Nodi Khoje Hatimare Mae Jiu 124 - Buka Blahi Ka Cheke Holo

Sam 124 God na reireghi ghita koba

Nogna khoje mae Devet. Mare koje khoje igne kate hage ka gaghamu bi'o Jerusalem.

¹ Ba? Jame te theome togho ghita Lord kau magra na, na faꞌunha eghu tahati ginauna?

^2-3 “Neuba hatimare mae naoka gre ne diꞌa tadi fara ka tahati, mare theome tangomana te magri ghita te goigoni ghita na, naugna Lord na togho ghita tahati.

^4-5 Neuba mare ne mei mala goigoni ghita tahati mala jateula khoꞌu te britha te mala faknoho ghita ra neu, mare theome tangomana te goigoni ghita tahati na naugna Lord na togho ghita tahati.”

⁶ Tahati tegioni Lord, naugna mana ne theome snakredi hatimare mae naoka gre ne mei goigoni ghita tahati.

⁷ Tahati la snaglahi jateula nanghaji te jifla ka phighoro na te tei nogna ia eghu.

⁸ Lord mae ihei teke vuavuhadi maloa ghe nauthoglu gre ngala te mala togho ghita na.