Nehemaea 7 - Buka Blahi Ka Cheke Holo

¹ Kate gnafa gringni thina igne, ghehati ne famamhaku bobothodi grengatha igre, aonu iara ne vahidi mae Livaet mala sekiuriti di grengatha igre, eghuteuna kehare mala kwaea gna Sugablahi igne.

² Eghuteuna iara vahini mae thabusigu Hanani, balugna mae Hananaea mae ihei te komanda ka vido te keli te mala poru ka namono igne, mala fiofiloni phiamare namono Jerusalem. Iara vahini mae Hananaea gne naugna naiknore tangomana te ronuni mana na, eghuteuna mana jaola thofno ghatho tahuni God, salaꞌudi keha kmana naiknore.

³ Eghuteuna iara ne cheke eghu ka phiamare, “Grengatha te gnafa Jerusalem igre hamerane na thosei tothora ghilei aublatha. Eghuteuna kate gnafa loku fei grafi na mae greireghi gre mala bobotho grengathare, eghuteuna bibilakhi famaku ka aean te brahu ame jifla nga eghu. Ghopa vavahi keha mae te au ka namono Jerusalem mala reireghi, kehare ginauna kegra ka keha vido te ulu fara, eghuteuna kehare mala kegra ke uludi nodi suga thedire.”

⁴ Jerusalem gne kaisei namono biꞌo, nu gognarona theome kmana naikno te au tagna na, eghuteuna mare jaola theome babana fapulo kmana suga ngau.

⁵ Naugna igne God neke tusu mei kaisei gaoghatho ka iara mala kilo meidi mae biꞌo baludi mae iheire te baubatu, nei keha naikno langau eghu mala rioriso nanghadire ka buka. Kate magnahaghei eni iara igne, iara ne filoni kaisei buka te au nanghadi tothoghei ulu lahu te jifla Babilonia teke pulo mei Juda. Igne unha te filoni iara te rioriso ka buka igne na:

⁶ Igne unha teke eni ka narane tuare. Kmana finogha tifa King Nebukadnesa neke hata kmana naiknodi Israel neke tei sosolo Babilonia. Ke leghu, kmana naikno jifla Babilonia neke pulo mei neke au Jerusalem nei ka keha agne Juda. Eghuteuna mare tei ka namonodi kuꞌedi ra.

⁷ Nanghadi iheire teke batudi mare teke pulo mei Jerusalem re igre: Mae Serababel, nei mae Jesua, nei mae Nehemaea, nei mae Asaraea, nei mae Ramaea, nei mae Nahamani, nei mae Modikae, nei mae Bilsan, nei mae Mispa, nei mae Bigvae, nei mae Rehum nei mae Bana. Eghuteuna naikno ka vikegna Israel teke pulo meire igre:

⁸ Ka vikegna mae Paros: phei thogha kaisei gobi fitusalei phei.

⁹ Ka vikegna mae Sefataea: thilo gobi fitusalei phei.

¹⁰ Ka vikegna mae Ara: namno gobi glimafulu phei.

¹¹ Ka vikegna mae Pahat-Moab, teke karha mei ka phei vikedi mae Jesua ghe mae Joab: phei thogha nhana gobi nabotho nhanai.

¹² Ka vikegna mae Elam: kaisei thogha phei gobi glimafulu fati.

¹³ Ka vikegna mae Satu: nhana gobi phiatutu glimai.

¹⁴ Ka vikegna mae Sakae: fitu gobi namnosalei.

¹⁵ Ka vikegna mae Binui: namno gobi phiatutu nhanai.

¹⁶ Ka vikegna mae Bebae: namno gobi varadaki nhanai.

¹⁷ Ka vikegna mae Asgad: phei thogha thilo gobi varadaki phei.

¹⁸ Ka vikegna mae Adonikam: namno gobi namnosalei fitui.

¹⁹ Ka vikegna mae Bigvae: phei thogha namnosalei fitui.

²⁰ Ka vikegna mae Adin: namno gobi glimafulu glimai.

²¹ Ka vikegna mae Ata, keha nanghagna mae igne Hesekaea: nhevasalei nhanai.

²² Ka vikegna mae Hasum: thilo gobi varadaki nhanai.

²³ Ka vikegna mae Besae: thilo gobi varadaki fati.

²⁴ Ka vikegna mae Harif: kaisei gobi nabotho phei.

²⁵ Ka vikegna mae Gibeon: nhevasalei glimai.

²⁶ Eghuteuna keha naikno teke pulo ka nodi namono re igre: Betlehem nei Netofa: kaisei gobi nhanasalei nhanai.

²⁷ Anatot: kaisei gobi varadaki nhanai.

²⁸ Bet-Asmavet: phiatutu phei.

²⁹ Kiriat-Jaerim, nei Kefira, nei Berot: fitu gobi phiatutu thiloi.

³⁰ Rama nei Geba: namno gobi varadaki kaisei.

³¹ Mikmas: kaisei gobi varadaki phei.

³² Betel nei Ai: kaisei gobi varadaki thiloi.

³³ Keha Nebo: glimafulu phei.

³⁴ Keha Elam: kaisei thogha phei gobi glimafulu fati.

³⁵ Harim: thilo gobi varadaki.

³⁶ Jeriko: thilo gobi phiatutu glimai.

³⁷ Lod, nei Hadid nei Ono: fitu gobi varadaki kaisei.

³⁸ Sena: thilo thogha nheva gobi tolufului.

³⁹ Vikedi mae pris teke pulore igre: Ka vikegna mae Jedaea teke karha mei ka tharakna gna mae Jesua: nheva gobi fitusalei thiloi.

⁴⁰ Ka vikegna mae Ima: kaisei thogha glimafulu phei.

⁴¹ Ka vikegna mae Pasuru: kaisei thogha phei gobi phiatutu fitui.

⁴² Ka vikegna mae Harim: kaisei thogha nabotho fitui.

⁴³ Hatimare mae Livaet ka vikegna mae Jesua, nei ka vikegna mae Kadmiel teke karha mei ka vikegna mae Hodavaea: fitusalei fati.

⁴⁴ Hatimare mae Livaet te au ka kwaea ka Sugablahi, vikegna mae Asaf: kaisei gobi phiatutu nhanai.

⁴⁵ Hatimare mae Livaet teke reireghini grengathagna Sugablahi na, mare neke vikedi mae Salum, nei mae Ata, nei mae Talmon, nei mae Akub, nei mae Hatita, nei mae Sobae: kaisei gobi tolufulu nhanai.

⁴⁶ Hatimare mae Livaet teke pulo mei te loku ka Sugablahi na, mae neke karha mei ka vikedi mae Siha, nei mae Hasufa, nei mae Tabaot,

⁴⁷ nei mae Keros, nei mae Sia, nei mae Padon,

⁴⁸ nei mae Lebana, nei mae Hagaba, nei mae Salmae,

⁴⁹ nei mae Hanan, nei mae Gidel, nei mae Gaha,

⁵⁰ nei mae Reaea, nei mae Resin, nei mae Nekoda,

⁵¹ nei mae Gasam, nei mae Usa, nei mae Pasea,

⁵² nei mae Besae, nei mae Meunim, nei mae Nefusim,

⁵³ nei mae Bakbuk, nei mae Hakufa, nei mae Hahua,

⁵⁴ nei mae Baslit, nei mae Mehida, nei mae Hasa,

⁵⁵ nei mae Bakos, nei mae Sisera, nei mae Tema,

⁵⁶ nei mae Nesaea, nei mae Hatifa.

⁵⁷ Eghuteuna vikedi mae teke loku ka King Solomon tifa, mare neke karha mei ka vikedi mae Sotae, nei mae Soferet, nei mae Perida,

⁵⁸ nei mae Jala, nei mae Dakon, nei mae Gidel,

⁵⁹ nei mae Sefataea, nei mae Hatil, nei mae Pokeret-Hasebaem, nei mae Amon.

⁶⁰ Vikedi mae te loku ka Sugablahi baludi vikedi mae teke loku ka King Solomon tifa igre thilo gobi nhevasalei phei.

⁶¹ Iheire keha naikno teke pulo mei funudi Babilonia ka vike teke au tifa ka namono Tel-Mela, nei Tel-Hasa, nei Kerub, nei Adon, nei Ima teu igre theome thofno lase fakelidi neke vikedi Israel teure.

⁶² Mae igre neke karha mei ka vikedi mae Delaea, nei mae Tobaea, nei mae Nekoda: namno gobi phiatutu phei.

⁶³ Eghuteuna keha mae pris jaola neke pulo mei funudi Babilonia, mae igre neke karha mei ka vikedi mae Hobaea, nei mae Hakos, nei mae Basilae. Mae Basilae gne neke tolaghi ka kaisei thugna gaꞌase kaisei mae nanghagna na Basilae maegna Gilead, eghume mana hata nanghagna nanghogna igne.

⁶⁴ Mae pris igre mare hirodi nanghadi vikedi re ka buka nangha igne, nu mare theome tangomana te filodire. Eghume mae biꞌodi mae pris igre theome snakredi mare te eni nogna gloku mae pris na.

⁶⁵ Eghuteuna gavana gna provins na jaola theome snakredi mare te ghamu gano blahi ka Sugablahi na, ghilei thokeni narane kaisei mae pris te tangomana te hata phei glepo Urim nei Tumim, mala laseni gaoghathogna God na.

⁶⁶ Iheire te gnafa te pulo mei funudi Babilonia teke thoke mei Juda re, phiatutu phei thogha, thilo gobi namnosalei.

⁶⁷ Eghuteuna hata teke mei re fitu thogha thilo gobi tolufulu fitui mae gloku nei gaꞌase gloku, eghuteuna phei gobi phiatutu glimai nalhaꞌu nei gaꞌase mala koje.

⁶⁸ Mare jaola hata mei baludi: Fitu gobi tolufulu namno hose. Phei gobi phiatutu glima mule.

⁶⁹ Fati gobi tolufulu glimai kamel. Namno thogha, fitu gobi varadaki dongki.

⁷⁰ Keha ka phaꞌu maedi vike igre mare tufa sileni nei keha glepo mala toghoni nodi gloku mare igne. Gavana falao nhanai nei vido kilo gol, eghuteuna glimafulu dis mala tofa lao dadara mala fafara, nei glima gobi tolufulu pohe maladi mae pris.

⁷¹ Keha phaꞌu maedi tharakna igre mare tusu lao kaisei gobi fitusalei kilo gol, eghuteuna kaisei thogha phei gobi kilo silva.

⁷² Eghuteuna keha naiknore tusu lao kaisei gobi fitusalei kilo gol, eghuteuna kaisei thogha, kaisei gobi kilo silva, eghuteuna namnosalei fitui pohe maladi mae pris.

⁷³ Hatimare mae pris, nei mae Livaet, nei mae mala reireghi grengathagna Sugablahi na, nei mae mala koje ka Sugablahi na, nei mae te mala loku ka Sugablahi, naikno igre neke au soru Jerusalem. Mae igre baludi keha naikno teke pulo ka namono aheva heva ka kantri Israel igre neke pulo ka namono teke au vikedi mare tifa ra. Kate namo thoke ka fafitu nhigra ka finogha igne, vikegna Israel igne neke au fakeli ka nodi namonore.