Nodi Khoje Hatimare Mae Jiu 150 - Buka Blahi Ka Cheke Holo

Sam 150 Naiknore mala kilo fnaknoni God!

¹ Tahati kilo fnaknoni Lord! Tahati kilo fnaknoni God ka nogna Sugablahi na. Uve, tahati kilo fnaknoni mana eigna nogna nolaghi te au kligna.

² Tahati kilo fnaknoni mana eidi glepo te biꞌo teke edi mana ra. Uve, tahati kilo fnaknoni mana eigna nogna nafnakno biꞌo mana na.

³ Tahati kilo fnaknoni mana ka nifu. Uve, tahati kilo fnaknoni mana ka soasopai nafnata gita.

⁴ Tahati ragi nei kilo fnaknoni eghu mana kau belo. Uve, tahati kilo fnaknoni mana ka khodili nei ka nifu.

⁵ Tahati kilo fnaknoni mana ka sesele te taitanhi fabiꞌo fara.

⁶ Ghotilo gobigna lepo te karha, kilo fnaknoni Lord. Uve, tahati kilo fnaknoni Lord!