Nodi Khoje Hatimare Mae Jiu 129 - Buka Blahi Ka Cheke Holo

Sam 129 Tarai mala paradi God mae iheire te naoka ranghini Israel

Mare koje khoje igne kate haghe ka gaghamu bi'o Jerusalem

¹ Tore! Ghotilo mae Israel ra, toutonu mei si ghotilo! Funu ka narane teke sneka mae ku'edara ka namono Ijep te ghilei mei posa gognaro gne, naugna unha si mae naoka gre te goigoni ghita tahati gnea?

² Funu ka narane tuana te mei posa gognaro gne, hatimare mae naoka gre ngolhi ghita nei goigoni ghita eghu tahati, nu mare theome tangomana te ulu ghita tahati na eghu.

³ Mare neke puphuri ka thagruda gre ka khodo, ne ghilei huge fagleghui jateula gukhura neu fifilodire ka thagrudare.

⁴ Nu Lord mae ihei te doglo fara na, mana neke atha fadelei ghitahi ka naikno te diꞌa tuare.

⁵ God, brue fadeleidi sagho naikno te tirodini Jerusalem are mala mamaja nodi fara mare.

⁶ Lisa laodi sagho mala jateula buburu te kotu ka thina te magnahaghei kotu biꞌo nu theome raugha teu na brango me lehe teu ia eghu mare.

⁷ Nafnata buburu tuana theo kaisei naikno te rogna filo laoni nei athini teu na.

⁸ Lord, iara theome magnahagheni kaisei naikno te tei te cheke eghu ka mae naokare, “Ghehati tarai ka Lord mala fablahi ghami ghotilo. Ghehati cheke fakeli ghami ka nanghagna mana teu na.”