Nehemaea 10 - Buka Blahi Ka Cheke Holo

Mae iheire teke rioriso nanghadi re ka nhaꞌa cheke igne

¹ Mae ululahu teke rioriso nangha ka pepa igne na: Gavana Nehemaea thugna mae Hakalaea, mae ihei te gavana ka nohi Juda. Eghuteuna ke leghugna mae Nehemaea na, mae Sedekaea mei te rioriso nangha na.

^2-8 Mae pris te mei rioriso nanghadire igre: mae Seraea, nei mae Asaraea, nei mae Jeremaea, nei mae Pasuru, nei mae Amaraea, nei mae Malkaeja, nei mae Hatus, nei mae Sebanaea, nei mae Maluk, nei mae Harim, nei mae Maremot, nei mae Obadaea, nei mae Daniel, nei mae Gineton, nei mae Baruk, nei mae Mesulam, nei mae Abaeja, nei mae Mijamin, nei mae Masaea, nei mae Bilgae, nei mae Semaea.

⁹ Ke leghudi hatimare mae pris igre, hatimare mae Livaet mei ne rioriso nangha. Igre nanghadire: mae Jesua thugna mae Asanaea, nei mae Binui ka vikegna mae Henadad, nei mae Kadmiel,

¹⁰ baludi thabusidi re: mae Sebanaea, nei mae Hodaea, nei mae Kelita, nei mae Pelaea, nei mae Hanan,

¹¹ nei mae Mika, nei mae Rehob, nei mae Hasabaea,

¹² nei mae Sakua, nei mae Serebaea, nei mae Sebanaea,

¹³ nei mae Hodaea, nei mae Bani, nei mae Beninu.

¹⁴ Ke leghudi mae Livaet, hatimare mae lida mei ne rioriso nangha, nanghadi re: mae Paros, nei mae Pahat-Moab, nei mae Elam, nei mae Satu, nei mae Bani,

¹⁵ nei mae Buni, nei mae Asgad, nei mae Bebae,

¹⁶ nei mae Adonaeja, nei mae Bigvae, nei mae Adin,

¹⁷ nei mae Ata, nei mae Hesekaea, nei mae Asua,

¹⁸ nei mae Hodaea, nei mae Hasum, nei mae Besae,

¹⁹ nei mae Harif, nei mae Anatot, nei mae Nebae,

²⁰ nei mae Magpias, nei mae Mesulam, nei mae Hesia,

²¹ nei mae Mesesabel, nei mae Sadok, nei mae Jadua,

²² nei mae Pelataea, nei mae Hanan, nei mae Anaea,

²³ nei mae Hosea, nei mae Hananaea, nei mae Hasub,

²⁴ nei mae Halohes, nei mae Pilha, nei mae Sobek,

²⁵ nei mae Rehum, nei mae Hasabna, nei mae Masea,

²⁶ nei mae Ahaea, nei mae Hanan, nei mae Anan,

²⁷ nei mae Maluk, nei mae Harim, nei mae Bana.

U nhaꞌa cheke teke eni mare kaLord

^28-29 “Ghehati naiknomi Israel te eni u nhaꞌa cheke igne. Ghehati mae pris ra, mae Livaet ra, mae mala reireghi grengatha ra, mae mala koje ka Sugablahi ra, nei mae loku ka Sugablahi ra, ghehati te gnafa na magnahaghei te leghuni nogna vetula God. Nu ghehati theome loku fodu baludi naiknodi keha kantri te au balumi ghehati igre. Eghuteuna ghehati baludi khetomi nei thumi teu igre lase fakelini nhaꞌa cheke igne, ghehati gognarona loku fodu baludi nomi mae funei igre neke eni nhaꞌa cheke igne. Jame te theome tajini ghehati nhaꞌa cheke igne na, iagho tangomana te snakre mei puhi biꞌo ke klignami. Ghehati nhaꞌa cheke mala leghuni nogna vetula God teke tusu ranghini iagho nou mae gloku Moses, eghuteuna ghehati nhaꞌa cheke mala leghudi nogna cheke nei nogna vetula teu God te cheke thakledi ka vetula igne.

³⁰ “Ghehati nhaꞌa cheke mala theome snakredi thumi gaꞌase gre mala tolaghi ka mae nalhaꞌudi keha kantri te au faligoho ghami igre. Eghuteuna ghehati ginauna theome tangomana te hata thudi gaꞌase mare re te mala tolaghi ka thumi nalhaꞌu ghehati gre.

³¹ “Jame te mei naiknodi delei te sabiri gano ba keha glepo ka ghehati kau narane Sabat, ba ka keha narane blahi igre na, ghehati ginauna theome foli ka mare. Eghuteuna ka fafitu finogha na ghehati ginauna na theome joꞌu gano ka nagare. Jaola ka finogha igne, ghehati ginauna fahuidi kaoni teke edi naikno gre ka ghehati ra.

³² “Leuleghu finogha na ghehati te gnafa na ginauna tusu lao katha vido silva mala foli glepo mala ke eni fakeligna nogna Sugablahi God.

³³ Sileni igne mala foli Bret Blahi te mala lilisei ke kligna tevo ka Chogho Blahi na, nei famane wit mala fafara nei fafara te gahu te krono fara te mala edi ghehati phia fata leuleghu narane, nei fafara ka narane Sabat, nei Gaghamu Khafa, nei keha gaghamu, nei keha fafara blahi, nei fafara te mala doglo ghehati maemi Israel ka tathagna Lord, nei keha glepo te mala loku ka nogna Sugablahi God.

³⁴ “Ghehati mae pris ra, mae Livaet ra, nei mavitu ra teuna ginauna lalahu khale, mala laseni gaoghathogna God na, tharakna aheva gne nate hata gaju te mei ka Sugablahi na mala gahu ke kligna nogna olta Lord nomi God, leghuni unha te chekeni ka vetula na.

³⁵ “Leuleghu finogha na ghehati te gnafa na ginauna hata mei famane gano teke saro ulu ka nomi nagare re mala fafara ka nogna Sugablahi Lord.

³⁶ “Eghuteuna ghehati ginauna hata mei ka hatimare mae pris thumi nalhaꞌu teke kulu karha, nei buluka teke kulu karha, nei sipu teke kulu karha, nei nomi nanigot, mala fablahidi, leghuni unha te chekeni ka vetula na.

³⁷ “Eghuteuna ghehati ginauna hata mei ka mae pris leuleghu finogha, flaoa majaghani teke edi ghehati ka soasopai nafnata wit, nei waen majaghani nei oliv oel majaghani, nei ghemi sisi gaju majaghani nate hata te mei ghehati mala bubukrei ke lamna chogho ka nogna Sugablahi God. Eghuteuna ghehati ginauna jaola hata mei katha vido ka fabothodi gano ka nomi nagare ghehati re mala tusu lao ka mae Livaet kate mei salo mare fabothodi gano igre.

³⁸ Kate tei mae Livaet igre te mala salo fabothodi igre, kaisei mae pris ka tharaknagna mae Eron igre ginauna tei baludi mare. Eghuteuna mae Livaet igre ginauna jaola tei hata mei kaisei vido ka fabothodi nodi glepo re, eghuteuna mare hata glepo igre tei lilisei ka choghogna nogna Sugablahi God na, ka vido aheva te lilisei mare keha glepo blahi te mala loku ka Sugablahi na.

³⁹ Leuleghu finogha na ghehati naiknomi Israel baludi mae Livaet igre, ghehati ginauna hata mei nomi thotogho re ka gano, nei waen majaghani, nei oliv oel majaghani teu igre mala hata mei mala lilisei ke lamna chogho ka Sugablahi aheva te tathaji teu mare glepo mala loku ka Sugablahi igne. Eghuteuna mae pris, nei mae mala reireghi grengatha, nei mae mala koje eghu au tagna. “Ghehati ginauna reireghi fakelini nogna Sugablahi nomi God ghehati na.”