1 Timoti 3 - Te Kawenata Hou

Ngā Kaiārahi i roto i te Hāhi

¹ He pono te kōrero: ki te hia­hia tētahi ki te mahi pīhopa, e hia­hia ana ia ki te mahi pai.

² Nā, ko te tikanga tēnei, kia kaua te pīhopa e eke­ngia e te kupu, he tahu nō te wahine kotahi, kia ngā­wari, kia whai whaka­aro, kia mārama āna tikanga, kia ata­whai ki ngā manu­hiri, kia whai ngākau ki te whaka­ako;

³ kia kaua e kakai wāina, kia kaua e patu; engari kia ngā­wari, kaua e totohe, kaua e mate­nui ki te moni.

⁴ Kia pai tāna tohu­tohu i tōna whare; e mea ana i āna tama­riki kia ngohe­ngohe ki a ia, kia nui te mahara.

⁵ Ki te kore hoki tētahi tangata e mātau ki te tohu­tohu i tōna whare ake, me pēhea ka tiaki ai ia i te hāhi a te Atua?

⁶ Kauaka i te tauhou, kei whaka­kake, ā, ka tau tō te rēwera hē ki a ia.

⁷ Ā, kia pai te kōrero mōna a te hunga o waho; kei taka ia ki te whaka­hāwea, ki roto hoki ki te mā­hanga a te rēwera.

Ngā Kaiāwhina i roto i te Hāhi

⁸ Wai­hoki ko ngā rīkona kia tū kaumātua, kaua e arero rua, kaua e mate­nui ki te wāina, kaua e whai ki te taonga paru­paru;

⁹ kia mā ō rātou hine­ngaro e mau ai ki te mea ngaro o te whaka­pono.

¹⁰ Nā, kia mātua whaka­mā­tau­tau­ria ēnei; kātahi ka tuku ai kia mahi i ā te rīkona mahi, ki te kore he whaka­hē mō rātou.

¹¹ Ko ngā wāhine hoki kia āhua kaumātua, kaua e ngau­tuarā, kia whai mahara, kia pono i ngā mea katoa.

¹² Ko ngā rīkona, kia kotahi te hoa wahine; kia pai te tohu­tohu i ā rātou tama­riki, i ō rātou whare ake anō hoki.

¹³ Ki te pai hoki tā rātou mahi rīkona, ka whi­whi rātou ki te tū­ranga pai mō rātou, ka nui hoki tō rātou māia i runga i te whaka­pono ki a Karaiti Īhu.

Te Kōrero Huna he Mea Hirahira

¹⁴ He tuhi­tuhi atu tēnei nāku i ēnei mea ki a koe, e mea ana hoki tērā ahau e haere wawe atu ki a koe;

¹⁵ ki te roa ia ahau, kia mātau ai koe ki te tikanga mō tāu mahi i roto i te whare o te Atua, ko te hāhi nei ia a te Atua ora, ko te pou, ko te tū­ranga o te pono.

¹⁶ Nā, kāhore rawa e tau­tohe­tia te nui o te mea ngaro e karakia­tia nei: Ko ia i whaka­kitea mai i roto i te kiko­kiko, he mea whaka­tika nā te Wairua, i kitea e ngā ana­hera. I kauwhau­tia nei i roto i ngā tauiwi, i whaka­pono­hia nei i te ao, i tango­hia atu ki te korōria.