Nehemaea 11 - Buka Blahi Ka Cheke Holo

Iheire te au Jerusalem

¹ Aonu ka narane igre, mae lida di Israel igre mei ne au Jerusalem, eghuteuna keha naiknore ne lalahu khale mala laseni gaoghathogna God na, tharakna aheva gne nate tei au ka namono blahi igne. Ka nabotho tharakna igre, mare vavahi kaisei tharakna mala tugha tei ka namono, eghuteuna keha nhevai tharakna re au kolho ka nodi namonore.

² Keha naiknore magnahaghei te tei au Jerusalem, eghuteuna naiknodi Israel igre ne cheke fakelidi mae igre.

^3-4 Keha ka mae pris, nei mae Livaet, nei mae te loku ka Sugablahi, nei mae teke loku ranghini King Solomon tifa ra, baludi keha naiknodi Israel igre eghu, mare au ka nodi vidore ka namono Juda. Nu keha mae lida baludi keha naikno ka phei nohi Juda ghe Benjamin, mare ne horo nodi suga Jerusalem. Mae ka vikegna Juda te au Jerusalem re igre: Mae Ataea thugna mae Iusaea, mae ihei teke karha mei ka tharaknagna mae Peres. Tharakna igne eghu agne: Mae Ataea, nei mae Iusaea, nei mae Sekaraea, nei mae Amaraea, nei mae Sefataea, nei mae Mahalalel, nei mae Peres, mae ihei te kuꞌedi tharakna igne.

⁵ Mae Masea thugna nalhaꞌu mae Baruk, mana neke karha mei ka tharaknagna mae Sela. Vike igne eghu agne: Mae Masea, mae Baruk, mae Kolose, mae Hasaea, mae Adaea, mae Joearib, mae Sekaraea, mae Sela, mae ihei te kuꞌedi tharakna igne.

⁶ Tharaknagna mae Peres te au Jerusalem, khaputudire thokeni fati gobi namno salei nhanai mae soldia keli fara ka magra.

⁷ Tharaknagna mae Benjamin te au Jerusalem re igre: Mae Salu thugna mae Mesulam, mae ihei teke karha mei ka tharaknagna mae Jesaea. Tharakna igne eghu agne: Mae Salu, mae Mesulam, mae Padaea, mae Kolaea, mae Masea, mae Itiel, mae Jesea mae ihei te kuꞌedi tharakna igne.

⁸ Mae Gabae ghe mae Salae baludi nheva gobi varadaki nhanai mae mei baludi.

⁹ Mae Joel thugna mae Sikri, mana nodi komanda mare, eghuteuna mae Juda thugna mae Hasenua, mana fapea maegna namono igne.

¹⁰ Mae pris te au Jerusalem: Mae Jedaea thugna mae Joearib, nei mae Jakin,

¹¹ nei mae Seraea thugna mae Hilkaea, tharaknagna manare igre: mae Mesulam, mae Sadok, mae Meraeot, mae Ahitub, mae ihei te kuꞌegna tharakna igne nei mae ihei teke mae pris biꞌo tifa.

¹² Mare baludi mae te loku ka Sugablahi, khaputudire thokeni nhana gobi varadaki phei. Mae Adaea thugna mae Jeroham, tharaknagna mana igne: mae Pelalaea, mae Amsi, mae Sekaraea, mae Pasuru nei mae Malkaeja.

¹³ Mana baludi hatimare thabusigna te phaꞌugna tharakna na, khaputudi mae igre na thokeni phia gobi phiatutu phei. Mae Amasae thugna mae Asarel, tharaknagna mana na igne: mae Ahasae, nei mae Mesilemot ghe mae Ima.

¹⁴ Mae Amasae baludi hatimare mae thabusigna igre mare mae soldia keli, khaputudi mae igre thokeni kaisei gobi varadaki nhanai. Nodi lida mae soldia igre, mae Sabdiel kaisei mae biꞌo ka tharakna igne.

¹⁵ Mae Livaet te au Jerusalem re igre: Mae Semaea thugna mae Hasub, tharaknagna mana na igne: mae Asrikam, mae Hasabaea, mae Buni.

¹⁶ Mae Sabetae ghe mae Josabad, phia mae igre nodi lida hatimare mae Livaet mala fiofilodi gloku ke kosigna nogna Sugablahi God.

¹⁷ Mae Matanaea thugna mae Mika gne, tharaknagna mana na igne: mae Sabdi, mae Asaf. Mae Matanaea igne, mana lida ka khoje ka nogna Sugablahi God, mala koje cheke fakelini God ka tharai. Mae Bakbukaea gne, mana fapea lida ka khoje. Mae Abda thugna mae Samua, gragna mae Galal, vikegna mae Jedutun.

¹⁸ Khaputudi mae Livaet te au Jerusalem igre, thokeni phei gobi nhanasalei fati.

¹⁹ Hatimare mae Livaet te reireghi grengatha gna Sugablahi na: Mae Akub ghe mae Talmon baludi hatimare mae thabusigna igre, khaputudi re thokeni kaisei gobi fitusalei phei.

²⁰ Eghuteuna keha naiknodi Israel baludi keha mae pris nei mae Livaet eghu mare ne au ka nodi vido tharakna ka namono Juda, ka glose te khotogna thedi.

²¹ Mae Livaet te loku ka Sugablahi na, mare au holo ka thogele Ofel, eghuteuna mae Siha ghe mae Gispa gre, phiamare nodi lida mare.

²² Nodi lida biꞌo mae Livaet te au Jerusalem na mae Usi thugna mae Bani, gragna mae Hasabaea baludi mae Matanaea ghe mae Mika. Eghuteuna mana vikegna mae Asaf, mare te batu gna khoje kate tarai ka nogna Sugablahi God na.

²³ King neke lilisei kaisei vetula te mala laseni unha te mala eni mae te koje igre leuleghu narane na.

²⁴ Eghuteuna mae Petahaea thugna mae Mesesabel, mana ka tharaknagna mae Sera vikegna mae Juda, mana kaisei nogna advaesa keli mae king maladi naiknodi Israel nei gobigna lepo te thoke mei ka kantri igne.

Naikno te au ka keha namono biꞌo nei namono ikodi ke kosi Jerusalem

²⁵ Kmana naikno gognarona au ka nodi namono te namo ka nodi glose re. Keha naikno ka tharaknagna mae Juda igre, mare au ka namono Kiriat-Aba, Dibon nei Jekabsel, nei ka namono te au rhedi namono biꞌo igre.

²⁶ Mare jaola au ka namono Jesua, nei Molada, nei Bet-Pelet,

²⁷ nei Hasasual, nei Bereseba baludi namono te au rhegnai,

²⁸ nei Siklag, nei Mekona, baludi namono te au rhegnai,

²⁹ nei En-Rimon, nei Sora, nei Jamut,

³⁰ nei Sanoa ghe Adulam baludi namono ikodi te au rhedi phei namono biꞌo igre, nei Lakis baludi glose te au rhegnai, nei Aseka baludi namono ikodi te au rhegna namono biꞌo igne, eghuteuna namono te au tharaknagna mae Juda tadi re, funu ke mata namono Bereseba tei posa ke raru Glogu Hinom.

³¹ Keha naikno ka vikegna mae Benjamin igre au ka namono Geba, nei Mikmas, nei Ai, nei Betel baludi namono ikodi te au rhegnai.

³² Eghuteuna kehare au ka namono Anatot nei Nob, nei Ananaea,

³³ nei Haso, nei Rama, nei Gitaem,

³⁴ nei Hadid, nei Seboim, nei Nebalat,

³⁵ nei Lod, nei Ono, nei Ge-Harasim.

³⁶ Keha tothoghei ka mae Livaet igre kuꞌedi tifa re neke au ka nohi Juda, mare gognarona magnahaghei te tei au baludi naikno te au ka nohi Benjamin.