Epeha 5 - Te Kawenata Hou

Noho Ora i roto i te Māramatanga

¹ Nā, kia rite tā koutou ki tā te Atua, kia pērā me tā ngā tama­riki e aroha­ina ana;

² haere hoki i runga i te aroha, kia pērā me te Karaiti i aroha ki a tātou, i tuku i a ia anō mō tātou hei whaka­here, hei patu­nga tapu ki te Atua, hei kakara pai.

³ Ko te moe­puku ia, me ngā mahi poke katoa, me te apo, kaua ēnā e whaka­hua­tia i roto i a koutou, kia rite ki tā te hunga tapu tikanga.

⁴ Kaua hoki te mea paru­paru, te kōrero wai­rangi, te kōrero māminga, kāhore nei i tika, erangi ia te whaka­whetai.

⁵ E tino mātau ana hoki koutou ki tēnei, e kore tētahi tangata moe­puku, poke rānei, apo rānei, he kai­karakia nei hoki ia ki te whaka­pakoko, e whai wāhi ki te ranga­tira­tanga o te Karaiti, ā, o te Atua.

⁶ Kei tini­hanga­tia koutou e te tangata ki ngā kupu teka­teka noa; nā ēnei mea hoki te riri o te Atua e puta nei ki ngā tama­riki a te tutū.

⁷ Nā, kaua koutou e uru ki tā rātou.

⁸ He pōuri hoki koutou i mua, tēnā ko tēnei, he mārama i roto i te Ariki. Kia rite tā koutou haere ki tā ngā tama­riki o te mārama,

⁹ kei runga hoki te hua o te mārama i te pai katoa, i te tika, i te pono.

¹⁰ Me whaka­mātau anō e koutou tā te Ariki e pai ai.

¹¹ Kei uru koutou ki ngā mahi hua­kore o te pōuri, engari whaka­hē­ngia.

¹² He mea whaka­mā hoki te whaka­hua kau i ngā mea e meinga ngaro­tia nei e rātou.

¹³ Ko ngā mea katoa hoki e whaka­hē­ngia ana, mā te mārama e whaka­kite; he mārama hoki ngā mea katoa e whaka­kitea ana.

¹⁴ Koia hoki tāna kupu nei: “Ma­ranga, e tēnei e moe nei, ara ake i roto i te hunga mate, ā, ka whiti a te Karaiti ki runga ki a koe.”

¹⁵ Nā reira, kia āta tiro­tiro i tā koutou haere, kei rite ki tā ngā whaka­aro­kore, engari ki tā ngā whaka­aro nui;

¹⁶ hokona te tāima mā koutou, he kino hoki ngā rā.

¹⁷ Mō konei rā kei whaka­aro­kore koutou, engari kia mātau ki tā te Ariki e pai ai.

¹⁸ Kaua hoki e hau­rangi i te wāina, he tō­rere­tanga hoki tēnā ki te hē; engari kia kī i te Wairua;

¹⁹ ko tā koutou kōrero ki a koutou anō, hei te waiata tapu, hei te hīmene, hei te waiata wairua; waiata, hīmene atu, i roto i ō koutou ngākau ki te Ariki;

²⁰ me te whaka­whetai ki te Atua, arā ki te Matua i ngā wā katoa, mō ngā mea katoa, i runga i te ingoa o tō tātou Ariki, o Īhu Karaiti.

Ngā Wāhine me ngā Tāne

²¹ Kia ngohe­ngohe tētahi ki tētahi i runga i te wehi ki a te Karaiti.

²² E ngā wāhine, kia ngohe­ngohe ki ā koutou tāne ake, hei mea ki te Ariki.

²³ Nō te mea ko te tāne te ūpoko o te wahine, e rite ana hoki ki a te Karaiti, ko te ūpoko ia o te hāhi; ko te kai­whaka­ora anō ia o te tinana.

²⁴ Otiia, e ngohe­ngohe ana te hāhi ki tā te Karaiti, kia pērā anō ngā wāhine ki ā rātou tāne i ngā mea katoa.

²⁵ E ngā tāne, aroha­ina ā koutou wāhine, kia pērā hoki me te Karaiti i aroha nei ki te hāhi, i hoatu hoki i a ia anō mō taua hāhi;

²⁶ hei whaka­tapu­nga māna, mā rawa i a ia i te horoi­nga ki te wai, i runga i te kupu,

²⁷ hei hāhi tāpae māna ki a ia anō, he hāhi korōria rawa, kāhore he ira, kāhore he koru­koru, tētahi atu mea pērā rānei, engari kia tapu, kia koha­kore.

²⁸ Me aroha e ngā tāne ā rātou wāhine me te mea ko ō rātou tinana ake anō. Ko te tangata e aroha ana ki tāna wahine ake, e aroha ana ki a ia ake anō.

²⁹ Kāhore hoki tētahi kia kino noa ki tōna kiko­kiko ake; engari e ata­whai ana, e whaka­ahuru ana, e pērā tonu ana me tā te Karaiti ki te hāhi;

³⁰ he wāhi hoki tātou nō tōna tinana.

³¹ “Mō konei rā ka whaka­rērea ai e te tangata tōna pāpā me tōna whaea, ā, ka piri ki tāna wahine, ka kiko­kiko kotahi tō rāua toko­rua.”

³² He nui tēnei mea ngaro; otiia, mō te Karaiti rāua ko te hāhi tāku kōrero.

³³ Engari, kia rite ki tōna aroha ki a ia ake anō tō koutou aroha, tō tēnei, tō tēnei, ki tāna wahine, ki tāna wahine; me te wahine anō, kia hopo­hopo ia ki tāna tāne.