Nodi Khoje Hatimare Mae Jiu 100 - Buka Blahi Ka Cheke HoloSam 100 Koje mala cheke fakelini God Khoje mala cheke fakelini God. 1 Ghotilo naikno te gnafa ka nauthoglu igne, koje fabiꞌo ranghini Lord! 2 Ghotilo mei mala pogho soru ranghini mana mala koje balu glealeꞌa! 3 Ghotilo mala filo glani mana eigna Lord na mana God. Tahati nogna mana, naugna mana neke vuavuha ghita. Tahati nogna naikno mana te fiofilo ghita jateula nogna sipu. 4 Ghotilo tei! Ruma ka nogna Sugablahi mana na mala cheke fakelini mana. Uve, tahati cheke fakelini nei tegioni eghu mana. 5 Lord na thofno keli fara, nei mana namha ghita fabrahu. Eghuteuna nogna nhaꞌa cheke na theo ka huigna. |
© 2022, Wycliffe Bible Translators , Inc. All rights reserved.
Wycliffe Bible Translators, Inc.