Nodi Khoje Hatimare Mae Jiu 123 - Buka Blahi Ka Cheke Holo

Sam 123 God ginauna kokhoni ni mae ihei te tarai ka mana na

Mare koje khoje igne kate hage ka gaghamu bi'o Jerusalem.

¹ Lord God, iara filo haghe ka iagho kligna, ka vido aheva te gnokro teu iagho ka nou sape nafnakno na te funei frunini u nauthoglu igne.

² Iara ginauna na filo haghe fabrahu ka iagho mala ghilei kokhoni ghau iagho. Uve, jateula kaisei mae gloku te filo teu ka nogna mae funei na te mala toghoni ia eghu.

³ Lord God, kokhoni mei ghau, naugna ghehati hongo ghami fara ka naikno te maꞌe ghami gre.

⁴ Naugna funu tifa te mei na mae te dedei gre, mare ghatho tahudi fara thedi igre, mare cheke fapari ghami ghehati.