1 Timoti 6 - Te Kawenata Hou

¹ Kīa iho e ngā pono­nga whai ranga­tira katoa he mea tika mō ō rātou ranga­tira ake ngā hōnore katoa, kei kōrero­tia kino­tia te ingoa o te Atua me tāna ako.

² Kaua ērā i ngā ranga­tira whaka­pono e whaka­hāwea ki a rātou, nō te mea he tēina rātou; engari kia nui rawa te mahi, nō te mea e whaka­pono ana rātou, e aroha­ina ana, e uru ngā­tahi ana ki te mahi pai. Me whaka­ako ēnei mea e koe, me whaka­hau atu.

He Whakaakoranga Teka, te Taonga Pono rānei

³ Ki te whaka­ako kē tētahi, ki te kore e tahuri ki ngā kupu ora, ki ngā kupu a tō tātou Ariki, a Īhu Karaiti, ki te ako anō hoki e rite ai te kara­kia pai,

⁴ e whaka­kake ana ia, kāhore ōna mātau­ranga ki tētahi mea, heoi e hāwata ana ki ngā uiui­nga, ki ngā tau­tohe­tohe­nga, nō reira nei te hae, te whawhai, ngā kōrero kino, ngā whaka­aro kino,

⁵ ngā whaka­hoki­hoki kupu a ngā tāngata ngākau kino, kāhore nei he pono i a rātou. E mahara ana ki te kara­kia pai he hua­rahi e whi­whi ai ki te taonga.

⁶ He taonga nui anō ia te kara­kia pai hui tahi ki te ngākau tatū;

⁷ kāhore hoki he mea i mauria mai e tātou ki te ao, e kore hoki e āhei te mau atu e tātou tētahi mea.

⁸ Ki te mea ia he kai tā tātou, he hīpoki, ka mākona tātou i ēnā.

⁹ Ko te hunga ia e hia­hia ana kia whai taonga, ka taka rātou ki te whaka­mā­tautau­ranga, ki te mā­hanga, ki te tini o ngā hia­hia kūware e raru ai, e totohu ai ngā tāngata ki te whaka­ngaro­manga, ā, huna iho.

¹⁰ He pūtake hoki nō ngā kino katoa te aroha ki te moni; he mina­mina ki tēnei i kotiti kē ai ētahi i te whaka­pono, ā, wero­hia pūtia iho rātou e ngā mamae maha.

He Tohutohu Whaiaro

¹¹ Ko koe ia, e tā te Atua tangata, oma atu i ēnei; whāia te tika, te kara­kia pai, te whaka­pono, te aroha, te manawa­nui, te ngākau māhaki.

¹² Whawhai­tia te whawhai pai o te whaka­pono, hopu­kia atu te ora tonu, ko te mea hoki tēnā i karanga­tia ai koe, ā, whaka­ae­tia ana e koe te whaka­ae­tanga pai i te aro­aro o ngā kai­titiro toko­maha.

¹³ Ko tāku ako atu tēnei ki a koe i te aro­aro o te Atua, nāna nei ngā mea katoa i whai ora ai, o Karaiti Īhu anō hoki, nāna nei i whaka­puaki te whaka­ae­tanga pai i te aro­aro o Ponotio Pirato;

¹⁴ puri­tia tēnei ture, kei whai koha, kei whai hē, ā taea noatia te pu­tanga mai, o tō tātou Ariki, o Īhu Karaiti.

¹⁵ Māna e whaka­kite mai ā ōna ake wā, ko ia anake nei hoki te Mea kaha, te Mea koa, te Kīngi o ngā kīngi, te Ariki o ngā ariki.

¹⁶ Ko ia anake e kore e mate, e noho ana ia i te mārama e kore e taea atu e tētahi tangata, kāhore anō hoki e āhei kia kitea. Waiho atu i a ia te hōnore me te kaha ake ake. Āmine.

¹⁷ Ākona te hunga i ngā taonga o tēnei ao kia kaua e whaka­kake te ngākau, kia kaua e whaka­whiri­naki ki ngā taonga pahuhu noa, engari ki te Atua ora, ko ia hoki hei hōmai nui i ngā mea pai katoa hei mea mā tātou.

¹⁸ Kia mahi rātou i te pai, kia hua ā rātou mahi pai, kia ta­ta­nga ki te oha­oha, ki te whaka­whi­whi i ētahi;

¹⁹ me te whaka­takoto anō he kaupapa pai mō rātou mō ngā rā ki mua, kia mau-ā-ringa ai rātou ki te ora, arā ki te ora tūturu.

²⁰ E Tīmoti, tiaki­na te mea kua tukua nā ki a koe; tahuri kē i ngā kōrero whaka­riha­riha, i ngā kupu teka noa, i ngā whaka­puta­nga kētanga a te mea e tekaia nei he mātau­ranga;

²¹ kua waiho nei hei tikanga mā ētahi, ā, hē ake rātou ki te whaka­pono. Kia tau te aroha noa ki a koe. Āmine.