Hoani 12 - Te Kawenata Hou

Ka Whakawahia a Īhu i Petani

¹ Nā, e ono ngā rā i mua ake o te Kape­nga ka haere a Īhu ki Petani, kei reira nei a Raharuhi, i whaka­ara­hia ake nei e ia i te hunga mate.

² Ā, takā ana e rātou he hapa māna i reira; ko Māta te kai­taka, ko Raharuhi tētahi o te hunga i noho tahi me ia.

³ Nā, ka mau a Meri ki tētahi pāuna hinu kakara he tino nara, he mea utu nui, whaka­wahia ana e ia ngā wae­wae o Īhu, me te muru anō i ōna wae­wae ki ōna makawe; kī noa te whare i te kakara o te hinu.

⁴ Nā, ka mea tētahi o āna ākonga, a Hūrā Ikariote, tēnei meāke nei tuku a ia,

⁵ “He aha tēnei hinu tē hokona ai ki ngā pene e toru rau, ka hoatu ai ki te hunga rawa­kore?”

⁶ I kōrero­tia ai tēnei e ia, ehara i te mea he whaka­aro nōna ki te hunga rawa­kore; erangi, nō te mea he tāhae ia, i a ia hoki te pūtea, ko ia hoki hei mau i ngā mea i whao­ngia ki roto.

⁷ Nā, ko te mea­tanga a Īhu, “Waiho rā ū āna; i tohu­ngia tēnei e ia mō te rā o tōku tanu­manga.

⁸ Kei a koutou hoki ngā rawa­kore i ngā wā katoa; ko ahau ia e kore e noho tonu i a koutou.”

He Whakangārahu ki a Raharuhi

⁹ He toko­maha o ngā Hūrai i mātau kei reira a Īhu; ā, haere mai ana, ehara i te mea mō Īhu anake, erangi, kia kite hoki i a Raharuhi, i whaka­ara­hia nei e ia i te hunga mate.

¹⁰ Otirā, kua takoto te whaka­aro o ngā tohu­nga nui kia whaka­matea anō a Raharuhi;

¹¹ nāna hoki i toko­maha ai ngā Hūrai i haere, i whaka­pono ki a Īhu.

Te Tomokanga Manahau ki Hiruhārama

¹² I te aonga ake ka rongo te mano tini i haere nei ki te hākari, e haere ana a Īhu ki Hiruhārama.

¹³ Ka mau rātou ki ngā manga nīkau, haere ana ki te whaka­tau i a ia, me te karanga, “Ohana! Ka whaka­pai­ngia ia, e haere mai nei i runga i te ingoa o te Ariki, te Kīngi o Īharaira!”

¹⁴ Ā, nō ka kite a Īhu i tētahi kūao kāihe, ka noho ia i runga; ka pērā anō me te mea i tuhi­tuhia,

¹⁵ “Kaua e mataku, e te tamā­hine a Hiona. Nā, kei te haere mai tōu Kīngi, e noho ana i runga i te kūao kāihe.”

¹⁶ Otiia, kīhai āna ākonga i mātau wawe ki ēnei mea; engari, ka oti a Īhu te whaka­korōria, kātahi rātou ka mahara kua tuhi­tuhia ēnei mea mōna, kua meinga anō ēnei mea ki a ia.

¹⁷ I whaka­ae anō te hunga i tōna taha i tāna karanga­tanga i a Raharuhi i roto i te urupā, i tāna whaka­ara­hanga hoki i a ia i te hunga mate.

¹⁸ Nā, konei hoki te mano i whaka­tau ai i a ia, i rongo hoki rātou, kua meinga tēnei mere­kara e ia.

¹⁹ Nā, ka mea ngā Parihi ki a rātou anō, “Ka kite rānei koutou kāhore ā koutou wāhi? Nā, kua riro te ao ki te whai i a ia.”

Ka Kimi ētahi Kariki ki a Īhu

²⁰ Nā, he Kariki ētahi o te hunga i haere ki te hākari ki te kara­kia.

²¹ Ā, haere ana ēnei ki a Piripi o Petahaira o Kariri, kōrero ana ki a ia, mea atu ana, “E kara, e hia­hia ana mātou kia kite i a Īhu.”

²² Haere ana a Piripi, ka kōrero ki a Anaru; ka haere a Anaru, a Piripi, ka kōrero ki a Īhu.

²³ Ka kī a Īhu ki a rāua, ka mea, “Kua tae mai te hāora e whaka­korōria­tia ai te Tama a te tangata.

²⁴ He pono, he pono tāku e mea nei ki a koutou, ki te kore tētahi pata wīti e marere ki te one­one, e pirau, ka takoto ko ia anake; tēnā ki te pirau, he nui ōna hua.

²⁵ Ki te aroha tētahi ki tōna ora, ka mate anō ia; ki te kino tētahi ki te ora i tēnei ao, ka tūturu ki a ia te ora ake ake.

²⁶ Ki te mea tētahi ko ia hei kai­mahi māku, me aru ia i ahau; ko te wāhi e noho ai ahau, ko reira anō tāku kai­mahi. Ki te mahi tētahi i āku mahi, mā tōku Matua ia e whaka­hōnore.”

Ka Kōrero a Īhu mō Tōna Matenga

²⁷ “Kua pōuri tēnei tōku wairua; ā, kia pēhea atu ahau? E Pā, whaka­ora­ngia ahau i tēnei wā. Otirā, ko te mea tēnei i haere mai ai ahau ki tēnei wā.

²⁸ E Pā, whaka­korōria­tia tōu ingoa.” Nā, ka puta he reo i te rangi, “Kua whaka­korōria­tia e ahau, e whaka­korōria­tia anō.”

²⁹ I te rongo­nga o ngā tāngata e tū ana i reira, ka mea, “He whati­tiri.” Ko ētahi i mea, “Kua kōrero tētahi ana­hera ki a ia.”

³⁰ Ka whaka­hoki a Īhu, ka mea, “Ehara tēnei reo i puta mai nei i te mea mōku, engari mō koutou.

³¹ Ko āia­nei te whaka­wā mō tēnei ao; ko āia­nei makā ai te ranga­tira o tēnei ao ki waho.

³² Ā, ki te whaka­iri­hia ake ahau ki runga ake i te whenua, māku ngā tāngata katoa e kukume ki ahau.”

³³ (I pēnei ai ia hei whaka­atu i te mate e mate ai ia.)

³⁴ Ka whaka­hokia e te mano ki a ia, “Kua rongo mātou ki tā te ture, e ora tonu ana a te Karaiti. He aha tāu e mea, ‘Me whaka­iri te Tama a te tangata?’ Ko wai koia tēnei Tama a te tangata?”

³⁵ Anō rā, ko Īhu ki a rātou, “He wāhi iti nei te maunga o te mārama i roto i a koutou. Haere rā i te mea e whai mārama ana koutou, kei roko­hina koutou e te pōuri. Ko ia hoki e haere ana i te pōuri e kore e kite i te wāhi e haere ai ia.

³⁶ I te mea kei a koutou te mārama, me whaka­pono ki te mārama, kia meinga ai koutou he tama­riki nā te mārama.” I kōrero­tia e Īhu ēnei mea, ā, haere ana, huna ana i a ia, kei kitea e rātou.

Te Whakapono kore o ngā Tāngata

³⁷ Heoi, ahakoa i meatia e ia aua mere­kara maha ki tō rātou aro­aro, kīhai rātou i whaka­pono ki a ia.

³⁸ I rite ai te kōrero a Ihāia poro­piti, tāna i mea ai: “E te Ariki, ko wai i whaka­pono ki tā mātou kōrero? I whaka­kitea hoki ki a wai te ringa o te Ariki?”

³⁹ Koia hoki rātou tē āhei ai te whaka­pono, kua mea nei hoki a Ihāia,

⁴⁰ “I whaka­matapō­tia e ia ō rātou kanohi, i whaka­pakeke­tia ō rātou ngākau; kei kite ō rātou kanohi, kei mātau hoki ō rātou ngākau, kei tahuri rātou, ā, ka whaka­ora­ngia e ahau.”

⁴¹ I kōrero­tia ēnei mea e Ihāia, i te wā i kite ai ia i tōna korōria, i puaki ai hoki tāna kupu mōna.

⁴² He ahakoa rā he toko­maha anō ngā ranga­tira i whaka­pono ki a ia. Otirā, kīhai i whaka­ae ki a ia, he whaka­aro hoki ki ngā Parihi, kei peia rātou ki waho o te whare kara­kia;

⁴³ rawe ake hoki ki a rātou tā te tangata korōria i tā te Atua.

Whakawātanga ki ngā Kupu a Īhu

⁴⁴ Nā, ka karanga a Īhu, ka mea, “Ki te whaka­pono tētahi ki ahau, ehara ahau i tāna i whaka­pono mai ai, engari, ko tōku kai­tono mai.

⁴⁵ Ko ia e kite ana i ahau, e kite ana hoki i tōku kai­tono mai.

⁴⁶ Kua tae mai nei ahau hei whaka­mārama mō te ao, kei noho i te pōuri tētahi e whaka­pono ana ki ahau.

⁴⁷ Nā, ki te rongo tētahi ki āku kupu, ki te kore hoki e puri­tia e ia, e kore ahau e whaka­hē i a ia; kīhai hoki ahau i haere mai ki te whaka­hē i te ao, engari, ki te whaka­ora i te ao.

⁴⁸ Ko ia e whaka­kāhore ana ki ahau e kore hoki e tango ki āku kupu, tēnā anō te kai­whaka­hē mōna; ko te kupu i kōrero­tia e ahau, ko tēnā hei whaka­hē mōna ā te rā whaka­mutu­nga.

⁴⁹ Nō te mea ehara i ahau ake āku kōrero; engari, nā te Matua i tonoa mai ai ahau, nāna i tuku mai te ture ki ahau, mō tāku e kōrero ai, mō tāku e kī ai.

⁵⁰ Ā, e mātau ana ahau he ora tonu tāna ture. Nā, ko āku e kōrero nei rite tonu ki tā te Matua i mea mai ai ki ahau tāku kōrero.”