1 Timoti 1 - Te Kawenata Hou

He Mihi

¹ Nā Paora, nā te āpō­toro a Īhu Karaiti, he mea whaka­rite e te Atua, e tō tātou Kai­whaka­ora, e Īhu Karaiti hoki, ko ia tā tātou e tū­mana­ko atu nei –

² Ki a Tīmoti, ki tāku tama­iti pono i roto i te whaka­pono: Kia tau atu te aroha noa, te mahi tohu, te rangi­mārie, he mea nā te Atua, nā tō tātou Matua, nā Karaiti Īhu hoki, nā tō tātou Ariki.

He Whakatūpato ki te Whakaakoranga Teka

³ I whaka­hau atu rā ahau ki a koe, i ahau e haere ana ki Makeronia, kia noho koe i Epeha, ako ai i ētahi kia kaua e rere kē te whaka­ako,

⁴ kia kaua e whaka­rongo ki ngā kōrero tito noa, ki ngā whaka­papa tūpuna kāhore nei e whai mutu­nga; ko ngā pu­tanga ake o ēnā, he tau­tohe­tohe, kāhore he whaka­tupu mō te tikanga a te Atua i runga i te whaka­pono; ka pērā anō ahau ināia­nei.

⁵ Ko te tuku­nga iho ia mō te ako, ko te aroha, nō roto i te ngākau mā, i te hine­ngaro pai, i te whaka­pono tini­hanga­kore.

⁶ Kapea ake ēnei e ētahi, kotiti kē ana ki ngā kōrero teka noa;

⁷ ki tā rātou hei kai­whaka­ako rātou i te ture, heoi, kāhore e mātau ki tā rātou e kōrero nei, ki ngā mea rānei e kauwhau­tia nei e rātou.

⁸ Otirā, e mātau ana tātou he mea pai te ture, ki te rite te mea­tanga e te tangata ki tā te ture tikanga.

⁹ E mātau ana hoki ki tēnei, kīhai te ture i whaka­takoto­ria mō te tangata tika, engari mō te hunga ture­kore, tutū, karakia­kore, hara, tapu­kore, whaka­riha­riha, mō ngā kai­patu i ngā pāpā, mō ngā kai­patu i ngā whaea, mō ngā kai­kōhuru tangata,

¹⁰ mō te hunga moe­puku, moe kino i te tāne, tāhae tangata, kōrero teka, oati teka, ā, ki te mea tērā atu tētahi mea kāhore nei e rite ki te whaka­ako tika;

¹¹ rite tonu tēnei ki te rongo­pai o te korōria o te Atua hari, ki te mea kua tukua mai nei ki ahau.

Te Whakawhetai mō te Mahi Tohu a te Atua

¹² E whaka­whetai atu nei ahau ki a Karaiti Īhu, ki tō tātou Ariki, nāna nei ahau i whaka­kaha; i whaka­aro hoki ia he tangata pono ahau, ā, meinga ana ahau hei minita.

¹³ Ahau nei, te tangata kohu­kohu i mua, te kai­whaka­toi, whaka­tupu kino. Heoi, i tohu­ngia ahau, nō te me i meinga kūware­tia e ahau i runga i te whaka­pono kore;

¹⁴ tino nui rawa hoki te aroha noa o tō tātou Ariki, hui tahi ki te whaka­pono, ki te aroha i roto i a Karaiti Īhu.

¹⁵ He pono te kōrero, he pai hoki kia tango­hia rawa­tia, i haere mai a Karaiti Īhu ki te ao ki te whaka­ora i te hunga hara; ko te tino tangata hara o rātou ko ahau.

¹⁶ Heoi, nā konei ahau i tohu­ngia ai, kia ai ko ahau ki mua hei whaka­atu­ranga mā Īhu Karaiti i ngā manawa­nui maha, hei tohu ki te hunga e whaka­pono ki a ia ā muri ake nei, kia ora tonu ai rātou.

¹⁷ Nā, ki te Kīngi ora tonu, e kore nei e pirau, e kore nei e kitea, ko ia nei anake te Atua mātau, waiho atu i a ia te hōnore me te korōria ake ake. Āmine.

¹⁸ Ka tukua atu nei e ahau tēnei kupu ako ki a koe, e tāku tama­iti, e Tīmoti, ko te poro­piti­tanga anō tēnei i puta mai i mua mōu, hei mea i a koe kia whawhai i te whawhai pai;

¹⁹ kia mau ki te whaka­pono me te hine­ngaro pai; he mea nei ēnā kua ākiri­tia atu e ētahi, ka meinga tō rātou whaka­pono he kai­puke pakaru;

²⁰ nō rātou a Himeniu rāua ko Arēhanera, kua tukua nei e ahau ki a Hātana, kia whaka­akona ai kia kaua e kohu­kohu.