1 Teharonika 2 - Te Kawenata Hou

Te Mahi a Paora i Teharonika

¹ E mātau ana hoki koutou, e ōku tēina, ki tō mātou haere­nga atu ki a koutou, ehara i te mea i kore tikanga;

² heoi mate ana mātou i mua rā, tūkino­tia ana i Piripai, e mātau nā koutou, otirā, māia tonu mātou i roto i tō tātou Atua ki te kōrero i te rongo­pai o te Atua ki a koutou i roto i te uaua nui.

³ Ko tā mātou whaka­hau­hau nā hoki, ehara i te mea nā te tini­hanga, nā te poke rānei, ehara anō hoki i te mea hanga­reka.

⁴ Engari, ka pai nei te Atua kia tukua ki a mātou te rongo­pai, ka pērā tā mātou kōrero; ehara i te mea kia whaka­mānawa­reka­tia te tāngata, engari te Atua, e whaka­mā­tau­tau nei i ō tātou ngākau.

⁵ Kāhore hoki mātou i kitea e kōrero ana i te kupu whaka­pati, e mātau nā anō hoki koutou, e huna ana rānei i te ngākau apo; ko te Atua te kai­titiro mai.

⁶ Kīhai anō mātou i rapu korōria i te tangata, i a koutou rānei, i ērā atu rānei, ahakoa i tika mātou, he āpō­toro nei nā te Karaiti, kia mea he tangata whai tikanga mātou.

⁷ Engari i ngā­wari mātou i waenga­nui i a koutou, i rite ki te kai­atawhai e whaka­ahuru ana i āna tama­riki ake.

⁸ Pērā tonu tō mātou mate­nui ki a koutou, ehara i te mea ko te rongo­pai anake o te Atua tā mātou i pai ai kia hoatu ki a koutou, engari ko ō mātou ake wairua, i te mea kua aroha nui mātou ki a koutou.

⁹ E mahara ana hoki koutou, e ōku tēina, ki tā mātou mahi, ki tō mātou māuiui; mahi ana mātou i te pō, i te ao, kei tai­maha ki tētahi o koutou, kauwhau­tia ana hoki e mātou te rongo­pai o te Atua ki a koutou.

¹⁰ Ko koutou ngā kai­titiro, ko te Atua hoki, ki te tapu, ki te tika, ki te kore hē o tā mātou whaka­haere ki a koutou e whaka­pono nā.

¹¹ Ā, e mātau ana anō koutou ki tā mātou mahi ki tētahi, ki tētahi o koutou, pērā i tā te matua ki āna tama­riki ake, te whaka­hau­hau, te whaka­hihiri i a koutou, te tohu­tohu,

¹² mō tā koutou haere kia rite ki tā te Atua, nāna nei koutou i karanga ki tōna ranga­tira­tanga, ki tōna korōria.

¹³ Mō konei mātou ka whaka­whetai tonu nei ki te Atua, nō te mea i tō koutou tahuri­tanga ki te kupu a te Atua i rongo rā koutou ki a mātou, ehara i te mea he tahuri nō koutou ki te kupu tangata, engari ki te kupu a te Atua, ko ia pū nā hoki ia e mahi nā i roto i a koutou, i te hunga e whaka­pono nā.

¹⁴ Kua whai nā hoki koutou, e ōku tēina, i te tauira a ngā hāhi a te Atua i Hūria i roto i a Karaiti Īhu. Ko ō koutou mate­nga hoki i ngā tāngata o tō koutou ake iwi kua rite ki o ērā mate­nga i ngā Hūrai.

¹⁵ Nā rātou hoki i whaka­mate te Ariki, a Īhu, me ngā poro­piti, ā, i panā mātou ki waho; kāhore ā rātou whaka­mānawa­reka ki te Atua, ā, he hoa­riri rātou nō ngā tāngata katoa.

¹⁶ E ārai mai ana i a mātou kei kōrero ki ngā tauiwi kia ora ai, he mea tēnei e tutuki ai ō rātou hara i ngā wā katoa; otirā, ka whaka­paua rawa­tia te riri ki a rātou.

Te Hiahia o Paora ki te Toro anō ki a Rātou

¹⁷ Ko mātou ia, e ōku tēina, he iti nei te wāhi kua wehea mai nei mātou i a koutou, ko ngā tinana, kāhore te ngākau, hira rawa tō mātou tākare kia kite i tō koutou kanohi, nui atu te hia­hia.

¹⁸ Nō reira, i te whai kia tae atu ki a koutou, ko ahau, ko Paora, i tua­tahi, ā, i tuarua; heoi, nā Hātana mātou i whaka­ware.

¹⁹ He aha hoki tā mātou e tū­mana­ko atu ai, e hari ai, he aha oti te karauna e whaka­mana­mana ai mātou? He teka ianei ko koutou i te aro­aro o tō tātou Ariki, o Īhu Karaiti, ā tōna taenga mai?

²⁰ Ko koutou hoki tō mātou korōria, tō mātou hari.