Nodi Khoje Hatimare Mae Jiu 128 - Buka Blahi Ka Cheke Holo

Sam 128 God ginauna tabadi iheire te leghuni mana re

Mare koje khoje igne kate haghe ka gaghamu bi'o Jerusalem

¹ Keli tadi fara iheire te ghatho tahuni Lord nei leghudi nogna chekere teuna.

² Jame te eni fabrahu iagho igne na, ginauna nou gloku iagho re na tangomana te togho nigho te mala au fakeli na.

³ Khetomu iagho na ginauna jateula gaju te ure sisi ia eghu na au kmana thugna, eghuteuna goro sua igre ginauna na jateula gaju ikodi te kotu faligohoni pesigna gaju biꞌo na ia eghu na gnokro faligohoni tevo na balumu iagho.

⁴ Na jateula tuana eghu mae ihei te ghatho tahuni Lord na.

⁵ Thofno keli fara Lord te au teu Saion na, te mala fablahi ghami ghotilo na. Uve, thofno keli fara jame te filodi ghotilo glepo te keli fara te au teu Jerusalem leuleghu rane ka nakarhamire.

⁶ Thofno keli fara jame te karha teu ghotilo te mala filodi gramire. Thofno keli fara jame tahati naiknoda Israel gre te au tada u nakarha te keli na.