Hoani 3 - Te Kawenata Hou

Ko Īhu rāua ko Nikorima

¹ Nā, he tangata tērā nō ngā Parihi, ko Nikorima tōna ingoa, he ranga­tira nō ngā Hūrai.

² Ka haere mai tēnei ki a Īhu i te pō, ka mea ki a ia, “E Rapi, e mātau ana mātou i haere mai koe i te Atua hei kai­whaka­ako, inā hoki e kore tētahi tangata e āhei te mea i ēnei mere­kara e meatia nei e koe, ki te kāhore te Atua i a ia.”

³ Ka whaka­hoki a Īhu, ka mea ki a ia, “He pono, he pono, tāku e mea nei ki a koe, ki te kāhore te tangata e whānau hou, e kore ia e āhei te kite i te ranga­tira­tanga o te Atua.”

⁴ Ka mea a Nikorima ki a ia, “Me pēhea ka whānau ai te tangata i tōna koro­heke­tanga? E taea rānei te tuarua o ngā haere­nga ki roto ki te kōpū o tōna whaea, whānau mai ai?”

⁵ Ka whaka­hokia e Īhu, “He pono, he pono tāku e mea nei ki a koe, Ki te kāhore te tangata e whānau i te wai, i te Wairua hoki, e kore ia e āhei te tomo ki te ranga­tira­tanga o te Atua.

⁶ Ko tā te kiko­kiko e whānau ai he kiko­kiko; ko tā te Wairua e whānau ai he wairua.

⁷ Aua rā e mīharo ki tāku i mea nei ki a koe, ‘He mea tūturu tēnei kia whānau hou koutou.’

⁸ E pupuhi ana te hau ki tāna wāhi e pai ai, ka rongo hoki koe ki tōna haruru otiia e kore e mōhio­tia e koe te wāhi i puta mai ai, e tae atu ai rānei. Ko te rite­nga tēnei ki te hunga katoa ka whānau i te Wairua.”

⁹ Ka whaka­hoki a Nikorima, ka mea ki a ia, “Me pēhea ka taea ai ēnei mea?”

¹⁰ Ka whaka­hoki a Īhu, ka mea ki a ia, “Ko koe te Kai­whaka­ako o Īharaira, ā, kāhore i mātau ki ēnei mea?

¹¹ He pono, he pono tāku e mea nei ki a koe, e kōrero­tia ana e mātou tā mātou i mātau ai, e whaka­atu­ria ana tā mātou i kite ai; heoi, e kore koutou e tango ki tā mātou whaka­atu­ranga.

¹² Ki te mea kua kōrero­tia e ahau ki a koutou ngā mea o te whenua, ā, kāhore koutou e whaka­pono, me pēhea ka whaka­pono ai ki te kōrero­tia e ahau ki a koutou ngā mea o te rangi?

¹³ Kāhore hoki he tangata i kake noa ki te rangi, ko ia anake i heke iho i te rangi, arā ko te Tama a te tangata, e noho mai nei i te rangi.”

¹⁴ Ka rite hoki ki tā Mohi whaka­iri­nga i te nākahi i te koraha, kua takoto te tikanga kia pērā te whaka­iri­nga o te Tama a te tangata.

¹⁵ Kia kāhore ai e ngaro te tangata e whaka­pono ana ki a ia, engari kia whi­whi ai ki te ora tonu.

¹⁶ Koia anō te aroha o te Atua ki te ao, hōmai ana e ia tāna Tama kotahi, kia kāhore ai e ngaro te tangata e whaka­pono ana ki a ia, engari kia whi­whi ai ki te ora tonu.

¹⁷ Kīhai hoki te Atua i tono mai i tāna Tama ki te ao ki te whaka­hē i te ao; engari kia ora ai te ao i a ia.

¹⁸ Ko ia e whaka­pono ana ki a ia, e kore e tau te hē ki a ia; tēnā ko ia e kore e whaka­pono, kua whaka­hē­ngia noatia ake, mōna kīhai i whaka­pono ki te ingoa o te Tama kotahi a te Atua.

¹⁹ Ko te whaka­hē­nga hoki tēnei, nō te mea kua tae mai nei te mārama ki te ao, ā, nui atu tō ngā tāngata aroha ki te pōuri i tō rātou ki te mārama, he kino hoki nō ā rātou mahi.

²⁰ E kino ana hoki ki te mārama ngā kai­mahi katoa i te kino, e kore anō hoki e haere mai ki te mārama, kei whaka­kitea ā rātou mahi.

²¹ Tēnā ko te kai­mahi i te pono, e haere mai ana ki te mārama, kia kitea ai āna mahi, he mea mahi i roto i te Atua.

Ko Īhu rāua ko Hoani

²² Ā, nō muri i ēnei mea ka haere a Īhu, rātou ko āna ākonga, ki te whenua o Hūria; ā, noho tahi ana rātou ki reira, me tāna iri­iri anō.

²³ Nā, i te iri­iri anō hoki a Hoani ki Ēnona, ki tētahi wāhi e tata ana ki Harema, nō te mea he nui te wai o reira; ā, ka haere mai rātou, ka iri­iria.

²⁴ Kāhore anō hoki a Hoani i pangā ki te whare here­here.

²⁵ Nā, ka ara he totohe a ngā ākonga a Hoani ki tētahi Hūrai mō te pure­nga.

²⁶ Ā, ka haere rātou ki a Hoani, ka mea ki a ia, “E Rapi, ko te tangata i tāwāhi nā kōrua o Horano, ko tāu i whaka­atu mai nā, Nana, kei te iri­iri ia, e haere ana hoki te katoa ki a ia.”

²⁷ Ka whaka­hoki a Hoani, ka mea, “E kore tētahi mea e riro i te tangata, ki te kore e hōmai ki a ia i te rangi.

²⁸ Ko koutou hei kai­whakaae ki ahau, ki tāku mea­tanga, ‘Ehara ahau i a te Karaiti, engari i tonoa mai ahau i mua i a ia.’

²⁹ Ko te tangata i te wahine mārena hou, ko ia te tāne mārena hou. Nā, ko te hoa o te tāne mārena hou, e tū ana, e rongo ana ki a ia, ka hari pū ki te reo o te tāne mārena hou. Nā reira i tutuki ai tēnei hari ōku.

³⁰ Ko te tikanga tēnei, ko ia kia nui haere, ko ahau kia iti haere.”

Te Mea e Haere mai ana i te Rangi

³¹ Ko ia e haere mai ana i runga, kei runga ake ia i te katoa; ko tō te whenua nō te whenua ia, nō te whenua anō āna kōrero. Ko ia e haere mai ana i te rangi, kei runga ake ia i te katoa.

³² Ā, ko tāna i kite ai, i rongo ai, ko ia tāna e whaka­atu ai; kāhore hoki tētahi tangata e tango atu ki tāna whaka­atu­ranga.

³³ Ki te manako tētahi ki tāna whaka­atu­ranga, kua piri tāna tohu ki te pono o tā te Atua.

³⁴ Ko tā te Atua i tono mai ai, e kōrero ana ia i ngā kupu a te Atua; kāhore hoki te Wairua e hōmai e te Atua i runga i te mēhua.

³⁵ E aroha ana te Matua ki te Tama, kua hoatu anō ngā mea katoa ki tōna ringa.

³⁶ Ko ia e whaka­pono ana ki te Tama, he ora tonu tōna; ko ia e kore e whaka­pono ki te Tama, e kore e kite i te ora, engari ka mau tonu te riri a te Atua ki a ia.