Hiperu 1 - Te Kawenata Hou

Te Kupu a te Atua i roto i Tāna Tama

¹ He maha ngā wāhi, he maha ngā hua­rahi i kōrero ai te Atua i mua, arā ngā poro­piti, ki ngā mātua,

² i ēnei rā whaka­mutu­nga nā tāna Tama āna kōrero ki a tātou, ko tāna hoki tērā i mea ai māna ngā mea katoa, ko tāna kai­hanga hoki tērā o ngā ao.

³ Ko ia te kānapa­tanga o tōna korōria, te tino āhua o tōna pūmau­tanga, e whakaū nei i ngā mea katoa ki te kupu o tōna kaha, ka oti i a ia ake anō te horoi ō tātou hara, nā noho ana ia i te ringa matau o te Nui i runga rawa.

Te Nui o te Tama a te Atua

⁴ Ā, meinga ana ia kia pai ake i ngā ana­hera, kia pērā me te ingoa i riro i a ia he nui atu i tō rātou.

⁵ Ki a wai hoki o ngā ana­hera tāna mea­tanga i mua: “Ko koe tāku Tama, nō nāia­nei koe i whaka­tupu­ria ai e ahau?” Me tēnei anō: “Ko ahau hei Matua ki a ia, ko ia hei Tama ki ahau?”

⁶ I tāna kawe­nga mai anō hoki i te whānau mātā­mua ki te ao, ka mea ia, “Kia koro­piko ngā ana­hera katoa a te Atua ki a ia.”

⁷ Ko tāna kupu ia mō ngā ana­hera, “Meinga ana e ia āna ana­hera hei wairua, āna kai­mahi hei mura ahi.”

⁸ Mō te Tama ia, i kī ia: “Pūmau tonu tōu torōna, e te Atua, ake, ake; ā, ko te hēpeta o te tika te hēpeta o tōu kīngi­tanga.

⁹ I aroha­ina e koe te tika, i kino­ngia e koe te hara; nō reira nui atu i tō ōu hoa te whaka­wahinga a te Atua, a tōu Atua, i a koe ki te hinu o te hari.”

¹⁰ Me tēnei anō: “Nāu, e te Ariki, i te tīma­tanga i whaka­takoto te whenua; he mahi anō ngā rangi nā ōu ringa.

¹¹ Ko ērā e hemo atu, ko koe ia e mau tonu: ka tawhito­tia katoa­tia hoki ērā me he kākahu.

¹² Ka pō­kai­tia e koe, ānō he koheka, ka whaka­putaia kētia. Ko koe tonu anō ia koe, kāhore hoki he mutu­nga o ōu tau.”

¹³ Ki tēhea hoki o ngā ana­hera tāna mea­tanga i mua: “Hei tōku ringa matau koe noho ai, kia meinga rā anō e ahau ōu hoa­riri hei tū­ranga wae­wae mōu”?

¹⁴ He teka ianei he wairua kai­mahi rātou katoa, he mea tono­tono hei minita, he whaka­aro ki te hunga mō rātou nei te ora?