Nodi Khoje Hatimare Mae Jiu 126 - Buka Blahi Ka Cheke Holo

Sam 126 Vikegna Israel na ne glealeꞌa naugna God ne fakarhidi

Mare koje khoje igne kate haghe ka gaghamu bi'o Jerusalem.

¹ Kate atha fapulo ghita Lord agne Jerusalem, tahati gaoghathoda na jateula kaisei mifi eghu kolho.

² Ka narane tuana tahati maꞌe nei koje eghu, naugna tahati neke thofno glealeꞌa fara ngala. Aonu naikno te theome laseni Lord teure ne cheke eghu, “Lord na la edi glepo te biꞌo fara igre la toghodi naiknodi Israel gre.”

³ Uve, tutuani fara, mana la edi glepo te biꞌo igre la togho ghitahi tahati. Eigna igne te gle'ani fara tahati na.

⁴ Lord God, ke fakekheli fapulo sagho nakarhami ghehati gre mala jateula nakhete te soru mei teke fodu fapulo khoꞌu ikodi teke la khaprahira eghu.

⁵ Iheire te diꞌanagnafa balu taitanhi kate jo'u sisi teu ka nagare na, mare ginauna glealeꞌa fara ka vido te pulei posa gna mare gano na.

⁶ Iheire diꞌanagnafa nei tanhi teu kate nhi'o sisi te tei te mala joꞌu ka nagare na, mare ginauna glealeꞌa nei koje eghu kate atha gano te mei mare ka nagare na.