Josua 19 - Buka Blahi Ka Cheke Holo

Nodi glose vikegna Simion

¹ Fapea vido glose igne tei ka vikegna Simion. Nodi rijon mare igne au ke lamnagna nodi rijon vikegna Juda.

² Nanghadi namono te au rijon igne: Bereseba, nei Seba, nei Molada,

³ nei Hasasual, nei Bala, nei Esem,

⁴ nei Eltolad, nei Betul, nei Homa,

⁵ nei Siklag, nei Bet-Makabot, nei Hasasusa,

⁶ nei Bet-Lebeot, nei Saruhen. Igre nabotho thilo namono baludi namono ikodi te au faligohodi mare te au ka rijon tuana.

⁷ Jaola au fati namono nanghadi re Ain, nei Rimon, nei Eta, nei Asan, baludi namono ikodi te au faligohodi mare.

⁸ Eghuteuna mare jaola au keha namono ikodi te au farihoteidi namono igre ghilei tei posani namono ke mata Balat-Bere, keha nanghagna na Rama. Igre glose te khotodi vikegna mae Simion.

⁹ Josua neke tusu lao glose biꞌo fara ka vikegna Juda aheva teke theome loku mare kaisei vidogna tagna, aonu mae Josua ne tusu lao keha glose ka vikegna Simion mala khotogna mare.

Nodi glose vikegna Sebulun

¹⁰ Fatilo vido glose igne mana ne fatei ka vikegna Sebulun. Fofotagna nodi rijon mare na ke mata fufunu ka namono Sarid,

¹¹ eghuteuna tei ke mosu salaꞌudi Marala ghe Dabeset, eghuteuna tei gnafa ke demei kaisei khoꞌu rhegna Jokneam.

¹² Fofota igne funu Sarid eghuteuna tei ke maghati ghilei tei posani fofotagna Kislot-Teboa, eghuteuna ke tei posani Daberat, eghuteuna ke haghe posani Jafia.

¹³ Ke maghati na, fofota na funu ka vido igne ghilei tei posani Gat-Hefa nei Etkasin, tei salaꞌu Rimon, eghuteuna ke figri tei Nea.

¹⁴ Ke raru na, fofota igne doglo tei Hanaton, eghuteuna gnafa ka glogu Iftahel.

¹⁵ Nanghadi keha namono te au ke lamnagna rijon igne: Katat, nei Nahalal, nei Simron, nei Idala, nei Betlehem. Nabotho phei namono baludi namono ikodi te au faligohodi mare igre au ka rijon tuana.

¹⁶ Igre namono biꞌo nei namono ikodi eghu te khotodi vikegna Sebulun.

Nodi glose vikegna Isaka

¹⁷ Fafati vido glose na mala tei ka vikegna Isaka.

¹⁸ Namono ke lamnagna rijon igne na: Jesrel, nei Kesulot, nei Sunem,

¹⁹ nei Hafaraem, nei Sihon, nei Anaharat,

²⁰ nei Rabit, nei Kision, nei Ebes,

²¹ nei Remet, nei En-Ganim, nei En-Hada, nei Bet-Pases.

²² Fofotagna rijon igne tei salaꞌu ke lamnadi thilo namono nanghadi re Teboa, nei Sahasuma nei Bet-Semes, eghuteuna gnafa ka Khoꞌu biꞌo Jordan. Igre nabotho namno namono baludi namono ikodi te au faligohodi mare te au ka rijon tuana.

²³ Igre namono biꞌo nei namono ikodi eghu te khotodi vikegna Isaka.

Nodi glose vikegna Asa

²⁴ Fafalima vido glose igne tei ka vikegna Asa.

²⁵ Nodi rijon mare igne au keha namono lamna ka nodi rijon mare igne na Helkat, nei Hali, nei Beten, nei Aksaf,

²⁶ nei Alamelek, nei Amad, nei Misal. Fofotagna ke mata na funu ke mosu rhegna Thogele Kamel, leghuni khoꞌu Siho-Libnat.

²⁷ Fofotagna ke maghati na tei ke raru salaꞌuni Bet-Dagon eghuteuna tei salaꞌuni fofotagna nodi rijon vikegna Sebulun nei ka khoꞌu Iftahel. Eghuteuna ke tei ke raru salaꞌudi phei namono Bet-Emek ghe Nel. Ke tei ke raru salaꞌudi namono Kabul,

²⁸ nei Abdon, nei Rehob, nei Hamon, nei Kana, eghuteuna riju tei posani namono biꞌo Saedon.

²⁹ Fofota igne figri Rama, eghuteuna tei namo ka namono Taea, namono ringni te lithui ka thina. Fofota igne figri tei fei Hosa eghuteuna tei gnafa ka Thongna Mediterenian. Keha namono te au ke lamnagna rijon igne: Mahalab, nei Aksib,

³⁰ nei Uma, nei Afek nei Rehob. Varadaki phei namono baludi namono ikodi te au faligohodi mare igre au ka rijon tuana.

³¹ Igre namono biꞌo nei namono ikodi eghu te khotodi vikegna Asa.

Nodi glose vikegna Naftali

³² Namno vido glose igne tei ka vikegna Naftali.

³³ Fofotagna nodi rijon mare ke raru nei ke maghati teu igne, funu ka namono Helef eghuteuna tei posa ka gaju biꞌo Sananim, eghuteuna ke tei posani namono Adami-Nekeb, eghuteuna ke tei ka namono Jabnel, tei posani namono Lakum eghuteuna gnafa ka Khoꞌu biꞌo Jordan.

³⁴ Fofotagna ke mata na funu ka khoꞌu Jordan eghuteuna tei ke mosu ka namono Asnot-Teboa eghuteuna leghuni fofotagna nodi rijon vikegna Sebulun te tei posani namono Hukok. Nodi fofotagna mare ke mosu na igne fofotagna eghu vikegna Asa.

³⁵ Nodi glose mare igne au keha namono te bara te ligoho ka thina biꞌo, eghuteuna nanghadi re Sadim, nei Sea, nei Hamat, nei Rakat, nei Kineret,

³⁶ nei Adama, nei Rama, nei Haso,

³⁷ nei Kedes, nei Edrei, nei En-Haso,

³⁸ nei Iron, nei Migdal-El, nei Horem, nei Bet-Anat nei Bet-Semes. Nabotho nheva namono biꞌo baludi namono ikodi te au faligohodi mare ka rijon tuana.

³⁹ Igre namono biꞌo nei namono ikodi eghu te khotodi vikegna Naftali.

Nodi glose vikegna Dan

⁴⁰ Fafitu vido ka glose igne mala tei ka vikegna Dan.

⁴¹ Namono te au ke lamna nodi glose mare na, Sora, nei Estaol, nei Ir-Semes,

⁴² nei Salabin, nei Aejalon, nei Itla,

⁴³ nei Elon, nei Timna, nei Ekron,

⁴⁴ nei Elteke, nei Gibeton, nei Balat,

⁴⁵ nei Jehud, nei Bene-Berak, nei Gat-Rimon,

⁴⁶ nei Mejakon, nei Rakon, baludi vido te lithui Jopa.

⁴⁷ Ke leghu, kate theome tangomana mare te hata nodi glose mare igre, mare tei ne magra ka naikno ka namono Laes. Mare ne uluni namono igne ka magra, mare ne aknu falehe naikno te gnafa ka namono igne, mare jaola ne hata glose te au te lithui ni namono igne. Mare ne tuthughu nanghagna nodi namono mare Laes igne ka Dan nanghagna kuꞌedi mare tifa.

⁴⁸ Igre namono biꞌo nei namono ikodi eghu te khotodi vikegna Dan.

Mare tufa ne gnafa glose igre

^49-51 Aonu ke leghugna tufa te gnafa mare glose igne farihoteidi vike te gnafa igre, mae pris biꞌo Eliesa nei Josua baludi lida te gnafa ka vike te gnafa Israel igre ne kafe mei salo fodu ke ulugna nogna Suga Tapuale te Blahi Lord na Saelo. Eghuteuna kate au teu mare ke ulugna Lord na, mare ne tufa glose igre ka naiknodi Israel. Mare ne lalahu khale mala laseni ihei nate khotogna vido glose igne. Ka puhi tuana tela tufahi mare glose igne. Kate tufa te gnafa mare ka vikedi re glose igne, mare ne tusu lao kaisei vido glose ka Josua mala khotogna mana. Tifa na, Lord neke chekeni te jame te toreni Josua kaisei namono na, mare ginauna tusu lao namono tuana ka mana. Josua ne toreni namono Timnat-Sera ka thogele Efrem. Aonu mare ne tusu lao ka mana eghuteuna mana tei ne au tagna ne eni fakeli namono igne.