1 Koriniti 13 - Te Kawenata Hou

Aroha

¹ Ahakoa kōrero noa ahau i ngā reo o ngā tāngata, o ngā ana­hera, ki te kāhore ōku aroha, ka rite ahau ki te parāhi tangi, ki te himi­pora ta­tangi.

² Ahakoa kei ahau te mahi poro­piti, ā, kitea ana e ahau ngā mea ngaro katoa, me te mātau­ranga katoa; ahakoa kei ahau katoa te whaka­pono, e taea ai te whaka­neke i ngā maunga, ki te kāhore ōku aroha, ehara rawa ahau.

³ Ahakoa ka hoatu e ahau āku taonga katoa hei whāngai i te hunga rawa­kore, ahakoa ka tukua e ahau tōku tinana kia tahuna, ki te kāhore ōku aroha, kāhore rawa he pai ki ahau.

⁴ He manawa­nui te aroha, ā, he ata­whai; e kore te aroha e hae; e kore te aroha e whakaī, e kore e whaka­peha­peha,

⁵ kāhore ōna tikanga whanokē, e kore e whai ki āna ake, e kore e riri wawe, e kore e whaka­iri kino;

⁶ e kore e hari ki te hē, engari ka hari tahi me te pono;

⁷ e whaka­manawa­nui ana ki ngā mea katoa, e whaka­pono ana ki ngā mea katoa, e tū­mana­ko ana ki ngā mea katoa, e whaka­ririka kau ana ki ngā mea katoa.

⁸ E kore rawa te aroha e taka. Nā, ahakoa mahi poro­piti, e memeha; ahakoa reo kē, e mutu; ahakoa mātau­ranga, e memeha.

⁹ E mātau ana hoki tātou ko tētahi wāhi anake, e poro­piti ana tātou ko tētahi wāhi anake.

¹⁰ Otirā, ka tae mai te tino mea, ko reira memeha ai taua wāhi.

¹¹ I tōku tama­riki­tanga i rite āku kōrero ki ā te tama­riki, i rite tōku ngākau ki tō te tama­riki, i rite ōku whaka­aro ki ō te tama­riki; nō tōku kaumātua­tanga nei, whaka­rērea ake e ahau ngā mea tama­riki.

¹² Ināia­nei hoki he ti­tiro pōuri­uri tā tātou i roto i te whaka­ata, ko reira ia he kanohi, he kanohi. Ināia­nei e mātau ana ahau ko tētahi wāhi anake; ko reira ia ahau e mōhio ai me ahau i mōhio­tia rā.

¹³ Nā tēnei te mau nei te whaka­pono, te tū­mana­ko, te aroha, ēnei e toru; ko te mea nui rawa ia o ēnei ko te aroha.