Josua 15 - Buka Blahi Ka Cheke Holo

Nodi glose vikegna mae Juda

¹ Igne nodi glose vikegna mae Juda. Glose igne funu ka namono nagou Sini eghuteuna tei thoke ka nohi ke mata nodi glose maedi Idom.

² Nohi ke mata igne, funu ka khukrugna ke mata Thongna Lehe,

³ eghuteuna tei te mata nabrou Akrabim tei posa ka thogelero, eghuteuna tei nga me thokeni namono nagou Sini. Eghuteuna tei salaꞌu ka keha phile na ke mata Kades Banea, eghuteuna tei salaꞌuni namono Hesron, eghuteuna grafa ka namono Ada, eghuteuna figri tei ka namono Kaka,

⁴ eghuteuna tei me posa ka namono Asmon. Nohi igne leghuni khoꞌu ikoi ka nohigna nodi glose naiknodi Ijep, tei posa Thongna Mediterenian. Jare gnafa nohigna ke mata na.

⁵ Ke maghati na, nohigna distrik igne funu ka khukrugna Thongna Lehe, eghuteuna leghu gratha tei thokeni khukrugna Khoꞌu biꞌo Jordan te tei posa ke raru Thongna Lehe. Eghuteuna nohi ke raru na funu ka phaꞌu khoꞌu igne,

⁶ eghuteuna tei posani namono Bet-Hogla, eghuteuna haghe ka thogele biꞌo ke raru Bet-Araba aheva iagho tangomana te filo soru ka glogu Jordan. Eghuteuna ke haghe funu jare tei posani thina biꞌo te kiloi, “Nogna Thina Bohan.” Mae Bohan gne kaisei thugna mae Ruben.

⁷ Nohi igne tei posani glogu Akoa eghuteuna ke haghe thokeni namono Debia, eghuteuna ke figri tei ke raru Gelilot tei posani nabrou Adumin te tei posa ka geri thogele na, eghuteuna leghuni nabrou igne tei thokedi phei glokha khoꞌu En-Semes ghe En-Rogel.

⁸ Nohi igne haghe doglo leghuni glogu Hinom tei ke mata besi thogele Jerusalem, igne nodi namono vikegna mae Jebus. Nohi igne haghe holo ka thogele fei glogu Hinom te au ke mosu, rhegna glogu ke raru Refaem.

⁹ Eghuteuna nohi igne funu ka vido igne tei posani glokha khoꞌu Nefutoa, eghuteuna ke tei posadi namono te au rhegna thogele Efron. Ke funu ka vido igne doglo tei ka namono Bala, keha nanghagna na Kiriat-Jaerim.

¹⁰ Nohi igne lithui tei ke mosu namono Bala, eghuteuna doglo tei ka thogele Idom, eghuteuna tei salaꞌu ke raru thogele Kiriat-Jaerim. Keha nanghagna thogele igne Kesalon. Ke getu soru tei posa ka namono Bet-Semes, eghuteuna tei salaꞌuni namono Timna.

¹¹ Nohi igne ke tei posa ke raru ka thogele Ekron, eghuteuna ke figri tei ka namono Sikeron, eghuteuna ke salaꞌuni thogele Bala, eghuteuna ke tei thokeni namono Jamnia, eghuteuna tei gnafa ka Thongna Mediterenian.

¹² Eghuteuna gratha Thongna Mediterenian igne au ka nohi ke mosu. Tuana nohigna nodi glose vikegna mae Juda.

Kaleb neke uludi naiknodi Hebron ghe Debia ka magra

¹³ Mae Josua ne eni unha teke chekeni Lord ka mana na. Mana ne snakre lao keha nogna vido glose mae Juda ka vikegna mae Kelab. Mae Josua ne snakre lao namono Hebron igne, tifa na mare neke kiloni Kiriat-Aba, gaoghathogna na, “Nogna Namono mae Aba,” eghuteuna Aba gne gragna mae Anak tifa.

¹⁴ Aonu mae Kelab ne ngolho fajifladi vikegna mae Anak ka namono igne. Mae igre ka vikegna mae Sesae, nei ka vikegna mae Ahiman nei ka vikegna mae Talmae.

¹⁵ Eghuteuna kate la uludihi naikno ka namono igre, mae Kelab ke tei neke magra ka naiknodi Debia, namono igne tifa na mare neke kiloni Kiriat-Sefa.

¹⁶ Eghuteuna mae Kelab ne cheke eghu, “Jame kaisei mae batu ghita tahati mala magra ka namono igne, te ghilei uludi tahati mare na, iara ginauna snakreni thugu gaꞌase Aksa mala tolaghi ka mana.”

¹⁷ Mae Otniel batudi mare mala hata namono igne. Mae Otniel gne karha ka mae Kenas, thabusigna mae Kelab. Eghume, mae Kelab snakre lao thugna gaꞌase na ka mae Otniel mala tolaghi repa.

¹⁸ Ke leghugna tholaghi na, Aksa ne cheke ka mae Otniel mala tei mana tore ka mae Kelab mala tufa keha glose ka repa. Keha fata ke leghu, Aksa tei ne cheke ka kmagna. Aonu kate thoke ka vido igne, naꞌa ne krofu soru ka nogna dongki na, kmagna na ne ghusna eghu ka naꞌa, “Aksa, ne unha?”

¹⁹ Naꞌa ne cheke eghu, “Mama, kokhoni ghau iara. Glose ke matagna namono nagou na teke snakre mei iagho ka ghepa igne thono moja fara. Iara magnahaghei nigho iagho te snakre mei kaisei vido glosei ka ghepa aheva te au khoꞌu tagna.” Aonu kmagna na ne snakre lao ka naꞌa glose te au glokha khoꞌu te kiloi mare glokha khoꞌu kligna, eghuteuna glokha khoꞌu pari.

Nodi namono vikegna mae Juda

²⁰ Igne glose aheva te khotogna vikegna mae Juda.

²¹ Namono te thofno au ke mata rhegna nodi rijon naiknodi Idom re igre, Kabsel, nei Eda, nei Jagua,

²² nei Kina, nei Dimona, nei Adada,

²³ nei Kedes, nei Haso, nei Itnan,

²⁴ nei Jif, nei Telem, nei Bealot,

²⁵ nei Hasohadata, nei Keriot-Hesron, keha nanghagna na Haso,

²⁶ nei Amam, nei Sema, nei Molada,

²⁷ nei Hasagada, nei Hesmon, nei Bet-Pelet,

²⁸ nei Hasasual, nei Bereseba, nei Bisiotaea,

²⁹ nei Bala, nei Im, nei Esem,

³⁰ nei Eltolad, nei Kesil, nei Homa,

³¹ nei Siklag, nei Madmana, nei Sansana,

³² nei Lebaeot, nei Silhim, nei Aen, nei Rimon. Igre varadaki nhevai namono te au ka rijon tuana baludi namono ikodi te au faligohodi mare.

³³ Eghuteuna keha namono te au ka thogele ke mosu re, Estaol, nei Sora, nei Asna,

³⁴ nei Sanoa, nei En-Ganim, nei Tapua, nei Enam,

³⁵ nei Jamut, nei Adulam, nei Soko, nei Aseka,

³⁶ nei Saraem, nei Aditaem, nei Gedera, nei Gederotaem. Igre nabotho fati namono te au ka rijon tuana baludi namono ikodi te au faligohodi mare.

³⁷ Eghuteuna keha nodi namono mare re, Senan, nei Hadasa, nei Migdal-Gad,

³⁸ nei Dilean, nei Mispa, nei Joktel,

³⁹ nei Lakis, nei Boskat, nei Eglon,

⁴⁰ nei Kabon, nei Lamam, nei Kitlis,

⁴¹ nei Gederot, nei Bet-Dagon, nei Nama, nei Makeda. Igre nabotho namno namono te au ka rijon tuana baludi namono ikodi te au faligohodi mare.

⁴² Eghuteuna keha nodi namono mare re, Libna, nei Eta, nei Asan,

⁴³ nei Ifta, nei Asna, nei Nesib,

⁴⁴ nei Keila, nei Aksib, nei Maresa. Igre nheva namono te au ka rijon tuana baludi namono ikodi te au faligohodi mare.

⁴⁵ Eghuteuna keha nodi namono langau mare re igre, Ekron baludi namono ikodi te au faligoho re,

⁴⁶ eghuteuna namono biꞌo nei namono ikodi teu te gnafa phile ke demei rhegna Asdod te funu Ekron te tei posani Thongna Mediterenian.

⁴⁷ Eghuteuna keha namono re Asdod baludi namono te gnafa nei namono ikodi te gnafa teu te lithui, eghuteuna namono Gasa baludi namono te gnafa nei namono ikodi te gnafa teu te gnafa igre, tei posani khoꞌu ikoi te fofotagna nodi glose naiknodi Ijep ke mata na, eghuteuna tei me posani Thongna Mediterenian ke mosu na.

⁴⁸ Eghuteuna nanghadi nodi namono maedi Juda ka thogele na igre: Samia, nei Jatia, nei Soko,

⁴⁹ nei Dana, nei Kiriat-Sefa, keha nanghagna na Debia,

⁵⁰ nei Anab, nei Estemoa, nei Anim,

⁵¹ nei Gosen, nei Holon, nei Gilo. Igre nabotho kaisei namono te au ka rijon tuana baludi namono ikodi te au faligohodi mare.

⁵² Eghuteuna nanghadi keha namonore igre, Arab, nei Duma, nei Esan,

⁵³ nei Janim, nei Bet-Tapua, nei Afeka,

⁵⁴ nei Humta, nei Kiriat-Aba keha nanghagna Hebron, nei Sioa. Igre nheva namono te au ka rijon tuana baludi namono ikodi te gnafa te au faligohodi mare.

⁵⁵ Eghuteuna igre nanghadi keha namonore, Maon, nei Kamel, nei Jif, nei Juta,

⁵⁶ nei Jesrel, nei Jokdeam, nei Sanoa,

⁵⁷ nei Kain, nei Gibea, nei Timna. Igre nabotho namono te au ka rijon tuana baludi namono ikodi te gnafa te au faligohodi mare.

⁵⁸ Eghuteuna mare au keha namono langau nanghadire igre, Halhul, nei Bet-Sua, nei Gedoa,

⁵⁹ nei Marat, nei Bet-Anot nei Eltekon. Igre namno namono te au ka rijon tuana baludi namono ikodi te gnafa te au faligohodi mare.

⁶⁰ Eghuteuna phei namono nanghagna kaisei na Kiriat-Baal keha nanghagna na Kiriat-Jaerim, eghuteuna keha na Raba. Igre phei namono te au ka rijon tuana baludi namono ikodi te gnafa te au faligohodi mare.

⁶¹ Eghuteuna keha namono langau te au ka namono nagou re nanghadire, Bet-Araba, nei Midin, nei Sekaka,

⁶² nei Nibsan, nei Iramelak, nei En-Gedi. Igre namno namono te au ka rijon tuana baludi namono ikodi te gnafa te au faligohodi mare.

⁶³ Nu vikegna mae Juda igre theome tangomana te ngolho fajifladi vikegna mae Jebus teke au Jerusalem funu tifa igre. Naikno igre au ngala baludi vikegna mae Juda ghilei mei posa gognarogne.