Jenesis 5 - Buka Blahi Ka Cheke Holo

Susurei fufunu ka mae Adam posa ka mae Noa

^1-2 God neke vuavuha nalhaꞌu ghe gaꞌase mala jateula thegna neku. Eghuteuna ka narane tuana, God neke fablahidi neke kilodi “naikno.” Uve, igne u susurei gna vikegna mae Adam na.

³ Kate kaisei gobi tolufulu finogha na mae Adam neke au kaisei thugna nalhaꞌu jateula thegna neku. Eghuteuna mana ne kiloni nanghagna na Set.

⁴ Ke leghugna teke karha mae Set na mae Adam ne nhana gobi finogha gna. Mana jaola neke au keha thugna nalhaꞌu nei keha thugna gaꞌase neku.

⁵ Aonu mae Adam ne karha neu ne ghilei thokeni nheva gobi tolufulu finogha ne lehe nga.

⁶ Kate kaisei gobi glima finogha na, mae Set ne au kaisei thugna nalhaꞌu, nanghagna na Enos.

⁷ Ke leghugna te karha mae Enos na, mae Set ne nhana gobi fitu finogha gna. Ka narane tuare mana ne au keha thugna nalhaꞌu nei keha thugna gaꞌase neku.

⁸ Mae Set ne nheva gobi nabotho phei finogha gna ne lehe nga.

⁹ Kate nheva salei finogha gna na, mae Enos ne au kaisei thugna nalhaꞌu nanghagna na Kenan.

¹⁰ Ke leghugna te karha mae Kenan na, mae Enos ne nhana gobi nabotho glima finogha gna. Mana jaola ne au keha thugna nalhaꞌu nei keha thugna gaꞌase neku.

¹¹ Aonu mae Enos ne nheva gobi glima finogha gna ne lehe nga.

¹² Kate fitu salei finogha gna na, mae Kenan ne au kaisei thugna nalhaꞌu nanghagna na Mahalalel.

¹³ Ke leghugna te karha mae Mahalalel na, mae Kenan ne nhana gobi phia tutu finogha gna. Mana jaola ne au keha thugna nalhaꞌu nei keha thugna gaꞌase neku.

¹⁴ Aonu mae Kenan ne nheva gobi nabotho finogha gna ne lehe nga.

¹⁵ Kate namno salei glima finogha gna na mae Mahalalel ne au kaisei thugna nalhaꞌu, nanghagna na Jared.

¹⁶ Ke leghugna te karha mae Jared na, mae Mahalalel ne nhana gobi tolufulu finogha gna. Mana jaola ne au keha thugna nalhaꞌu nei keha thugna gaꞌase neku.

¹⁷ Aonu mae Mahalalel ne nhana gobi nheva salei glima finogha gna ne lehe nga.

¹⁸ Kate kaisei gobi namno salei phei finogha gna na, mae Jared ne au kaisei thugna nalhaꞌu nanghagna Enok.

¹⁹ Ke leghugna te karha mae Enok na, mae Jared ne nhana gobi finogha gna. Ka narane tuare mana jaola ne au keha thugna nalhaꞌu nei keha thugna gaꞌase neku.

²⁰ Aonu mae Jared ne nheva gobi namno salei phei finogha gna ne lehe nga.

²¹ Kate namno salei glima finogha gna na, mae Enok ne au kaisei thugna nalhaꞌu, nanghagna na Metusela.

²² Ke leghugna te karha mae Metusela na, mae Enok ne kheragna tutuani God, neke au balugna God thilo gobi finogha. Mana jaola neke au keha thugna nalhaꞌu nei keha thugna gaꞌase neku.

²³ Aonu mae Enok ne thilo gobi namno salei glima finogha.

²⁴ Kaisei narane God ne hata fadeleini mae Enok mala au balugna eghu teuna naiknore ne theome filoni mana. Naugna mae Enok igne neke thofno kheragna tutuani God.

²⁵ Kate kaisei gobi nhana salei fitu finogha gna na, mae Metusela ne au kaisei thugna nalhaꞌu, nanghagna na Lamek.

²⁶ Ke leghugna te karha mae Lamek na, mae Metusela ne fitu gobi nhana salei phei finogha gna. Mana jaola ne au keha thugna nalhaꞌu nei keha thugna gaꞌase neku.

²⁷ Aonu mae Metusela ne nheva gobi namno salei nheva finogha gna ne lehe nga.

²⁸ Kate kaisei gobi nhana salei phei finogha gna na, mae Lamek ne au kaisei thugna nalhaꞌu.

²⁹ Mae Lamek ne kiloni nanghagna thugna na Noa, ne cheke eghu, “Mae Noa gne ginauna togho ghita tahati mala gnafa noda katha vido ka noda gloku nei nakmusa teu ka glose teke tithibrini Lord igne.” Gaoghathogna mae Noa teu igne “gnafa” eghu ka cheke Hibru.

³⁰ Ke leghugna te karha mae Noa na, mae Lamek ne glima gobi nheva salei glima finogha gna. Mana jaola ne au keha thugna nalhaꞌu nei keha thugna gaꞌase neu.

³¹ Aonu mae Lamek ne fitu gobi fitu salei fitu finogha gna ne lehe nga.

³² Kate karha te salaꞌuni mae Noa glima gobi finogha na, mana ne au thilo thugna nalhaꞌu, Sem, Ham nei Jafet.