Nodi Khoje Hatimare Mae Jiu 136 - Buka Blahi Ka Cheke Holo

Sam 136 Koje kilo fnaknoniLord

¹ Tahati cheke fakelini Lord God naugna puhigna Lord God na thofno keli fara. Mana ne namha ghita tahati tifa tifa.

^2-3 Lord God na mae biꞌo fara salaꞌudi god te gnafa, nei mae funei te gnafa teu ka nauthoglu igne. Mana ne namha ghita tahati tifa tifa.

⁴ Lord ngala teke edi kofubobhoi te biꞌo te jaglodi fara tahati gre. Mana ne namha ghita tahati tifa tifa.

⁵ Mana neke vuavuhani maloa gne ka nogna glalase thegna. Mana ne namha ghita tahati tifa tifa.

⁶ Mana neke vuavuhadi moumolu te gnafa gre neke thakle haghe ke kligna nhorora. Mana ne namha ghita tahati tifa tifa.

⁷ Mana jaola neke vuavuhadi naprai ghe glaba gre mala phae ke klignada tahati. Mana ne namha ghita tahati tifa tifa.

⁸ Aonu, mana neke vuavuhani naprai gne mala funei frunini narane na. Mana ne namha ghita tahati tifa tifa.

⁹ Eghuteuna mana neke vuavuhadi glaba nei nathunu teu igre mala funei frunini bongiro. Mana ne namha ghita tahati tifa tifa.

¹⁰ Mana neke falelehedi goro sua nalhaꞌu teke kulu karha ka naiknodi Ijep. Mana ne namha ghita tahati tifa tifa.

¹¹ Mana neke hata naiknodi Israel neke jifla Ijep. Mana ne namha ghita tahati tifa tifa.

¹² Mana hata fajifladi ka nogna nolaghi te biꞌo fara. Mana ne namha ghita tahati tifa tifa.

¹³ Mana neke fofota Nhorora Ukru na ka phei vido. Mana ne namha ghita tahati tifa tifa.

¹⁴ Kate fnota teu khoꞌu na, mana hata naiknodi Israel neke kasa farihotei. Mana ne namha ghita tahati tifa tifa.

¹⁵ Nu kate ke pulo meigna khoꞌu teke fofota mana na mae king gna Ijep na ne knoho ne lehe baludi nogna soldiare. Mana ne namha ghita tahati tifa tifa.

¹⁶ Mana batudi neke tei nogna naiknore ke lamna namono nagou na. Mana ne namha ghita tahati tifa tifa.

¹⁷ Mana neke falehedi mae king biꞌo te thono heta fara ka magra. Mana ne namha ghita tahati tifa tifa.

¹⁸ Eghuteuna, mana neke falehedi mae king te fnakno fara nanghadire. Mana ne namha ghita tahati tifa tifa.

¹⁹ Mana neke faleheni mae Sihon, nodi king hatimare maedi Amoraet. Mana ne namha ghita tahati tifa tifa.

²⁰ Eghuteuna mana faleheni mae Og, nodi king hatimare maedi Besan. Mana ne namha ghita tahati tifa tifa.

^21-22 Eghuteuna mana neke falehedi mae king igre neke snakre lao nodi namonore ka nogna mae gloku Israel. Mana ne namha ghita tahati tifa tifa.

²³ Kate mei noda naokare te tapla soru ghita te au teu tahati pari na, mana theome ghatho iho ghita. Mana ne namha ghita tahati tifa tifa.

²⁴ Eghuteuna mana ke hata fapulo ghita ka khamedi noda naokare. Mana ne namha ghita tahati tifa tifa.

²⁵ Mana tangomana te tusu lao gano ka naiknore mala ghamu e boho. Mana ne namha ghita tahati tifa tifa.

²⁶ Tahati cheke fakelini noda God mae ihei te au teu kligna! Mana ne namha ghita tahati tifa tifa!