Ululahu Kronikols 2 - Buka Blahi Ka Cheke Holo

¹ Igre nabotho phei thugna mae Israel: Mae Ruben, mae Simion, mae Livae, mae Juda, mae Isaka, mae Sebulun,

² mae Dan, mae Josep, mae Benjamin, mae Naftali, mae Gad nei mae Asa.

Tharakna gna mae Juda

³ Mae Juda neke au glima thugna nalhaꞌu. Mana neke tolaghi ka Batsua gaꞌase gna Kenan ne au thilo thugna nalhaꞌu igre: mae Era, mae Onan, nei mae Sela. Mae Era thugna ululahu mae Juda igne ne edi kmana glepo te thono diꞌa fara ka tathagna Lord na, aonu Lord diꞌatagna ne faleheni mana.

⁴ Ke leghugna igne, mae Juda ne thuru balugna Tama, thugna ivagna thegna teke lehehi khetogna na. Aonu Tama ne karha phei thugna nalhaꞌu, mae Peres ghe mae Sera.

Thugna mae Juda

⁵ Mae Peres gne ne au phei thugna nalhaꞌu: Mae Hesron ghe mae Hamul.

⁶ Aonu mae Sera ne au glima thugna nalhaꞌu: Mae Simri, mae Etan, mae Heman, mae Kalkol nei mae Dada.

⁷ Akan thugna mae Kami, vikegna mae Sera igne ne edi keha puhi te diꞌa ka naiknodi Israel, naugna mana ne hata glepo mala gnubra fahui teku Lord re.

⁸ Mae Etan ne au kaisei thugna nalhaꞌu kolho: Nanghagna na, mae Asaraea.

⁹ Mae Hesron ne au thilo thugna nalhaꞌu: Mae Jeramel, mae Ram nei mae Kaleb.

Vike teke karha mei mae Devet tagna

¹⁰ Mae igre teke karha mei ka vikegna mae Ram: Mae Ram gne kmagna mae Abinadab, eghuteuna mae Abinadab gne kmagna mae Nason, kaisei mae biꞌo ka vikegna mae Juda.

¹¹ Mae Nason gne kmagna mae Salmon, eghuteuna mae Salmon gne kmagna mae Boas.

¹² Mae Boas gne kmagna mae Obed, eghuteuna mae Obed gne kmagna mae Jesi.

¹³ Mae Jesi neke au fitu thugna nalhaꞌu. Mae Eliab, mae Abinadab, mae Simea, keha nanghagna na, Sama.

¹⁴ Mae Netanel, mae Radai.

¹⁵ Mae Osem, nei mae Devet.

¹⁶ Mae Jesi jaola neke au phei thugna gaꞌase, Seruia ghe Abigel. Seruia gne neke au thilo thugna nalhaꞌu, mae Abisai, mae Joab nei mae Asahel.

¹⁷ Eghuteuna Abigel gne neke tolaghi ka mae Jeta, kaisei mae ka vikegna mae Ismael, eghuteuna repa neke au kaisei thudi nalhaꞌu, nanghagna na mae Amasa.

Vikegna mae Hesron

¹⁸ Mae Kaleb gne neke thugna nalhaꞌu mae Hesron, mana ne tolaghi ka Asuba. Aonu repa ne au kaisei thudi gaꞌase, nanghagna na Jeriot. Eghuteuna Jeriot ne au thilo thugna nalhaꞌu, mae Jesa, mae Sobab nei mae Adon.

¹⁹ Kate lehe Asuba na, mae Kaleb neke tolaghi ka Efrat, eghuteuna repa ne au kaisei thudi nalhaꞌu, nanghagna na mae Hua.

²⁰ Eghuteuna mae Hua gne kmagna mae Huri, eghuteuna mae Huri gne kmagna mae Besalel.

²¹ Kate thokeni namno salei finoghagnahi na, mae Hesron neke tolaghi ka thugna gaꞌase mae Makia, kaisei mae biꞌo ka vikegna mae Gilead. Repa ne au kaisei thudi nalhaꞌu, nanghagna na, mae Segub.

²² Mae Segub ne au kaisei thugna nalhaꞌu, nanghagna na, mae Jaea. Mae Jaea ne funei frunidi varadaki thilo namono biꞌo ka nohi Gilead.

²³ Nu naiknodi phei namono biꞌo Gesua ghe Aram igre mei ne magra ne hata namno salei namono biꞌo igre. Naikno te au ka vido igre, vikegna mae Makia kmagna mae Gilead.

²⁴ Kate lehe mae Hesron na, mae Kaleb neke tolaghi ka Efrat, glehe kokoi mae Hesron. Repa ne au kaisei thudi nalhaꞌu, nanghagna na, mae Asua. Mae Asua ne eꞌei namono biꞌo Tekoa.

Vikegna mae Jeramel

²⁵ Mae Jeramel teke kulu karha ka mae Hesron igne, mana au glima thugna nalhaꞌu. Nanghadire, mae Ram, mae Buna, mae Oren, mae Osem nei mae Ahaeja.

^26-27 Mae Ram gne neke au thilo thugna nalhaꞌu, mae Mas, mae Jamin, nei mae Eka. Eghuteuna mae Jeramel neke hata fapea gaꞌase na ne tolaghi ka naꞌa. Gaꞌase igne nanghagna na, Atara, eghuteuna repa ne au kaisei thudi nalhaꞌu, nanghagna na Onam.

²⁸ Eghuteuna mae Onam ne au phei thugna nalhaꞌu, nanghadire, mae Samae ghe mae Jada. Eghuteuna mae Samae ne au phei thugna, nanghadire mae Nadab ghe mae Abisua.

²⁹ Mae Abisua ne tolaghi ka Abihael, eghuteuna repa ne au phei thudi nalhaꞌu, nanghadire mae Ahaban ghe mae Molid.

³⁰ Mae Nadab gne neke au phei thugna nalhaꞌu, nanghadire mae Seled ghe mae Apaem. Mae Seled lehe ne theo thugna.

³¹ Nu mae Apaem ne au kaisei thugna nalhaꞌu, nanghagna na mae Isi. Eghuteuna mae Isi au kaisei thugna nalhaꞌu, nanghagna na mae Sesan. Eghuteuna mae Sesan ne au kaisei thugna nalhaꞌu nanghagna na mae Alai.

³² Mae Jada thabusigna mae Samae igne ne au phei thugna nalhaꞌu, nanghadire mae Jeta ghe mae Jonatan. Mae Jeta jaola ne lehe ne theo thugna.

³³ Mae Jonatan ne au phei thugna nalhaꞌu, nanghadire mae Pelet ghe mae Sasa. Igre neke vikegna mae Jeremael.

³⁴ Mae Sesan ne theo thugna nalhaꞌu, nu goro gaꞌase kolho. Mae Sesan ne hata kaisei maegna Ijep mala nogna mae gloku. Nanghagna mae gloku igne, mae Jara.

³⁵ Mae Sesan ne tufa kaisei thugna gaꞌase ka mae gloku igne. Repa ne au kaisei thudi nalhaꞌu, nanghagna na mae Atae.

³⁶ Mae Atae ne au kaisei thugna nalhaꞌu, nanghagna na mae Natan. Eghuteuna mae Natan ne jaola ne au kaisei thugna nalhaꞌu, nanghagna na mae Sabad.

³⁷ Eghuteuna mae Sabad ne au kaisei thugna nalhaꞌu, nanghagna na mae Eflal. Eghuteuna mae Eflal ne au kaisei thugna nalhaꞌu, nanghagna na mae Obed.

³⁸ Eghuteuna mae Obed ne au kaisei thugna nalhaꞌu, nanghagna na mae Jehu. Eghuteuna mae Jehu ne au kaisei thugna nalhaꞌu, nanghagna na mae Asaraea.

³⁹ Eghuteuna mae Asaraea ne au kaisei thugna nalhaꞌu, nanghagna na mae Heles. Eghuteuna mae Heles ne au kaisei thugna nalhaꞌu, nanghagna na mae Eleasa.

⁴⁰ Eghuteuna mae Eleasa ne au kaisei thugna nalhaꞌu, nanghagna na mae Sisimae. Eghuteuna mae Sisimae ne au kaisei thugna nalhaꞌu, nanghagna na mae Salum.

⁴¹ Eghuteuna mae Salum ne au kaisei thugna nalhaꞌu, nanghagna na mae Jekamaea. Eghuteuna mae Jekamaea ne au kaisei thugna nalhaꞌu, nanghagna na mae Elisama.

Vikegna mae Kaleb

⁴² Mae Kaleb gne thabusigna mae Jeramel, eghuteuna thugna ulu lahu mana na, mae Mesa. Eghuteuna mae Mesa gne kmagna mae Jif, eghuteuna mae Jif gne kmagna mae Maresa. Eghuteuna mae Maresa gne kmagna mae Hebron.

⁴³ Igre nanghadi thugna mae Hebron re: Mae Kora, mae Tapua, mae Rekem nei mae Sema.

⁴⁴ Mae Sema gne kmagna mae Raham, eghuteuna mae Raham gne kmagna mae Jokeam. Mae Rekem gne neke kmagna mae Samae,

⁴⁵ eghuteuna mae Samae gne kmagna mae Maon, eghuteuna mae Maon gne kmagna mae Bet-Sua.

⁴⁶ Mae Kaleb neke tolaghi ka Efa, fapea khetogna mana na. Eghuteuna repa ne au thilo thudi nalhaꞌu, nanghadi thilo mae igre, mae Haran, mae Mosa nei mae Gases. Eghuteuna mae Haran jaola ne au kaisei thugna nalhaꞌu, nanghagna na mae Gases.

⁴⁷ Mae Jadae ne au namno thugna nalhaꞌu, nanghadire mae Regem, mae Jotam, mae Gesan, mae Pelet, mae Efa nei mae Saf.

⁴⁸ Eghuteuna mae Kaleb hata fapea khetogna na, nanghagna Maka, ne tolaghi ka naꞌa. Naꞌa ne au phei thugna nalhaꞌu, nanghadire mae Seba ghe mae Tiahana.

⁴⁹ Eghuteuna ke leghugna igne Maka neke karha phei thugna nalhaꞌu, nanghadi phei mae igre, mae Saf ghe mae Seva. Mae Saf ne eꞌei namono biꞌo Madmana. Eghuteuna mae Seva ne eꞌei phei namono biꞌo Makbena ghe Gibea. Eghuteuna mae Kaleb au kaisei thugna gaꞌase, nanghagna na Aksa.

^50-51 Igre thugna mae Kaleb: Mae Hua gne thugna ululahu mae Kaleb neke karha ka Efrat ka fapea khetogna na. Mae Hua gne kmadi mae Sobal ghe mae Salma. Mae Sobal gne mae ihei teke eꞌei gna namono biꞌo Kiriat-Jaerim. Eghuteuna mae Salma gne mae ihei teke fufunu gna namono Betlehem. Eghuteuna mae Haref fatilo thugna mae Hua igne, mana teke fufunu gna namono Bet-Gadea.

⁵² Mae Sobal, mana teke fufunu gna namono Kiriat-Jaerim, mae kuꞌedi vikedi mae Haroe, nei ka kaisei vido ka vikedi mae Menuhot.

⁵³ Eghuteuna mana jaola kuꞌedi vike te au ka namono Kiriat-Jaerim, vikedi mae Jeta, vikedi mae Puti, vikedi mae Sumat, nei vikedi mae Misra. Eghuteuna naikno ka phei namono Sora ghe Estaol igre neke karha mei ka vike igre.

⁵⁴ Mae Salma igne neke kuꞌedi naikno te au ka namono Betlehem, naikno te au Netofat, naikno te au Atro-Betjoab, vike te au Sora nei vido vike te au Manahat.

⁵⁵ Eghuteuna keha vike te au ka namono Jabes igre, mae glalase te mala rioriso glepo te ulu ka buka. Naikno igre vikedi Tirat, vikedi Simeat, nei vikedi Sukat. Thilo vike igre neke jifla mei ka vikegna mae Kein, mae ihei teke vikegna mae Hamat. Eghuteuna mae Hamat gne kuꞌedi vikegna mae Rekab.