E pai ana rānei koutou kia tukua e ahau ki a koutou te Kīngi o ngā Hūrai?”

¹⁰ I mahara hoki ia he hae i tukua ai ia e ngā tohu­nga nui.

¹¹ Otirā, ka whaka­tūtehu­tia e rātou te mano, kia tukua e ia ko Parapa kē ki a rātou.

¹² Nā, ka whaka­hoki anō a Pirato, ka mea ki a rātou, “He aha oti tā koutou e pai ai kia meatia e ahau ki tēnei e huaina nei e koutou ko te Kīngi o ngā Hūrai?”

¹³ Ka karanga anō rātou, “Rīpekatia!”

¹⁴ Nā, ka mea a Pirato ki a rātou, “He aha koia tāna kino i mea ai?” Heoi, nui noa atu tā rātou hāmama, “Rīpekatia ia!”

¹⁵ Nā, i tōna hia­hia kia whaka­mārie­tia te mano, tukua ana e Pirato a Parapa ki a rātou, ā, ka oti a Īhu te whiu, ka tukua kia rīpeka­tia.

Ka Whakatoitoi ngā Hōia i a Īhu

¹⁶ Nā, ka āra­hina ia e ngā hōia ki te marae, arā, ki te whare whaka­wā, ā, kāranga­ranga­tia ana te rōpū katoa.

¹⁷ Ka whaka­kākahu­ria ia ki te kākahu pāpura, ā, ka oti tētahi karauna tā­tarā­moa te whiri, ka pōtaea ki a ia.

¹⁸ Nā, ka anga rātou, ka oha ki a ia, “Tēnā koe, e te Kīngi o ngā Hūrai!”

¹⁹ Patua ana e rātou tōna māte­nga ki te kākaho, tuwha ana ki a ia, ka tuku i ngā turi ki a ia, ā, koro­piko ana ki a ia.

²⁰ Ā, nō ka mutu tā rātou taunu ki a ia, ka tango­hia te kahu pāpura i a ia, nā, whaka­kākahu­ria ana ia ki ōna ake kākahu, ā, āra­hina ana ia kia rīpeka­tia.

Ka Ripekatia a Īhu

²¹ Nā, ka meinga e rātou tētahi tangata e tika ana nā reira, a Haimona o Hairini, i ahu mai i ngā whenua, ko te pāpā o Arēhanera rāua ko Rupuha, kia haere me rātou, kia riro ai māna e amo tōna rīpeka.

²² Nā, ka āra­hina ia ki tētahi wāhi, ki Korokota, tōna tikanga ina, whaka­māori­tia “Ko te Wāhi Anga­anga.”

²³ Ā, hoatu ana ki a ia he wāina, he mea whaka­nanu ki te maira, kia inumia; otirā, kīhai i tango­hia e ia.

²⁴ Ā, rīpeka­tia ana ia e rātou, ka wehe­wehea ōna kākahu, he mea maka ki te rota, kia kitea ai ko te aha e riro i tētahi, i tētahi.

²⁵ Nā, ko te toru tērā o ngā hāora, ā, ka rīpeka­tia ia e rātou.

²⁶ Ko te mea i whaka­wā­kia ai ia i tuhi­tuhia ki runga, “Ko te Kīngi o ngā Hūrai.”

²⁷ Nā, toko­rua ngā tāhae i rīpeka­tia ngā­tahi­tia me ia; ko tētahi ki matau, ko tētahi ki tōna mauī.

²⁸ Nā, ka rite te karaipi­ture e mea nei, “I tāua ngā­tahi­tia ia me te hunga hara.”

²⁹ Ko te hunga e hāere­ere ana i reira ka tāwai ki a ia, ka rūrū i ō rātou māte­nga, ka mea, “Ha, ko koe ka whaka­horo nei i te whare tapu, ka hangā nei anō i ngā rā e toru!

³⁰ Whaka­ora i a koe anō, ka heke iho i te rīpeka!”

³¹ Wai­hoki ko ngā tohu­nga nui ka tāwai i a ia, rātou ko ngā kara­ipi, ka mea, “Ko ērā atu i whaka­ora­ngia e ia, tē taea e ia te whaka­ora a ia ake anō!

³² Tēnā rā, kia heke iho āia­nei a te Karaiti, te Kīngi o Īharaira, i te rīpeka, kia kite ai tātou, kia whaka­pono ai.” I tāwai hoki ki a ia te hunga i rīpeka­tia ngā­tahi­tia me ia.

Te Matenga o Īhu

³³ Ā, nō ka tae ki te ono o ngā hāora, ka pōuri a runga o te whenua katoa, taea noatia te iwa o ngā hāora.

³⁴ Ā, i te iwa o ngā hāora ka karanga a Īhu, he nui te reo, ka mea, “Eroi, Eroi, rama hapaka­tani?” Ko te tikanga tēnei ina whaka­māori­tia, “E tōku Atua, e tōku Atua, he aha koe i whaka­rere ai i ahau?”

³⁵ Ā, nō te rongo­nga o ētahi o te hunga e tū ana i reira, ka mea, “Nana, e karanga ana ia i a Irāia.”

³⁶ Nā, ka oma tētahi, ka whaka­kī i tētahi hau­tai ki te winika, whaka­noho­ia ana ki te kākaho, ka hoatu kia inumia e ia, ka mea, “Kāti; tēnā kia kite tātou me kore a Irāia e haere mai ki te tango i a ia ki raro.”

³⁷ Nā, he nui te reo i puaki i a Īhu, ā, hemo ake.

³⁸ Ā, ka wāhia te ārai o te teme­para i waenga­nui pū mai i runga ki raro.

³⁹ Ā, nō te kite­nga o te kene­turio, e tū hāngai atu ana ki a ia, i pērā te āhua o tāna tuku­nga i tōna wairua, ka mea ia, “He pono ko te Tama a te Atua tēnei tangata.”

⁴⁰ Nā, i reira ētahi wāhine e mā­taki­taki ana mai i tawhiti; i roto i a rātou a Meri Makarini, a Meri hoki whaea o Hēmi, te mea iti, rāua ko Hohi, me Hāromi;

⁴¹ arā, ko ngā wāhine i aru nei i a ia, i a ia i Kariri, i mahi mea nei māna; me ētahi atu wāhine toko­maha i haere tahi mai nei me ia ki Hiruhārama.

Te Tanumanga o Īhu

⁴² Nā, ka ahi­ahi, i te mea ko te rā Taka­nga, arā, ko te rā i mua ake o te hāpati.

⁴³ Ka haere mai a Hōhepa o Arimatia, he ranga­tira rū­nanga, he tangata nui tonu, e tatari ana anō hoki ia ki te ranga­tira­tanga o te Atua; ā, ka haere māia tonu ki a Pirato, ka īnoi i te tinana o Īhu.

⁴⁴ Nā, ka mīharo a Pirato, hua noa kāhore anō i mate; ka karanga­tia e ia te kene­turio, ka ui ki a ia, me­he­mea kua mate atu rā ia.

⁴⁵ Ā, nō ka rongo ki te kene­turio kua mate, ka whaka­ae­tia e ia te tinana ki a Hōhepa.

⁴⁶ Nā, ka hokona e tērā he rīnena, ka tango­hia mai ia ki raro, ā, takaia ana ki te rīnena; whaka­takoto­ria ana ia ki roto ki te urupā kua hāua atu ki te kāmaka, ā, whaka­takā atu ana he kōhatu ki te kūwaha o te urupā.

⁴⁷ I kite a Meri Makarini, rāua ko Meri whaea o Hohi, i te wāhi i whaka­takoto­ria ai ia.