Nodi Khoje Hatimare Mae Jiu 122 - Buka Blahi Ka Cheke Holo

Sam 122 Koje kilo fnaknoni God kate ruma haghe Jerusalem

Nogna khoje mae Devet. Mare koje khoje igne kate hage ka gaghamu bi'o Jerusalem.

^1-2 Iara thono keli tagu fara kate cheke eghu naiknore ka iara na, “Tahati na kafe tei ka Sugablahi nogna Lord.” Aonu ghehati gognaro na kegra ke lamnagna Sugablahi na Jerusalem.

³ Namono biꞌo Jerusalem gne mare famane eni fara. Mare babana suga igre ke lamnagna namono biꞌo igne na, sugare thono fari namoi fara ka keha suga na.

⁴ Igne namono aheva tahati nogna naikno Lord ra te mala mei tegioni mana, jateula teke chekeni ia eghu.

⁵ Agne Jerusalem, hatimare mae king te mala fate ghita tahati na.

⁶ Tahati taraidi naikno te au ka namono Jerusalem mala au mare kau pharikeli. Uve, tahati mala tarai eghu agne, “Lord God, jame te keli na iagho toghodi naikno te namha nigho re mala au fakeli.

⁷ Jame te keli na naikno te gnafa te au ka namono igne mala athini nakarha te keli na, nei hatimare mae biꞌo ka namono igne na mala au fakeli.”

⁸ Jerusalem, iara ghathodi fara kheragu nei vikegu teu te au ka iagho ra, iagho toghodi mala au mare ka pharikeli.

⁹ Naugna te au nogna Sugablahi Lord nomi God ghehati ka iagho na, iara magnahaghei nigho fara te keli fabrahu tifa te tifa.