Ululahu Kronikols 7 - Buka Blahi Ka Cheke Holo

Vikegna Isaka

¹ Mae Isaka au fati thugna nalhaꞌu nanghadire: mae Tola, mae Pua, mae Jasub, nei mae Simron.

² Mae Tola au namno thugna nalhaꞌu. Nanghadire mae Usi, mae Refaea, mae Jeriel, mae Jamae, mae Ibsam, nei mae Semuel. Mae igre mae mala baubatu ka vike igne, eghuteuna mare thofno mae soldia keli fara. Ka narane te king mae Devet igre, mae igre neke kaha varadaki phei thogha namno gobi soldia ka vikegna mae Tola.

³ Mae Usi au kaisei thugna nalhaꞌu, nanghagna na mae Israhaea. Mae Israhaea au fati thugna nalhaꞌu nanghadire: mae Maekol, mae Obadaea, mae Joel nei mae Isia. Mae Israhaea baludi fati mae igre mare mae mala baubatu ka vikedi na.

⁴ Mare au kmana khetodi nei kmana thudi, eghume mare ka vike igne thono kmana fara. Mare kaha tolufulu namno thogha soldia ka vikedi thedi na tarabana mala magra.

⁵ Khaputudi mae soldia te mala magra ka vike te gnafa ka vikegna mae Isaka na, thokeni nhanasalei fitu thogha soldia.

Keha vikegna mae Benjamin

⁶ Mae Benjamin au thilo thugna nalhaꞌu: mae Bela, mae Bekea nei mae Jediael.

⁷ Mae Bela au glima thugna nalhaꞌu nanghadire: mae Esbon, mae Usi, mae Usiel, mae Jerimot nei mae Iri. Mae igre mala baubatu ka tharakna igne. Mare kaha ne thokeni varadaki phei thogha tolufulu fati soldia.

⁸ Mae Bekea au nheva thugna nalhaꞌu. Nanghadire, mae Semira, mae Joas, mae Eliesa, mae Elioenae, mae Omri, mae Jeremot, mae Abaeja, mae Anatot nei mae Alemet.

⁹ Ka susurei na, mare rioriso nanghadi hatimare mae mala baubatu re, eghuteuna mare kaha ne thokeni varadaki thogha phei gobi soldia.

¹⁰ Mae Jediel ne au kaisei thugna nalhaꞌu, mae Bilhan. Mae Bilhan ne au fitu thugna nalhaꞌu: mae Jeus, mae Benjamin, mae Ehud, mae Kenana, mae Setan, mae Tasis nei mae Ahisaha.

¹¹ Mae igre te baubatu ka vike mare na. Eghuteuna mare kaha ne thokeni nabotho fitu thogha phei gobi soldia ka vike igne.

¹² Mae Iri te kuꞌedi phei vike igre, nanghadi phei mae igre, mae Supim ghe mae Hupim. Mae Ahea gne kuꞌedi vikegna mae Husim.

Thugna mae Naftali

¹³ Mae Naftali ne au fati thugna nalhaꞌu. Nanghadire, mae Jasiel, mae Guni, mae Jesa nei mae Salum. Mae igre karha mei ka vikegna mae Bilha.

Thugna mae Manase

^14-15 Igne susurei vikegna mae Manase na. Mae Manase gne neke tolaghi ka gaꞌasegna Aram, aonu repa ne au phei thudi nalhaꞌu: Mae Asriel ghe mae Makia. Mae Makia gne kmagna mae Gilead. Eghuteuna greghagna mae Makia na Maka. Aonu mae Makia ne tolaghi ka gaꞌase vikedi mae Hupim ghe mae Supim. Mae Selofehad gne kaisei mae ka vikegna mae Manase, nu mana karha thugna gaꞌase kolho.

¹⁶ Mae Makia ghe Maka ne karha phei thudi nalhaꞌu: Mae Peres ghe mae Seres. Mae Peres ne au phei thugna nalhaꞌu: Mae Ulam ghe mae Rakem.

¹⁷ Mae Ulam gne neke au kaisei thugna nalhaꞌu, mae Bedan. Mare neke vikegna mae Gilead, ka vikegna mae Makia nei ka vikegna mae Manase.

¹⁸ Hamoleket gne greghagna mae Gilead, eghuteuna naꞌa neke au thilo thugna nalhaꞌu: mae Isod, mae Abiesa nei mae Mala.

¹⁹ Mae Semida gne vikegna mae Manase, eghuteuna mana au fati thugna nalhaꞌu: mae Ahian, mae Sekem, mae Liki nei mae Aniam.

Thugna mae Efrem

²⁰ Igre nanghadi vikegna mae Efrem. Thugna mae Efrem na mae Sutela. Thugna mae Sutela na mae Bered. Thugna mae Bered na mae Tahat. Thugna mae Tahat na mae Eleada. Thugna mae Eleada na mae Tahat.

²¹ Thugna mae Tahat na mae Sabad. Thugna mae Sabad na mae Sutela. Eghuteuna mae Efrem neke au phei thugna nalhaꞌu, mae Esa ghe mae Elead. Phei mae igre neke fariuriu blau nodi buluka naiknodi Gat. Aonu mare ne aknu falehedi phiamare.

²² Ka narane igre mae Ifreim ne diꞌanagnafa gna fara kmana narane. Eghuteuna kheragna mana re jaola ne mei ne diꞌanagnafa balugna mana balu fameomegoni mana.

²³ Aonu mana ne thuru balugna khetogna na, naꞌa bukla ne karha kaisei thugna nalhaꞌu. Eghuteuna, naugna puhi biꞌo te thoke mei ka tharaknagna mana igne, mana ne kiloni mae thugna na mae Beria.

²⁴ Mae Efrem ne au kaisei thugna gaꞌase, nanghagna na, Shira. Gaꞌase igne ne edi thilo namono, kaisei na Bet-Horon ke holo, eghuteuna kaisei na Bet-Horon ke paka, eghuteuna kaisei na Usen-Shira.

²⁵ Mae Efrem jaola neke au kaisei thugna nalhaꞌu, nanghagna na Refa. Resef ne karha ka mae Refa. Mae Tela ne karha ka mae Resef. Tahan ne karha ka mae Tela.

²⁶ Mae Ladan ne karha ka mae Tahan. Mae Amihud ne karha ka mae Ladan. Mae Elisama ne karha ka mae Amihud.

²⁷ Mae Nun ne karha ka mae Elisama. Eghuteuna mae Josua neke karha ka mae Nun.

²⁸ Vikegna mae Efrem igre, mare au ka namono Betel ka nodi vido glose thedi na. Nodi vido glose mare igne funu ka namono biꞌo Naran ke maghati na baludi namono te au faligohoni namono igne, tei posa ka namono biꞌo Sekem ke raru na, baludi namono te au faligohoni namono igne, tei posa ka namono biꞌo Gasa ke mosu na, baludi namono te au faligohoni namono igne. Eghuteuna tei posa ka namono biꞌo Aea ke mata na, baludi namono te au faligohoni namono igne.

²⁹ Aonu vikegna mae Manase gne hata vido glose ke rarudi namono biꞌo Bet-San, Tanak, Megido nei Doa, baludi namono te au faligohoni namono igne. Vido glose te au vike igne, nodi vido glose vikegna mae Josep thugna mae Israel.

Thugna mae Asa

³⁰ Mae Asa au fati thugna nalhaꞌu: Mae Imna, mae Isva, mae Isvi nei mae Beria. Eghuteuna mae Asa au kaisei thugna gaꞌase, nanghagna na Sera.

³¹ Mae Beria au phei thugna nalhaꞌu, mae Heba ghe mae Malkiel. Mae Malkiel gne teke fufunu gna namono biꞌo Birsaet.

³² Mae Heba au thilo thugna nalhaꞌu, mae Jaflet, mae Soma nei mae Hotam. Eghuteuna mana au kaisei thugna gaꞌase, nanghagna na, Sua.

³³ Mae Jaflet au thilo thugna nalhaꞌu, mae Pasak, mae Bimahal nei mae Asvat.

³⁴ Mae Soma thabusigna mae Jaflet igne, mana au thilo thugna nalhaꞌu, mae Roga, mae Huba nei mae Aram.

³⁵ Mae Hotam thabusigna mae Jaflet igne, mana au fati thugna nalhaꞌu, mae Sofa, mae Imna, mae Seles nei mae Amal.

³⁶ Mae Sofa au nabotho kaisei thugna nalhaꞌu: Mae Sua, mae Hanefa, mae Sual, mae Beri, mae Imra,

³⁷ mae Besea, mae Hod, mae Sama, mae Silsa, mae Itran nei mae Bera.

³⁸ Mae Jeta au thilo thugna nalhaꞌu, mae Jefune, mae Pispa nei mae Ara.

³⁹ Mae Ula au thilo thugna nalhaꞌu, mae Araha, mae Haniel nei mae Risia.

⁴⁰ Mae igre vikegna mae Asa nei mae mala baubatu ka vike igre. Mae soldia igre thofno mae keli fara, nei frane fara ka magra na. Ka nodi susurei na, mae igre ne kaha ne thokeni varadaki namno thogha soldia ka vike mare na.