Nodi Khoje Hatimare Mae Jiu 125 - Buka Blahi Ka Cheke HoloSam 125 God na toghodi nogna naiknore Mare koje khoje igne kate haghe ka gaghamu bi'o Jerusalem. 1 Iheire te au nodi grouronu biꞌo ka God na, mare jateula Thogele Saion te theo ka nghali gna ba thugha gna teu ia eghu. 2 Eghume funu gognaro na Lord na toghodi fabrahu nogna naiknore, jateula bukrei thogele te kegra faligohoni Jerusalem are eghu. Thogele igre faligohoni Jerusalem fabrahu. 3 God na theome tangomana te snakredi naikno te diꞌare te mala baubatudi nogna naiknore te mala eni puhi te diꞌa na. 4 Lord God, tusu lao glepo te keli sagho ka naikno te leghudi nou cheke are. 5 Nu kate paradi iagho naikno te diꞌa are, ke paradila ngau iagho naikno te theome leghudi puhimu iagho te keli fara are eghu. Tahati toreni Lord mala tusu mei pharikeli ka tahati naiknoda Israel gre eghu. |
© 2022, Wycliffe Bible Translators , Inc. All rights reserved.
Wycliffe Bible Translators, Inc.