Ululahu Kronikols 27 - Buka Blahi Ka Cheke Holo

Tothoghei armigna Israel

¹ King Devet ne fofota nogna armi na ka nabotho phei tothoghei, eghuteuna varadaki fati thogha soldia te au ke lamnagna kaisei tothoghei na. Tothoghei igre au nodi komanda, mae biꞌo nei lida mala loku ranghini king. Leuleghu nhigra na kaisei tothoghei armi kolho te loku na.

² Ka nhigra ulu lahu na, mae Jasobeam thugna Sabdiel te batuni tothoghei ulu lahu na.

³ Eghuteuna mae Sabdiel kaisei mae ka vikegna mae Peres, mana te phaꞌu maedi hatimare mae komanda fateote'o. Mana te loku ka nhigra ulu lahu na.

⁴ Mae Dodo ka vikegna mae Ahohi te batudi varadaki fati thogha mae ka fapea nhigra na. Eghuteuna mae Miklot te mei fapea ka mana na.

⁵ Fatilo komanda na mae Benaea, thugna Pris Jehoeada. Mana te batudi varadaki fati thogha soldia ka fatilo nhigra na.

⁶ Eghuteuna mae Benaea kaisei mae ka tolufulu soldia nogna King Devet te thono nheta igre, mana te batuni fatilo tothoghei soldia na. Eghuteuna mae Amisabad mae thugna na te mei fapea ka mana na.

⁷ Ka fafati nhigra na, mae Asahel thabusigna mae Joab, mana ne batuni fafati tothoghei na. Eghuteuna ke leghu na, thugna mana mae Sebadaea mana neke tughuni mae kmagna na neke batudi varadaki fati soldia te au ka tothoghei igne.

⁸ Ka falima nhigra na, mae Samut ka vikegna mae Isaha, mana ne batuni falima tothoghei na. Mare varadaki fati thogha soldia ka tothoghei igne.

⁹ Ka fafamno nhigra na, mae Ira thugna mae Ikes maegna ka namono Tekoa, mana te batuni fafamno tothoghei na. Mare varadaki fati thogha soldia ka tothoghei igne.

¹⁰ Ka fafitu nhigra na, mae Heles maegna ka namono Pelon, ka vikegna mae Efrem, mana te batuni fafitu tothoghei na. Mare varadaki fati thogha soldia ka tothoghei igne.

¹¹ Ka fahana nhigra na, mae Sibekae maegna ka namono Husa ka vikegna mae Sera, mana te batuni fahana tothoghei na. Mare varadaki fati thogha soldia ka tothoghei igne.

¹² Ka faheva nhigra na, mae Abiesa maegna ka namono Anatot, ka vikegna mae Benjamin, mana te batuni faheva tothoghei na. Mare varadaki fati thogha soldia ka tothoghei igne.

¹³ Ka fabotho nhigra na, mae Maharae maegna ka namono Netofa, ka vikegna mae Sera, mana te batuni fabotho tothoghei na. Mare varadaki fati thogha soldia ka tothoghei igne.

¹⁴ Ka fabotho kaisei nhigra na, mae Benaea maegna ka namono Piraton ka vikegna mae Efrem, mana te batuni fabotho kaisei tothoghei na. Mare varadaki fati thogha soldia ka tothoghei igne.

¹⁵ Ka fabotho phei nhigra na, mae Heldae maegna ka namono Netofa ka vikegna mae Otniel, mana te batuni fabotho phei tothoghei na. Mare varadaki fati thogha soldia ka tothoghei igne.

Mae funei ka vikegna Israel

¹⁶ Nanghadi mae funei ka vikegna Israel: Mae Eliesa thugna mae Sikri, mana funei ka vikegna mae Ruben. Mae Sefataea thugna mae Maka, mana funei ka vikegna mae Simion.

¹⁷ Mae Hasabaea thugna mae Kemuel, mana funei ka vikegna mae Livae. Mae Sadok funei ka vikegna mae Eron ka hatimare mae pris.

¹⁸ Mae Elihu thabusigna King Devet, mana funei ka vikegna mae Juda. Mae Omri thugna Maekol, mana funei ka vikegna mae Isaka.

¹⁹ Mae Ismaea thugna mae Obadaea, mana funei ka vikegna mae Sebulun. Mae Jeremot thugna mae Asriel, mana funei ka vikegna mae Naftali.

²⁰ Mae Hosea thugna mae Asasaea, mana funei ka vikegna mae Efrem. Mae Joel thugna mae Pedaea, mana funei ka gaga vikegna mae Manase te au ke mosu Khoꞌu biꞌo Jordan.

²¹ Mae Ido thugna mae Sekaraea, mana funei ka gaga vikegna mae Manase te au Gilead. Mae Jasiel thugna mae Abna, mana te funei ka vikegna mae Benjamin.

²² Eghuteuna mae Asariel thugna mae Jeroham, mana te funei ka vikegna mae Dan. Igre mae funei te funei frunidi vike te gnafa Israel.

²³ King Devet neke theome kahadi mae majaghani te theome thokeni teu varadaki finogha na, naugna Lord neke nhaꞌa cheke ka naiknodi Israel te mala kmana fara jateula nathunu ka maloa na are teuna.

²⁴ Mae Joab thugna Seruia, mana ne funu kahadi mae nalhaꞌu re, nu mana neke theome fagnafani u gloku igne, naugna Lord neke paradi mare eigna te kaha igne. Eghume mare neke theome rioriso fakhaputu di mare ka nogna buka King Devet igne.

Hatimare nogna mae biꞌo King Devet

²⁵ Mae Asmavet thugna mae Asiel, mae igne te fiofilodi chogho te audi gobigna lepo ka sugagna king. Mae Jonatan thugna mae Usi, mae igne te fiofilodi keha chogho mala nanhaꞌa nogna glepo king ka namono biꞌo nei ka namono ikodi, ba ka vido mala au mae iheire te mala reireghi namono biꞌo.

²⁶ Mae Esri thugna mae Kelub, mana te phaꞌu maedi mae gloku te loku ka nagare.

²⁷ Mae Simei maegna ka namono Rama, mana mae mala fiofilo nagare grep. Eghuteuna mae Sabdi maegna ka namono Sefam igne, mana mae mala fiofilo grep mala poji waen.

²⁸ Mae Baal-Hanan maegna ka namono Geda, mana mae mala fiofilo nagare oliv nei nagare gaju sikamo te au ka thogele ke mosu. Eghuteuna mae Joas mae mala fiofilodi chogho te lilisei oliv oel.

²⁹ Eghuteuna mae Sitrae maegna ka namono Saron, mana mae mala fiofilo buluka ka nohi Saron. Eghuteuna mae Safat thugna mae Adlae, mana mae mala fiofilo buluka te au ka sare glogu nohi Saron.

³⁰ Mae Obil ka vikegna mae Ismael, mana mae mala fiofilo kamel. Eghuteuna mae Jedadaea maegna ka namono Meronot, mana mae mala fiofilo dongki.

³¹ Mae Jasis ka vikegna mae Hagri, mana mae mala fiofilo sipu nei nanigot. Uve, mae te gnafa igre mae mala fiofilodi nogna gobigna lepo King Devet.

Mae igre mae mala tusu lao gaoghatho te keli ka King Devet

³² Mae Jonatan nebugna King Devet, mana mae mala tusu lao gaoghatho te keli ka king, naugna mana kaisei mae glalase, nei mae mala rioriso. Mae Jonatan ghe mae Jehiel, thugna mae Hakmoni, te mala fasikoludi thugna king.

³³ Mae Ahitofel mae mala tusu lao gaoghatho te keli ka king. Eghuteuna mae Husae vikegna mae Aki, mana kheragna keli king.

³⁴ Ke leghugna te lehe mae Ahitofel na, mae Abiata ghe mae Jehoeada thugna mae Benaea, phiamare neke tughuni mae Ahitofel mala tusu ranghini king gaoghatho te keli. Mae Joab teke komanda ka nogna armi king na.