2 Koriniti 6 - Te Kawenata Hou

¹ Nā, tēnei mātou ōna hoa mahi te tohe atu nei i a koutou, kia kaua e kore hua te riro­nga mai o te aroha noa o te Atua i a koutou.

² E mea ana hoki ia, “Nō te wā manako­hanga atu i whaka­rongo ai ahau ki a koe, āwhina­tia ana hoki koe e ahau i te rā o te whaka­ora­nga.” Nana, tēnei te wā manako­hanga mai; Nana, tēnei te rā o te whaka­ora­nga!

³ E kore hoki e hoatu e mātou tētahi take e hē ai, ahakoa i te aha, kei whaka­hē­ngia tā mātou mahi minita;

⁴ engari, i ngā mea katoa e whaka­kite ana i a mātou, he minita nā te Atua, i runga i te hua o te manawa­nui, i ngā tūkino­tanga, i ngā aituā, i ngā raru­nga,

⁵ i ngā whiu­nga, i ngā here­here­tanga, i ngā nga­ngare­tanga, i ngā māuiui­tanga, i ngā mataara­tanga, i ngā nohoa­nga puku­tanga;

⁶ i runga i te kino­kore, i te mātau­ranga, i te manawa­nui, i te ngākau ngā­wari, i te Wairua Tapu, i te aroha tini­hanga­kore,

⁷ i runga i te kupu o te pono, i te kaha o te Atua, i ngā mea whawhai o te tika ki matau, ki mauī,

⁸ i runga i te korōria, i te hōnore­kore, i te kupu kino, i te kupu pai; me te mea he hunga tini­hanga, ā, he hunga pono anō.

⁹ Me te mea kāhore e mōhio­tia, otiia e mōhio­tia nuitia ana; me te mea ka mate, heoi, tēnei anō mātou te ora nei; me te mea e pākia ana, heoi kāhore e whaka­matea;

¹⁰ me te mea e pōuri ana, heoi, e hari tonu ana; me te mea e rawa­kore ana, heoi, e mea ana i te toko­maha kia whai taonga; me te mea kāhore ā mātou aha, otiia, kei a mātou ngā mea katoa.

¹¹ Tu­whera tonu ō mātou māngai ki a koutou, e ngā Koriniti, kua nui tō mātou ngākau.

¹² Ehara i te mea nō mātou te kūiti i a koutou, engari, nō ō koutou ngākau te kūiti.

¹³ Nā, hei utu e rite ana, he kupu tēnei nāku ki āku tama­riki, kia whaka­nuia anō hoki koutou.

He Whakatūpato ki ngā Awe o te Hunga Whakapono kore

¹⁴ Kei ioka­tia kētia koutou ki te hunga whaka­pono kore. Nō hea hoki te whaka­hoa­tanga o te tika rāua ko te tutū? Nō hea hoki te hui­hui­nga tahi­tanga o te mārama ki te pōuri?

¹⁵ Ko ēhea mea a te Karaiti i hui­huia ki a Periara? Nā tēhea wāhi rānei i huanga ai te tangata whaka­pono ki te tangata whaka­pono kore?

¹⁶ Ā, kei hea he ta­ta­nga mō te whare tapu o te Atua ki ngā whaka­pakoko? He whare tapu hoki koutou nō te Atua ora; ko tā te Atua hoki tēnā i mea ai: “Ka noho ahau i roto i a rātou, ka hāere­ere ahau i roto i a rātou; ā, ko ahau hei Atua mō rātou, ko rātou hoki hei iwi māku.”

¹⁷ Mō konei, “Puta mai i roto i a rātou, kia motu kē, e ai tā te Ariki. Kaua hoki e pā ki te mea poke; ā, ka riro mai koutou i ahau.

¹⁸ Ko ahau anō hoki hei Matua mō koutou, ko koutou hoki hei tama hei tamā­hine ki ahau, e ai tā te Ariki Kaha Rawa.”