Nodi Khoje Hatimare Mae Jiu 120 - Buka Blahi Ka Cheke Holo

Sam 120 Tharai mala toreni nogna thotogho God na

Mare koje khoje igne kate haghe ka gaghamu bi'o Jerusalem

¹ Kate au teu iara ka hoholo na, iara ne ehani Lord God, aonu mana ne cheke tughu ka iara.

² Iara ne cheke eghu ka mana, “Lord God, mei fakarhi ghau ka naikno te chaichaghi nei ka iheire te lase saosagro te mala fakokhoana ghau iara na.”

³ Ghotilo naikno te chaichaghi ra, ghotilo theome laseni kolho unha nate eni God ka ghotilo na. Mana ginauna na thono para ghami fara ghotilo.

⁴ Papara igne ginauna na thono diꞌa fara, na jateula nodi jata fnonu hatimare mae soldia te fada susuplu thinimi ghotilo ra na eghu. Eghuteuna ghotilo ginauna kabru ghemi ka papara igne jateula u khaꞌaghi te thunu ra na eghu ka ghotilo.

⁵ Theome te keli ka iara naugna iara ne au ka vido igne. Naikno igre, mare thono diꞌa fara ne goigonidi keha naiknore.

⁶ Funu tifa fara te ghilei mei posa gognaro na iara neke au baludi naikno te tirodini u pharikeli na.

⁷ Neubane magnahaghei pharikeli iara na, mare magnahaghei magra kolho.